تسلم أيدج يا هنوده

مشكورة أختي هند ععلى هالطريقة الروعه
سويتها وطلعت فعلاً لذيذة بس ما طلعت بجودة خبزج

مقيوله :"إدي العيش لخبازه" ههههههههه
المهم اختي أبغي منج مقدرا تقريبي لو تكرمتي للماء لأني بصراحه ما أعرف يا ريت لو يكون بالمل أو بقياس كاس جبن كرافت الطويل

ومشكلة عندي بعد السطح العلوي للخبزة ينضى بسرعه ويحترق بسرعه

ما أدر كم سمك الخبزة المفروض يكون؟وقطرها ياريت

مشكله عاد اللي تعودوا عالرياضيات

يعطيج العافية اختي هند

بادور على الجهاز إن شاء الله يمكن احصله في جيان ، و باجرب الطريقة
بس عاد ما يصير خمير من غير مهياوة ، أنا ضروري احط عليها مهياوة بدال الزعتر و السمسم عشان يعطيني الطعم الأصلي للأكلة :)

ياسلااااااااااام... إلين الحين مب قادره أصدق إني سويت خبز خمير..
مشكووووره اخت هند. البارحه سرت الشارجه وشريت مكينة الخبز واليوم سويت الخبز عقب المغرب وكلهم في البيت اتخبلوا عليه.. سويت شويه بالسمسم وشويه بالزعتر وشويه حطيت جبن شرايح وعليه رشة زعتر، كان يفوق الخيال..
يزاج الله الف خير على هاي الوصفه والشرح المفصل وان شاءالله تنكتب لج حجه السنه اليايه يااااااارب. دورت الكيمره عسب اصور الخبز إلين دار راسي وما حصلتها..
المهم اني مستانسه من النتيجه والكل عجبه الخبز