يووه يجنن الموضووع



عن ملل الحياه الزوجيه ..


تبون الصدق ..الحمدلله مافيه ملل ..مرره ..يعني تمر علي مره بين فترات متباعده ..

راح ارجع اطرح تجربتي في تقارب الازواج ..شرايكم:)

بوادي انا عارفه نفسي اذا طلعت رخصه ماراح اخلي شي بخاطري خخخخ والاخ الكريم راح يرمي كل شي
والحمدلله الحين لي سنه ونص مااحس بيوم احتجت لشي او احتجت لاحد وفيه بنات مسلمات يوصلون مشاوير مايقصرون مع اني ماعمري جربتهم بس البنات يروحون معهم للمستوصفات غالبا
الله يعدي هالسنين على خير ونرجع لبلدنا يارب

موضوع روعه وكلنا بحاجه له

طبيعي يصير بين الزوجين فتور في العلاقه فتره معينه وبعدين ترجع

بس لاحظت انه الي يحس بهذا الملل بس الزوجات لانهم عاطفين اما الرجال عقلانين اكثر ومايفكروا بالعواطف كثير

وكلامك يابوادي صحيح ...الرجل يحب الحرمه الي تحتاجه وماتقوم بالمهمات الي المفروض هو يقوم فيها

انا لمن اقول لزوجي ان شاءالله بس ادرس واتخرج راح اتوظف ...يقول ايوه.. وانتي تصرفي على البيت والاولاد وعلى نفسك

وينخلط الحابل بالنابل ..يقول لا وظيفه لا...خليك جالسه في بيتك وانا اقوم بمصروفك ومصروف البيت

قلت له ماراح اصرف على البيت بس على الاقل يكون عندي دخل خاص فيني ...يقول مستحيل الحرمه لمن تتوظف ماتحط شئ من راتبها على البيت وبعدها تبداء المشاكل ...

وبيني وبينكم انا كنت عارفه انه راح يقول لا .....لاني عارفه شخصية زوجي تماام.....يحب يحس اني على طول بحاجته

حتى لمن اقوله ودي اتعلم السواقه عشان اريحك من المشواير واساعدك ...يقول ايوه وانا اصير رجل الكرسي في البيت

من وقتها عرفت انه الرجال كلهم طبعهم وااااحد ما يحبوا الحرمه تاخذ دورهم...لانه لو اخذت الدور راح تتلخبط كل الموازين وتبداء المشاكل بينهم ..

وانصحكم يابنات بكتاب الرجال من المريخ والنساء من الزهره ....يعلمك كيف يفكر الرجل وكيف تتعاملي معاه

هدا الكتاب جاني هديه من زوجي ايام الخطوبه بصراحه مررره استفدت منه

موضوع رااائع>> ولو انه ما قريت الا اخر صفحه بالردود:)
ولو انه كان ودي أشارك بالموضوع السابق بس ماكان فيه وقت
اولاً
ربي لا يجيب ملل
ثانياً
بحياتي الشخصيه اشوف إلكلمه ثقيله
لانه من طبعي ما أحب الروتين مجرد ما احس انه فيه شي بحياتنا
انطلق وابحث عن اشياااء جديده
بطبعنا نحب التجديد والتجديد يدخل حتى بالتفاصيل الصغيره

يعني ممكن ابدل كلمة ((ملل)) بكلمة((روتين))
لانه اشوف الملل يحدث لما تكون حياتنا تسير بشكل روتيني من غير تجديد
هذا تعليق سريع قبل ما نروح موضوع ثاني :)


بنت إنديانا أكيد كتاب رجال من المريخ ونساء من زهره كتاب غني عن التعريف
وفيه أيضاً كتاب البوصله أيضاً رااائع

نرجو للكل حياااااة مليئه بالحب والروماانسيه؛)
 بروح اقرأ ردودكم >>

تعليق سريع قبل ما اطلع و اذا رجعت رديت حيكون بالانجليش وراي ليلة طويلة بالمستشفى بعيد عنكم.

طيب اللي حياتها almost بيرفيكت, و زوجها ما مخليها محتاجة شي, و كل شي متوفر و لما تمرض بيشيل البيت و الاولاد عنها و يوم بالاسبوع برضه (و السبب انه بيغيب عنا من الاثنين للجمعة, السبت راحة ليه و طلعات لينا و الاحد مسؤوليته البيت و الاكل و الاولاد و انا)... >>> لهيك بكون رجال البيت اغلب الوقت مش لشيء ثاني...
و اللي بحلوا مشاكلهم اول ما تطلع (الله لا يجيبها) و عايشين مثل السمن على العسل, و كل الناس بتحسدهم على قد ما هم متوافقين و متفاهمين...
لكن حاسة انه الحياة خلاص هون اقصاها و ما حيكون فيه فايدة في اني اكمل..... (للعلم اني معاه و متحملة هالحياة بحلوها و مرها بس لأجل الاولاد لا بحبه و لا بيحبني) شو العمل بهالحالة؟؟؟؟؟ (و انا مني متزوجة جديد تقولوا اعطي نفسك وقت, لا اعطيته تقريبا 10 سنوات... امرار بلاقي نفسي بقول يا رب ما يرجع و برجع بستغفر الله. <<<< ان شاء الله وصلت الفكرة, نفسيتي زي الزفت و حاسة حالي ضايعة, و لأ ما عم دور على حدى احبه, بس اذا ما في حب شو فايدة اكمل معاه؟؟؟؟؟؟؟

(بوادي التنازل ياما اتنازلت عن حقوقي و غرفة النوم خلاص سكرناها و رمينا المفتاح)