Day Care بجدة ياليت يكون فيه تفاعل للمصلحة العامة

الأمومة والطفل

مساء الخير ياامهات وكل عام وانتم بخير

انا افكر اني ادخل ولدي 3 و 1\2 وبنتي 1 و 1\2
لحضانة او ماتعرفday care
عشان يستفديو منها لعب ومنها يستقلوا عني شوي لانهم جدا متعلقين بي خاصة الولد مستحيل يبعد عني ساعة حتى وانا نايمة لازم يشك على كل شوي يتاكد انا موجودة بالبيت او لا ومنها يتعلم يكون اجتماعي ويلعب مع اطفال بسنه وان شاءالله تنفك عقدته وينطلق لسانه ويصير اجتماعي
ويكون مكان اخليهم فيه وقت مااكون خارج البيت حتى لو برفقة الخادمة بس اطمن يكون هناك متابعة بدل مايكونوا بالبيت لحالهم

سبب اختياري لهذا النوع لاني حسيتها انها اخف من الروضة وتعقيداتها ومرنة بالمواعيد والحضور

لهذا جمعت كم اسم وحابة اعرضهم عليكم اذا اي وحدة عندها معلومات عن اي مكان ياليت تكتبه
واذا فيه اماكن افضل ياليت ماتبخلوا علينا
وياليت تركزوا على نقطة اذا هي تعمد اللغة العربية او الانجليزية كلغة تحدث

mio et mama
تقريبا خلف المساعدية

bear hug's
الظاهر انها بطريق الحمرا جنب السفارة الامريكية

little 1's day care
مااعرف مكانها ياليت اللي تعرف تكتب رقمهم وعنوانهم

enchant garden
التحلية ورى المنتزه

ماجستيك
خلف بندة طريق الملك

هذي اللي قدرت احصل عليهم وعلى ارقامهم وان شاءالله بعد الاجازة بزور كل وحدة
لكن يهمني اسمع الاراء من ناحية الامان و التعامل والنظافة والاسعار
ومشكورين مقدما
3
15K

يلزم عليك تسجيل الدخول أولًا لكتابة تعليق.

تسجيل دخول

lolo_kitty
lolo_kitty
ان شاء الله تتوفقي في حضانة كويسة..
ولدك ماشاء الله كبير خلاص يعني اللي في عمره بدخلو KG2.. البنت هي اللي تحتاج Nursery.. ما عرف ليش اتأخرت على ولدك ولسة من مقتنعة انو يدخل روضة.. الروضات مو كلها زي بعض لازم انضباط والتزام وحصص اجبارية.. اصلا غلط الطفل في مرحلة ماقبل المدرسة انو يتعلم اي شي اجباري.. كله تعليم بالترفيه واكتساب مهارات فقط..
ومررررررررررة حينبسطو بالذات الصغيرة..
أنا من يوم بنتي كانت سنة ونص وانا الفلف وادور وأسأل..
Mama et Moi ماعرف عنها شي كحضانة او روضة يومية بس اعرف ان عندهم نشاطات اسبوعية للاطفال
enchanted garden شفت بروشوراتهم وعجبتني مرررررة بس مازرتهم
ماجستيك سمعت انها مو مرة
بنتي الان سنتين ونص.. وسجلتها من 6 شهور تقريبا.. وبدأت مع بداية الدوام..طبعا فصل نيرسري
في الاخر استقريت على مكانين: Kids campus وهو اللي سمعت عنه اكثر المدح وبصراحة بعد التجربة اقتنعت انها مدرسة مرة كويسة.. مكانها في حي الشاطئ ولهم محل في الخالدية في شارع الامير سلطان قريب من لمسات يكون فاتح الصباح احيانا والمسا ممكن الاطفال يقضو فيه وقت يتسلو بكل امان..ممكن تجربيه يوم.. طبعا اللغة الاساسية انجليزية بس في تركيز برضو عالدين والادعية والاذكار
الرسوم 1500 تسجيل 13000 رسوم السنة..
المكان الثاني هو ليتل سمارتيز او الاذكياء الصغار في حي الشاطي ورا المأكولات الايرانية بشارعين ياخدو من عمر شهور الين التمهيدي ورسومهم تختلف لكل مرحلة وفي دفع شهري وبالترم وبالسنة.. السنة ب10000

اماكن تانية سمعت عنها بس ماشفتها بنفسي:
بيتي الصغير.. عربي انجليزي فرنسي.. معروفة من اكتر من 20 سنة
IPS في شارع صاري ورا جرير سمعت عنها مدح كثييييير انجليزي الرقم مو متوفر
مركز ألوان الطفولة بس ماعرف الرقم ومكانهم في الخالدية قريب من التخصصي انجليزي اكتر شي بس الرقم مو متوفر حاليا
elegant-lady-sa
elegant-lady-sa
هاي حبيبتي مشكورة على الرد
بالنسبة للتاخر بدخول ولدي للروضة بسبب ظروفه الصحية الله يكون بعونه وعوني اغلب وقته بالمستشفى تنويم وعمليات فقط خلا ل هذا العام اجرى عمليتين من ولادته وهو تعبان
اخر عملية اجراها في رمضان لحمية ولوز واذن لان الدكتور قال يمكن هي السبب في تاخر نطقه والحمدلله الان بدأ ينطق ويتكلم مع ان فيه بعض الكلمات مو مفهومة
هو الان ماشاءالله تحسنت صحته لكن النفسية دمار خوف من الناس بشكل فظيع وانه يكون لوحده لازم انا معه في كل خطوة بسبب المستشفيات والكشف والعمليات وناس غريبة تعطيه ابر او ادوية وسحب دم
تخيلي اذا الملاهي زحمة جته حالة ضيق وصار يبكي يبي يخرج من الملاهي ويرجع البيت
حتى الخادمة مايتقبلها تلمسه او حتى تغسل يده او تلعب معه حتى اهلي وجدته يرفضهم انا فقط
عشان كذا حبيت اخذ الامور بالتدريج داي كير عشان يتاقلم شوي على المجتمع ومن ثم تمهيدي
اما بالنسبة للروضة هي معقدة شوي وماتناسب ابني بهذا الوقت لاني سالت كم روضة وبينت حالة ولدي يعني اغلب الروضات فيها منهج ولو يغيب كم يوم فاتته دروس ولازم تحفيظ سواء سورة او اعداد او ارقام يعني هو ماينطق صح ماابيه يحس انه مختلف عنهم والدوام رسمي مايناسب ابني ومراجعاته للمستشفى
والله احسها معقدة
والداي كير فيها تعليم على شكل خفيف وانشطة جماعية ولعب وترفيه ومرونة بالدوام
وبالنسبة للتعليم انا اعلمه بالبيت بشكل مبسط وبالراحة معه
بالنسبة لبنتي الحمدلله هي اجتماعية وتحب الاختلاط والاطفال ومستقلة عني وشخصيتها قوية ماعندها مشاكل بس حبيت انها تستفيد من وقتها وتتعلم وتقوي شخصيتها اكثر افضل من تركها بالبيت مع الخادمة او ببيت امي وانا بكون مشغولة شوي عنها بسبب اخوها وايضا عشان اخوها يشوف انها مبسوطة بالمكان وتروح وتجي معنا يمكن يكون سبب في تشجيعه على الاختلاط مع الاطفال والاستقلال عني
مشكورة مرة ثانية وياليت يكون فيه تتفاعل اكثر
elegant-lady-sa
elegant-lady-sa
لسه عندي امل ببنات جدة

يعني معقولة محد مدخل اطفاله day care