_Hiind89 خاص للأخوات الي ردوا على الأخت شوفوا قصتي

لاحظت هجوم غريب على الأخت لا لسبب إلا لأنها ذكرت أنها شاكه أن طليقها يراقبها بالواتس اب .. أنا وحده أكثر وحده هالشي تسبب بإنفصالها وطلاقها من زوجها زوجي كان مطلق وحده قبلي حطوا فيها عيوب الكون كلها فوافقت وللأسف تأكدت أن وضعي زي الكثيرات من الي يتزوجون مطلق مجرد ردت فعل وقرار منه بدون وعي يبي يكايد ويغث ويربي طليقته على حسابها كان 24 ساعه على الواتس اب يراقب وإذا بينت طليقته انها مستانسه ينجن وينهبل او اذا اتصلت واتس وطولة بالإتصال يركبه ألف عفريت اتوقع يقول من تكلم واذا جاء طاريها بمجلس يفز وينتبه للسالفه زي المجنون كل شوي يناظر بملفها بدون حياء ولاحشيمه قدامي عادي ولو كلمته ينهرني يقول مو شغلك انا اكلم اصحابي ولا تتجسسين والمشكله كم مره اقفطه فاتح على حسابها ويراقب حتى أذكر مره غيرت رقمها استخف ولا ارتاح لين ماوصل له ماأدري بأي طريقه ادري انه يحبها ولا عمره تجاوزها ولما فقدها وحس فعلا بقيمتها طلقني على أمل ترجع له والحين احنا بعد أكثر من 4 سنوات انا وهي وطليقنا كلنا ولا واحد تزوج هو ظلمني وظلمها قبلي وظلم حاله ترى مو شرط المطلق يتجاوز ولا شرط بعد ينسى بالكليه هذا هو مانساها وانا ولا كأني مريت بحياته بس الي قاهرني وحارق قلبي اني حبيته فعلا وللحين أحبه وعلى حركاته والي سواه تقولون مجنونه بس قلبي مو بيدي وعندي منه ولد كل ماله يصير نسخه من أبوه الله يعيننا على هالقلب وتجي وحده تقول الحريم عاطفيات ياماما ماجربتي شعور أول رجل يدخل بحياتك وتحبينه حتى على علاته هالشيء خارج عن إرادتنا ولا بيدنا هذا هو رجل وعواطفه تحكمت فيه فليش المفترض مننا العكس !!!!