gs

السلام عليكم ، هذي اول مشاركه لي بالمنتذى واول مره اشارك بس لما شفت مساعاداتكم لبعض قلت بيساعدوني ان شاءلله .. بدخل علطول بمشكلتي انا دايما ادعي بس مايستجاب لي وانا عارفه ان ربي مايرد عبده ومتاكده ان الغلط مني ! لان لما اتذكر كيف كنت ادعي اكون على ذنب او ادعي بسرعه بدون الحاح ويومين واوقف او ماكون باره بأمي وابوي وهكذا ... بس هالمره مره غير مره! سبحان الله ربي قبل مايحط فيني حاجتي للدعوه ذي تبت قبلها بعدت عن الاغاني وبعدت عن العقوق وعن نومي عن الصلاه مره تبت ولله الحمد ، والهمني الاستغفار باليوم1000 مره ولاحول ولا قوة الا بالله باليوم500 مره بنية تفريج همي واقرا البقره يوميا صفحتين واقوم من نومي نعسسسانه عشان اصلي اخر ثلث من اليل وادعي والنوافل ماتركتها من عرفت ان ربي يحب عبده الي يصليها واحس بلذه ويقين وراحه وانا ادعي وبعد ماخلص دعا! بتقولون ليش انا قاعده اقولكم الاشياء الي بيني وبين ربي ومايصلح اقولها. انا عارفه وموب عشان شي والله بس ابي اعرف هل الاشياء هذي الي ربي الهمني اياها سبب من استجابة دعوتي ؟ انا ماقد جربت بس اكيد انتو جربتو الي مرت بحالتي تقولي وش حست قبل الاجابه تكفوووووون والي ماجربت وماعندها رد تدعي ربي يفرج همي ويبشرني بالي انتظره هو خير المبشرين يمكن تكون اجابتك اقرب لربي من اجابتي دعوه تكفيني والله ان دمعتي هاليومين ماتوقف! الله يفرج ع الجميع ولا تبخلون علي برد او دعاء وشكرا مره :(