سلام يا حلوين
اليوم سويت دجاج بالكاري قد سويته قبل لكن دي المره كان اظبط واطعم
وحبيت انقلكم الطريقه وان شالله اذا جربتوها وعجبتكم اعطوها لأي احد حابب الطريقه او لأي منتدى ماني من النوع ما احلل ولى اسامح :icon8:
ما علينا هادي المقادير بسم الله
دجاج مقطع مكعبات صغيره
بصل
زبده
بهارات الكاري علبه إسنااد انا استخدمت .. مكتوب كاري معتدل
اذا تحبيه حااار زي المطاعم الهنديه حطي فلفل حار بودره وكتري زي ما تحبي
نقطه من بهارات مثل الكزبره والكركم
ملح
ماجي
معجون طماطم
كريمه خفق او قشطه انا استخدمت الاتنين
..
الطريقه
نضع مكعبات الدجاج مع البهارات كلها والقشطه نتبلهاا
افضل قبل بيوم ونخليها بالتلاجه او من الصباح بدري
..
نحط الزبده في القدر مع الماجي لما يحمى نحط البصل وملعقتين معجون طماطم وبعدها نحط الدجاااج وشويه مويه حاره ونحرك دقيقتين .. بعدين في نفس صحن الدجاج نحط فيه علبه قشطه انا هنا حطيت كريمه خفق بس لا تكتري وبهارات كاري ونقلبها في القدر ونخليه على نار هاديه لين يستوي اذا حسيتو انه المرق قليل زيدي شويه مويه مغليه ..
ويقدم وقتها على طول عشان المرقه لا تنشف،، :2thmup:
وهادي النتيجه مع رز ابيض وعيش نان انا اشريتو جاهز
دقيقه الصور تصغر :talker:
