Help meeeeeeee ابي اصــــــير حااااااااااااااااره

السلام عليكم ورحمة الله وبركاته
اختي الحبيبه مزيونه قطر هذي نعمه ما المفروض تسوينها مشكله العصبيه ما تجيب الا المشاكل وعوار الراس ليش ما تقولين انك هادئه مو بارده ترى فيه فرق البارده تكون بطيئه جدا في حركتها وكلامها وبكل شي اما الهاديه فهي الانسانه قليله الكلام والتعبير ونشطه في نفس الوقت ولها والجد مطلوب في احوال كثيره وخفه الدم حلوه على فكره اقولك سر؟؟؟؟؟؟؟؟؟؟؟؟
انا بالاول كنت ثقيله طينه لدرجه محد يسال حتى عني بس من تزوجت وبعيد عن اهلي سايرت حياتي وغيرت من اسلوبي وصرت محبوبه عند صديقاتي والحمدلله مايخلى مجلس بدوني
كوني حبيبتي كما انتي واثقه معجبه ومعتزه بنفسك ولتكوني ممن يقل خيرا او ليصمت فرسولنا الكريم كان قليل المزاح صلى الله عليه وسلم
وعلى فكره البنت الهاديه مرغوبه من كثير من الناس وفقك الله وعزز خطاك بالخير والايمان:27: :27: :27:

يا حظش ... بالعكس جذي .. ما تكونين مهمومة و لا تحاتين .. و تسهرين الليل في التفكير..

نيالي:26:

حبيبتي انا نفس مشكلتك ...

شكلي وكلامي يوحي اني باردة ...
مع أني جدا نشيطة و حيوية ...
حتى أحيانا الناس تستغرب لما تسمع عن مشاريعي و انجازاتي .. ويقولون لي ما يبين عليك ...

عموما انا اشوف البرود افضل من العصبية ..

أما ثقل الدم .. فإذا ما تعرفين تضحكين حولك .. حاولي تكوني رقيقة .. عشان يبان دلع مو ثقل :27:

الجوريات الثلاث

مشكوووره يااااقلبي ...وعسى الله يووفقج :)

منار الحرية
هلا اختي .. هو صج رااحه .. بس لمن يكونون اللي حوالينج مب مرتاحين منجج .. تصييير

مصييييييييييبه :( :(

Selsabeel
.. اهلين :) وربي حااااااااااااااااااامده الله .. حمد لله 100000000000000 مرره

لكن انا احاول اغير برووحي .. عشان الكل يرتاح مني .. مايصير جذيه كله يقولونلي فااجه فااجه

.....

ياسمينة


الله يكون بالعوون والله


:27:

............

تراني مب ثقييلة دممم .. لالالا

بس انه مااحب اتغشمر دووم .. وكل يقولونلي لييش مااده البوز

والله مااعرفنا حق هالناس .. ان استاانسنا قاالو مستاانسين . وان زعلللنا قالو مدوو البوز


جد الناس ماترضى عن اي شي

ومشكووووووورين حباايبي

وودي .. بعد باقي البنات يعلقوون ويعطووني رااايهم شنووووووووووو الحل

وشااكرررررتلكم واايد

:26:

السلام عليكم ورحمة الله وبركاته

اختي مزيونة قطر

& ارضاء الناس غايه لايمكن ادراكها ؟؟
ولو كنتِ (حاره) على قولك .. كان الناس قالوا
ليش ماتكوني هاديه وبارده .. !!!!!!

& الحياه مشاكلها كثير .. ويبغالها قلب يتحمل
والتحمل والصبر ماتنفع مع الانفعالات الزايده
وشوفي معظم الامراض من الععصبيه والتوتر

& خير الامور الوسط .. !!!!!!!!!!!!!
يعني لاتكوني حاره لدرجة الغليان ..ولا بارده لدرجه التجمد ؟؟

& الطبع يغلب التطبع .. (كوني كما انتِ)
واذا ممكن تكتسبين مهارات جديده .. وحماس اكبر في كثير من الامور
يكون تجديد لشخصيتك .. واضافه حلوه لطبعك

& ويالغاليه أهم شي ....
يكون في قلبك الخوف من الله .. ويكون ابيض (لاحسد ولاحقد )
ويكون عطائك وتعاملك مع الاخرين صادق ومفيد .. فيه حرارة
مشاعر .. وحلاوة روح

اختك:
**المتفائلة4**