انا باحب سيزر سالاد جداااااااااااااا بس علشان المقاطعه مش باروح تشيليز خالص فعملت سيرش علي جوجل و في المنتدي و ترجمت كتير من الطرق و في الاخر طلعت بالطريقه دي و فعلا تحفه نفس الطعم و الله
جربوها و مش هتندموااااااااااا
caesar salad
الطريقه:
خس و كرنب احمر مقطع عشوائي باليد و حطيه في طبق التقديم
الفراخ تكون مخليه و مقطعه صغير جداااا و متبله بودره توم و ملح و فلفل و عصير ليمون و متشوحه في زيت زيتون و مبتاخدش 5 دقايق علي النار
العيش انا استخدمت توست و قطعته مكعبات و حطيته في الصوص ده(زبده و ملح و بودره توم و عصير ليمون) و حمصته في الفرن
الصوص نفسه بتاع السلطه: تضربي في الكيتشن ماشين او الخلاط المهم يكون مفتوح من فوق(بيضه و ملح و فلفل و معلقتين خل و معلقتين عصير ليمون و اوريجانوا و بودره توم و ربع كوب جبنه مبشوره انا استخدمت شيدر و معاها و من غير ما تستغربوا 4 وحدات انشوجه و الله ماليها اي علاقه بالسمك و لا ريحه و لا اي زفاره ابداااا بس هي دي سر الطعم اضربي كله و بعدين حطي زيت بالتدريج من فوق لحد ما الخليط يتقل شويه)
بس خلاص
فاضل التزيين حطي الخس زي ما قلت و حطي عليه شويه من الصوص و بعد كده طبقه فراخ و عليها الصوص و العيش و عليه الصوص برضه و في الاخر جبنه مبشوره المفروض الاصليه جبنه بارميزان بس انا حطيت شيدر
صدقوني نفس الطعم علشان المقاطعه فعلااااااااااااا
انا مثلك من عشاق السيزر.