CheeseCake يمي يمي - مجرب

لكل بنات حواء .. تشيز كيك من اللي يحبه قلبك ..:23:
جربتها ونجحت .. (الحمدلله)

الصعوبة : سهل بس يبيله وقت وصبر :o
الساعة : 4 ساعات :time:



المقادير:
بسكوت دجستيف علبة الصغيرة
زبدة ذايبة
Jam مربى بنكهة اللي تحبين .. فراولة أو توت العلاللي
كيس واحد - دريم ويب - بودرة
كيس واحد - جلي (ليمون أو أناناس) أو كريم كراميل حسب الرغبة - بودرة
ملعقتين قشطة
جبن كيري 4 مكعبات أو 5 مكعبات
قالب صغير ذو قاعدة متحركة ومفتوحة

الطريقة :
الطبقة السفلى :
- تكسرين البسكويت دجستيف وتطحينه في فرامة اللحم أو أي فرامة بس أهم شيء يكون مطحون.
- بعدين تحطين زبدة ذايبة مع البسكوت مقدار الزبدة معتدل - بحيث تكون العجين متماسكة يا دوب مو وايد متماسكة - ما لا تخلين زبدة زيادة لأنها بتلصق لصق لج ولا تخلينها جافة لأن بعد ما تكون زينة ولا بتضبط .
تحطين العجين في قالب اللي قاعدته مفتوحة - هذي نقطه مهمة
وتخلينه بعدين في الفريزر ساعة .. رجاءً الصبر مهم

الطبقة الوسطى :بعد الساعة
- تاخذين الجبن كيري وتحطين معاه شوية ماي مو تغرقينه شوي ماي بس .. بحيث تقدرين تذوبين الجبن وتخلينه مثل العجين الخفيف ..
- تاخذين الدريم ويب والكريم كراميل أو الجلي وتحطينهم في خلاط مع الجبن الكيري الذايب ..
- وتحطين الملعقتين القشطة معاهم
- وتخلطين وتخلطين وتخلطين .. لما تصير خليط ثقيل شوي
طبعاً ملحوظة صغنونة : كلما زدتي الماي في الجبن كلما صار خليطج ماي .. واحنا نبيه يكون خليط ثقيل وشايل عمره.
تاخذين الخليط وتحطينه على الطبقة السفلى .. وتدخلينه الفريزر ساعة بعد

الطبقة الأخيرة :بعد الساعة الثانية - تأكدي إن الطبقة الوسطى صارت متجمدة .. وإذا ما تجمدت خليها وقت زيادة
وبعد ما صارت متجمدة
نسوي الصلصة اللي فوق
تاخذين المربى وتخففينه بماي شوي وتحاولين تذوبين الكتل اللي فيه بالتحريك سواء بالخلاط أو بملعقة .. إلى ما تصير مزيج خفيف ..
وتخلينه على الطبقة الثانية - وتخلينه في الفريزر ..
وبعد ما تجمد الطبقة الأخيرة

تقديمنه حق أحبابج .. وبالهناء والعافية

- نقاط الضعف في اللي سويته:- كان يابس .. وشكثر حاولت إني أقصه التشيز كيك .. ذبحني .. والسبب في الطبقة السفلى لأني خليت العجين تصير متماسكة بزيادة الزبدة .. وممكن من الفريرز زوّد التماسك

- صارت حجمها صغيرة .. ونسبياً سمك الطبقة السفلى قليل - ونفس الشيء بالنسبة للطبقة الوسطى