هااااي
اليوم كان غدانا اكل هندي وهادا احد الاطباق المفضلة عندي بصراحة ... لقيت طرق كتير شبيهه زيو في النت لكن انا اعملو بطريقة مختلفة شوية ومنجد صدقوني مرا لزيز بالذات للي يحبو الاكل السبايسي
المقادير
صدور دجاج مقطعه مكعبات
زبدة
بصل
فصين توم
4 حبات طماطم
بودرة الكاري
كمون
بودرة شيلي
قشطة
فلفل اخضر حار
الطريقة
نحمر البصل مع شوية زبدة ونحط الدجاج فوقو لين يستوي تقريبا
في قدر تاني نحط تقريبا ملعقتين ونصف زبدة ونضيف بصل وتوم ونخليهم شويه وبعدها نضيف الطماطم تقريبا 4 حبات ونخليها على نار هادئة الى ان تستوي وبعدها نضيف عليها شوية ملح وملعقتين من بودرة الكاري وملعقة من بودرة شيلي والفلفل الحار ونحطها في الخلاط ..
بعدين نحط الخلطة على الدجاج ونخليها على نار هادية ونضيف عليها علبه قشطة صغيرة ...
منجد طعمها خياااالي :)
وبالعافية
سامحوني ماصورت الطريقة كنت مستعجلة شويتين :(
Bella lulu @bella_lulu
عضوة نشيطة
يلزم عليك تسجيل الدخول أولًا لكتابة تعليق.
ماما لطيفة
•
تسلم الايادي
الصفحة الأخيرة