هذي اول مشاركة لي في هذا القسم واتمنى انها تعجبكم
هذا مشروب بارد ومثلج وتعبت الصراحة من كثر ما اسويه بعد الغدا وبعد العشا
لان الباشا صار مايقدر يستغنى عنه
===========
((وحدة ماتقدر تكتب شيء بدون قصص ))
مرة كنا نتمشى في مول ومرينا عند كافيه ستار بكس
فشميت ريحة القهوة يامحلاها فقلت لزوجي خاطري اشرب كابتشينو
قال زين فشفت لوحة حاطين عليها مشروب مثلج
فغيرت وقلت خلاص الدنيا حر وابا هذا المثلج
واسمه
Coffee Frappuccino
وهذا شكله
بس لمن شريناه طبعا شكله غير عن الصورة
فقلت حق زوجي انا اعرف اسوي هذا قال زين بنشوف (( يتحدى ))
رحت وشريت نسكافيه وحليب بودرة نيدو
اذا تبون تووونه فهذي هي الطريقة
نحتاج الى
1 خمس ملاعق كبيرة من حليب نيدو واو حليب كليم اي حليب بودرة
2 ملعقة كبيرة نسكافيه
3 خمس ملاعق كبيرة سكر يحبه حلوو حسب الرغبة
4 ثلج مكعبات
5 عصارة (( مايخصني اذا عصارتكم اختربت ))
6 ماء
=================
الطريقة
نحط مكعبات الثلج في العصارة الين ماقبل الربع
وبعدين ماي الين النص
واخر شي السكر والحليب والنسكافيه
تشغلين الخلاطة الين ماتشوفين صار مثل الكريمة
في خلاطات خاصة تسوي الخلطة مثل الكريمة
انا اسوي بالخلاطة العادية المولينكس
===================
وبعدين جيبي الكاس الحلوو
وصبي فيه
وهذا هو شكله صورته لكم من فترة بس مالحقت احط الموضوع
ورشيت شوية بودرة كاكاو
الصراحة تعبت ومليت من كثر ما اسويه يوميا
ووحدة من الاهل قلتلها شربيه قالت ما ابغي ما اشرب نسكافيه
ترجيتها ..الين ماشربته وقالت وااايد حلوو :32::23: قلتلها يستاهل احطه في المنتدى قالت هيه وحطيته
شو رايكم
ملاحظة
تقدرين تضيفين
ايس كريم
قشطة (قيمر )
دريم ويب
بس ماجربت شيء منهم تخمين من عندي
والسموووووحة
===============
شكله مشهي راح اجربه ان شاءالله اذا مو بعد شوي اسويه:27: