شخباركم يا حلوين تولهت على هالقسم من فتره قطعت و ما قمت انزل مواضيع
و ما شفت حد تولهتعلي و على وصفاتي ليشششششششش؟؟؟؟؟
بس ما عليه انا تولهت عليكم و و حبيت انزل موضوع الكب كيك زيينت الكيك بالالتوفي و البسكويت ما استخدمت المكسرات لأن كان لمدرسة اليهال و ممنوع استخدم المكسرات
و ان اشاء الله تعجبكم
وايد سهله و ما يحتاج احط صور للخطوات
المقادير :
في خلاطة العصير نضيف 3 بيض + 4 حبات جبنتة كيري + 1 كوب سكر + نص كوب حليب + ربع كوب زيت +فانيليا+ شوية هيل تخلط المقادير مع بعض و تسكب فوق 1 كوب طحين + 1 ملعقة بيكينج بودر اخلطيهم بالمشبك اليدوي و حطي في قالب الكب كيك
مقادير الوجه :
خلطة التوفي :
نص كوب سكر + 1 علبه قشطه
اول شي نذوب السكر على نار هاديه الين ما تذوب و ىصير لونه ذهبي و نضيف القشطه
خلطه الثانيه :
حلبيب مركز + زبده
نذوب الزبده ونضيف الحليب المركز
الكميه حسب كمية الكيك الي عندج
و تزينون الكيك باي شي من حلاوة جلاكسي ولا مالتريس انا زينت ببسكويت اوريو = بسكويت دايجستف و في وايد افكار للتزين كل وحده و ابتكاراتها
شوا رايكم ؟؟؟ و ان شاء الله عندي طريقه جديده و بنزل لكم قريب بلأول بجرب اذا نجحت بحط لكم
و بالهنا و الشفاء
الي بنتقل الموضوع تذكر المصدر بليز
