السلام عليكم ورحمة الله وبركاته
شلونكم بنات

تدرون رحت يوم الخميس من الصبح وافتريت علي المكان اللي قالت عنه لولوة الحلوة .. بس لولوة ما حصلت الوطنية مقابل الصالحية ..... مافي هناك ؟؟؟
فيه مجمع الوطية .. وشفت مجمع الوطنية خلف مجمع المثني بس مافيه ايضا محل تايلندي
المنتج هذا تايلندي وليس فلبيني
الزبدة .. شفتي وين الخطوط الجويه الكويتيه .. بجانبة أكو مجمع الدولية وفيه كل مكاتب السفريات وداخله اكو بعد محل تايلنندي .. اول ما دشيت راويته الدواء جنسينغ وكان عندها منه ايضا تبيعه ب 2.5 دينار كويتي وقالتلي انه بس حق


بس حق



الشعر بعد السباحة .. يكون الشعر كشه وتاخذين منه نقطتين او ثلاث وتمسحين علي شعرج من بره فقط لا غير وانه يخلي الشعر لامع وحيوي وما يخليه شكله ناشف ..وينحط عقب غسل الشعر وايضا قبل السشوار


وراوتني شغله ثانيه من تايلند تبيعها تونيك لونه بني قرشته صغيره بحجم كف اليد وقالت لي انه ينبت الشعر وويوفق التساقط وسعره 3 دنانير كويتي ..وايضا قريت اللي عليه وكان مكتوب انه ينبت الشعر - لكني ترددت لاني من كثر ما اشوف ادويه واجربها وما تضبط انصدمت فقدت الامل

وصكتني حاله اقلقه ونفسيه وزعلت ورجعت البيت متضايقه


بس لولوة .. عطيني وصف المكان اللي حصلتي فيه الدواء عدل لانه حسب كلامج انه قالج انه ينبت الشعر بس التايلنديه قالت لي انه مو حق التساقط ولا التنبيت فقط للشعر اللي كشه علشان يطخخه


وبعدين اشلون راح عن بالي انه اسمه كوت coat وماهو معناته انه كوفير cover يعني يغلف الشعر ويحميها .. يعني مثل الجاكيت الكوت شلون يحمي جسمنا من البرد ايضا هو يحمي الشعر كوووووووووووووووووت .. طلعته من المترجم ديكشيناري


يالله السلام عليكم وشكرا للجميع وعلي مساعداتكم
صدقوني لوما مساعدتكم جان ما وصلت ولا عرفت النتيجة


وشكــــــــــــــــــــــــــــــرا :27:

بنات فهموني شنو هذا اللي ينبت ب10 ايام علموني من وين احصله

يعني ضحكوا علينا؟؟؟؟؟؟؟

يمكن يكون للمعة بس......
علشان يمشون بضاعتهم يقولون كل شي.......بس ترى انا شفت كذا شي غير هذا مكتوب عليه لتطويل الشعر او تكثيفه....بالانجليزي طبعا........وفي واحد شدني كان عليه صورة حصان.......للتطويل بس ماخذيته

شوفي حبيبتي........تعرفين مكان مخفر الصالحية قبل؟؟؟بظهره مجمع كبير .......
وتلفين اول لفة يمين راح يصير مجمع الصالحية بيسارج صح؟؟تكملين سيدة وبعدين في اتجاه اجباري يمين...عند زهور الجرة...تدخلين اول لفة يمين يكون جدامج في مواقف سيارات ......باركينج.......تصفطين بالمسافط وتروحين الاسنسير وتضغطين على M........اول ما تنزلين من الاسنسير امشي يسار راح تلقين كم محل يم بعض كللللللللللهم منتجات الفلبينيين والتايلنديين.........اشياء غريبة عجيبة.......واذا ما لقيتي الل تبينه هناك........في كذا محل غيرهم.........تنزلين بالسلم المتحرك تحت وتمشين يسار ليمن تشوفين باب يطلعج من المجمع.......طلعي منه .....وامشي يمين تلقين على يسارج مجمع ثاني.......داخله فيه محل فلبينين...وهذا اللي شريت منه....نفس المجمع فيه بيضون ونظارات حسن...........




فهمتي؟؟؟؟ شكلج ضعتي من كلامي........انا قاعدة اتخيل المكان واكتبلج.......بس ترى لما تروحين هناك ماراح تضيعين

انا قصدي عطار الكويت بسوق حجاب بالسعوديه عندنا اسم العطار كذا

وهو محل عطاره مشهور عندنا


باي حبايبي

:26:
السلام عليكم..
أختي أنا عندي منه...و اشتريته من صالون جنب بيتنا يبيع ماركة لوريال و كيراستاس للشعر...
بستعمله بدهن فيه شعري بالحالتين..اذا كان مبلل أو ناشف.....
يقوي الشعر و يحميه من أضرار الصبغ و السشوار..و تلاحظي الفرق من أول استعمال.....
يستعمل يومياً....
ملاحظة:أنا بالكويت كمان.....