جيتكم اليوم بوصفه جديده من كتاب الشوكولاته
كوكيز سهل ولذيييذ ويواجه ..عملته لجاراتي حسبوه جاهز:42:
المقادير
60 جرام او 2 اونص شوكولاته مره (تذوبينها )
كوب وربع بسكوت مطحون (انا قسمت الكمية نصها بسكوت شاي ونصها بسكوت بالعسل)
نص كوب شوفان
علبه حليب مركز محلى (طبعا موشرط راح تستخدمي العلبه كلها)
شوكولاته بيضاء
الزينه اللي تنحط لتزيين الكيك اللي كانها قطع شوكولاته صغييييره ما ادري ايش تسمونها بتشوفون شكلها في الصور
الطريقه
في زبديه اخلطي البسكوت والشوفان والشوكولاته الذايبه واعجنيهم بالحليب المركز الى ما تتكون عندك عجينه بسكوت متماسكه (كميه الحليب حسب الحاجه)
كوريهم الى كور صغيره وبعدين صفيهم على ورق زبده واكبسيهم من فوق شوي ودخليهم الثلاجه يتماسكون شوي
ذوبي الشوكولاته البيضاء وصبي منها شوي فوق البسكوت و زينيه بقطع الشوكولاته
ودخليها الثلاجه تتماسك
وبس
شفتوا كيف سهله
جاري التطبيق
يعطيك العافيه