مشكورة عزيزتي بس وين نلقى الشركة هذي في السعودية:26:

اوه هذا زوجي يحب البودي مست يستخدمه كديودورانت

بس ما قط جرب المسك

اكيد بيكون روعه

أنا جربتها ريحتها حلوة بس اتجفف الجسم عشان كذا ما عجبتني

والله اخجلتوني ..

رجعت للموضوع وأنا مب متوقعة هالردود ..

أثلجتم صدري >>> فديتني والله :27:

شوفوا أنا ما برد عليكم بالاسم .. بجاوب عليكم بشكل عام بدون ذكر اسماء .. بعد الشكر الجزيل لكم طبعاً ..

هذا المنتج أنا لقيته في ا لسوبر ماركت كنت ادور على سكراب للجسم ولقيته جنبه قلت يالله اجرب ليش لا ؟؟

يعني لو تروحون أي سوبر ماركت كبير أكيد بتلقونه عند قسم كريمات الجسم ..

في العين أنا لقيته في محلات الصفا .. واعتقد اكيد بتلقونه في كارفور ..

باقي المناطق ما ادري .. بس دوروا عليه أول في السوبر ماركت ..

بالنسبة للأخت اللي قالت إنه يجفف الجسم .. ما ادري أي نوع استخدمت .. بس عاد لا حد يجيب لي طاري الجفاف ما اعتقد إنه في جسم أجف من جسمي لدرجة إنه إذا ما رطبته بشكل مستمر تنجن الأنسة ( إكزيما ) عندي .. بس هالكريم ما حسيت إنه سوا لي جفاف أبداً ..

وعلى أية حال ممكن تدهنين جسمج قبل استخدامه بزيت الأطفال أو بالجل .. أو تسوين سكراب باستخدام زيت الزيتون والملح والليمون وبعدين ادهني باللوشن .. ما اعتقد راح تعانين من الجفاف ..

هذا رأيي ..

شكراً مرة ثانية لتفاعلكم .. وأنا أول ما انزل للسوق بدور على النكهات الثانية والسبراي .. ويا ليت القى الشمعة شكلها روعة ..

تحياتي يا حلووووين .. يا مزوقيييييييييييييييييييييييييين :26: :26: