نصفي الثاني
وفيج بارك الله
تسلمين يارب على كلامج الطيب اسعدتيني وربي يسعدج دنيا وآخرة
وهذا من ذوقج وطيبج ربي يجزيج خير
اشكرج على متابعتج وردودج الطيبة
وربي يخليج لاهلج وناسج ويحفظج من كل سؤ

والسمووووووووحة

السلام عليكم

أنا تونني مجربة طريقتج مالت الفرابتشينو بس طلع عندي سائل مب مثل الكريم كثل ما قلتي
يكمن لأني حطيت ماي قد نص الخلاط .. !! :(

وطلع طعمه على نسكافيه أكثر يمكن لأني ما حطيت 5 ملاعق سكر مثل ما قلتي

وطلع المشروب عندي بارد بدرجة متوسطة .. أنا على بــالي يطلع مثلج مثل ستاربكس

وعندي سؤال .. هالوصفة كلها لشخص واحد ؟؟ أنا يوم سويتها طلعتي 3 جلاسات

اسمحيلي أسئلتي وايدة بس أنا توني مبتدئة في الطبخ وخاطري أتعلم على يدين طباخات شاطرات مثلج :cook:

:26:

توني أقرى باقي الصفحات وأتوقع مشكلتي أني زدت الماي .. يعني كم مقدار الماي أختي المنـ صدى الصمت ؟؟ أقل عن الجلاس ؟ :confused:

وأختي وحده عسل : ممكن أتحددين أسم الكراميل سوس .. لأني متأكدة في وايد أنواع منه وأنا ما فيه أقعد أدور وأحتار :eek: .. شو النوع اللي تستخدمينه ؟ :04:


:26:

بسكوتة هلا وغلا فيج اختي

انا احط الماي بدون مقدار
لاني بس ابي الخلطة تتحرك اضيف الماي
شوفي انتي تقريبا الكاس مال الجبن الصغير اعتقد يكفي

انا اصب الماي على طول داخل العصارة بحيث يبين انه واصل الين الربع او الثلث تقريبا

كل مايكون الماي اقل احسن
انا مرات ازيد الماي شوي لمن اشوف ان الخليط مايتحرك

وبالتوفيق

والسمووحة

تسلمي يا المنسية.. أنا جوزي بيحب النسكافيه البارد جدا .. ودايما يروح يشتري زجاجات الستاربكس إللي في السوبر ماركت.. وغااااالية جدا .. ححاول أعملها في البيت وأفاجئه :)

تسلم إيدك :26: :26: