Glamour Shots مييييين عندها فكره عنه؟؟؟؟؟؟

السلام عليكم ورحمة الله وبركاته
أنا أعرف المحل المذكور بس بمدينة (جده) شارع التحلية بمركز الخياط ، وبصراحه أهل زوجي مجربينه والحقيقة صورهم تاخذ العقل وتخلي الوحدة كأنها مو هي من طريقة مكياجهم وملابسهم وااااااو ولا القبعات على كيييف كيفك ، ويطلعونك بكذا شكل ، يعني مره على شاطيء البحر ، ومره بمحل سهرة ................ وناهيك عن الخلفيات جناااااااان كنها حقيقية ، أما الأطفال عندهم شوية تفنينات تهبببببببل ، تصدقي أخت زوجي مالها حظ بالصور أبد بس بصراحة بعد ماراحتلهم وخذولها كم صورة قررت ماتغير ومصره عليهم ، بس المشكلة بالأسعاااااااار
بصراحة خيالية وعلى حسب مايغرووووك بأخذ كميات مهوووووله منها وبأحجام مختلفة طبعاً ، عندهم مثلاً 300 ريال هاذي تدفعيها تدفعيها
لامحالة عند دخولك طبعاً للمكياج ، وبعد كدا يبدأ الثقييييل بعد التصوير وإختيارك للصور ، يعني طلعت أخت زوجي من عندهم بـ 3000 ريال
مابين صور صغيرة ومتوسطة وكبييييييرة حسب يعني ، بس بصراحة دفعت وهي راااااضيه كل الرضى .
بس وسلامتك .
أرجو إني قد أفدتك عزيزتي ، ولك تحياتي .

مرحبا
كاتمة العبرات ..... انا جربت غلامر شوتس فرع الكويت .... التصوير حلو بصراحة ورائع الملابس والميك اب من عندهم انتي بس تروحين لابسة اما تنورة وتي شيرت او بنطلون وتي شيرت على راحتك .. المهم لبس مريح وتكونين مسوية شعرج

الصور بصراحة غالية بس كل ما زاد عد الصور قل سعرها ..انا سويت 12 لقطة ب 90 دينار او 80 دينار

اتمنى اكون اعطيتج نبذة عنهم :21:

حلامر شوتس من جد روعه بس عيبه انه غالي..بس بصراحه ..يستاهل تدفعين فيه لان تصويرهم لا يعلى عليه..غير انهم يطلعون البوصه عروسه..ويغيرون شكلك 180 درجه..يعني توكلي على الله..


اختك..
سبائك العسجد..

مساء الخير ..
من تجربتي لغلامر شوتس طبعا فرع الكويت .. طبعا هالحجي من سنتين .. التصوير لا يعلى عليه ... اللقطات و الدلع كأنج نجمة سينما
بسسسسسسس المكياج الله لا يوريج .. احس ما يعرفون يحطون .. مصغرين ملامحي و حاطين كريم كرهت نفسي من وراه على اساس انه كريم كاميرا .. انا يوم طلعت الصور طبعا كلفتني 135 دينار :( كانت عاجبتني بس الحين اقول اتحسف عليهم لاني قمت افهم بالمكياج وإلا قبل مستانسه احد يحطلي .. :)

يالله اشوفكم على خير

قلامر شوتز كل شي من عندهم المكياج والملابس تختارين اللبس اللي تبينه ..
والاسعار حسب عدد الصور اللي تبينها واحجامها يعني ممكن يكلفك 2000 وممكن 4000
وهم بعد مايصورونك يخلونك تختارين الصور اللي تبينها ويطلعونها لك ..