السلام عليكم ورحمة الله وبركاته
أخواتي وحبيباتي
هذا المنتج صار لي سنوات استعمله لتنظيف الذهب والإكسسوارات بس سبحان الله
ولامرة خطر في بالي أني أنزل صورته أو موضوع عنه بالمنتدى
ولم نزلت موضوعي عن الممسحة العجيبة وإستخداماتها فكرت أني أنزل لكم صورة
هذا المنتج وإستعمالي له خصوصاً أنه من نفس الشركة اللي أشتريت منها الممسحة
وعلى فكرة يابنات أرجع وأقول
أن هاذي الشركة مالها محل عندنا بالبحرين. فقط ينزلون عندنا سنوياً بمعرض الخريف ويعرضون منتجاتهم
اعذروني طولت عليكم ... نبدأ مع بعض
هاذي صورة المنتج
وهاذي الأشياء اللي بنظفها
اسورة يد ، قلادة وقلب ، وساعة يد طبعاً مو ذهب ولكن مطلية بالذهب
ناخذ كمية قليلة من المحلول ونحطه بإناء زجاجي
نضيف له كمية من الماء لتخفيفه
ننقع الساعة والإكسسوارات لمدة 10 - 15 دقيقة
أنا أحياناً أخليهم لمدة 30 دقيقة
ناخذ فرشاة معجون ونبدأ نفرك الساعة والمحلول وبتطلع رغوة وكل ماخفت
الرغوة أخذي من الإناء بالفرشاة وفركي لحد ماتشوفين الساعة تلمع
غسليهم بالماء ونشفيهم بفوطة ناعمة
وهاذي النتيجة
صورة مقربة ، شوفوا كيف يلمعون .. في الطبيعة أحلى
معلومات إضافية:
* هذا المنتج صناعته ماليزية
* يستخدم هذا المنتج بطريقة ثانية
يوضع كمية قليلة منه في قاع علبة بخاخ فاضية مع كمية من الماء ويستخدم
بطريقة الرش والمسح بفوطة
يستخدم لتنظيف أشياء كثيرة منها:
الفرن ، الميكروويف ، خزائن المطبخ ، الشبابيك ، الملابس المبقعة من الزيت ،
السجاد وغيرها كثير
(وللأمانة أنا ما استعمله إلا للذهب والإكسسوارات)
ومع السلامة
:27: