How can we learn listening skill ?اطرحي تجربتك

لسلام عليكم
listening is very important skill
we can listen to radio ,t.v shows
and audio lessons on your mobile
ان مهارة الاستماع مهمة جدا
بامكانك
الاستماع للمذياع وللعروض التليفزيونية
وكذلك بعض الدروس الصوتية على محمولك

At first just listen and listen
don't be upset if you can't understand
day after day you will be used to the language
and keep the words in your mind
في البداية استمعي واستمعي
لا تحزني اذا لم تفهمي ما تسمعين
يوم بعد يوم ستعتادين على اللغة
وتحتفظين بالكلمات داخل دماغك


بصراحة هذه تجربتي في الاستماع اتمنى اكون افدتكم ..اعتقد ان الكثيرات مررن بنفس التجربة
:27:

لقد غذيت المهارة السمعية عن طريق أفلام الكرتون الإنجليزيةهذا في البداية...لأن أفلام الكرتون لغتها سهلة ومخارج الحروف واضحة..وبعدين صرت أسمع الأفلام الأجنبية وأجبر نفسي إني ما أقرى الترجمة في بعض الحوارات .

good luck

حبيت أطرح لكم تجربتي...

وأسأل الله أن يفعكم بها....

أنا أحب اللغة الإنجليزية بشدة ودرستها بطرق عدة أحرزت تقدم لكن ظلت مشكلة التحدث والأخطاء المستمرة بقواعد اللغة الإنجليزية....

إلى أن يسر الله لي عرفت موقع EffortlessEnglishClup صاحب الموقع أمريكي عنده ماجستير في تعليم اللغه ويعطي دروس مسجله ولكنها طبعا للبيع وليست مجانيه ولكن إذا سجلت إيميلك بالموقع يرسلك إيميلات فيها بعض التسجيلات المجانيه ممكن تستفيدين منها....

وعلى فكرة لا تشترين أي شي إلا إذا جربت نفسك لأن طريقته ما تصلح للكل مع إن طريقته رائعة وتجيب نتيجة فعلا إن شاء الله بس يبغالها عزيمة وصبر وحب شديد للغة مش بس كلمة (((ودي لو أتعلم إنجليزي)))) ,,,, في درس مجاني بالموقع حمليه وجربي طريقته قبل لا تشترين

والحين بعد ما قصيت قصة حياتي بقولكم باختصار أهم إلي استفدته من الموقع

1_ لازم يكون عندك آيبود ويغني عنه الآيفون طبعا علشان تحطين الدرس إلي تبغين تسمعينه وتتحركين علشان ما تزهقين شغلي الدرس وإنت تشتغلين في البيت و إنت تستشورين شعرك و إنت تحطين مكياجك وهكذا لأنك إذا قابلتي الكمبيوتر راح تزهقين بالتأكيد ((أقولها عن تجربه))....

2- كرري سماع الدرس لمدة لا تقل عن أسبوع ويفضل أسبوعين وكل يوم سمعيه مرة أو مرتين طبعا كل ما كثرتي كان أفضل علشان تتخزن الكلمات والجمل بعمق في الذاكرة وما تنسينها بسهوله وهذي الخطوة مهمه دائما A J يكررها (وترى A J اسم المدرس حق الموقع) لأنك إذا سمعت الكلمة الجديدة مرة أو مرتين بس راح تنسينها بسرعه وكأنك يا أبو زيد ما غزيت....

3- لازم تكونين فاهمه إلي إنت تسمعينه ما في فايدة أبدا من إنك تسمعين شي إنت مش فاهمته ماراح تستفيدين وإذا استفدتي راح تكون إستفادتك بطيئة جدا ولذلك يستحسن إن الدرس يكون مكتوب وبالتالي تقرئين إلي ما فهمتيه وترجمينه

4_ طبعا حاولي تسمعين دائما عن المواضيع إلي تحبينها وتجذبك لأن استمتاعك بالعمليه التعليميه راح يأثر كثير بالنتيجة إلي تحصلين عليها

في ملحوظه أحب أقولها بالنسبه لدروس الموقع أخاف أحد يروح ويستعجل ويشتري ويلاقي نفسه دفع على الفاضي الدروس تناسب إلي لغتها متوسطة ما تناسب المبتدئة جدا راح تكون الدروس صعبه عليها
وإلي لغتها متوسطة وجربت الدرس المجاني وعجبها وتبغى تشتري أنصحها تشتري دروس Power English والدرس المجاني هو الدرس الأول في هذه المجموعه باقي الدروس المعروضة قديمة مرة وتعرفون الجديد أفضل لأن A J يطور دروسه بس المجموعه هذه غاليه شوي سعرها 1000 ريال تقريبا إذا ما خانتني الذاكره وفي بعد VIP Program وهذا أجد شي بالموقع بس الحقيقه ما جربته لأني ما خلصت إلى أحين مجموعة Power English تاخذ وقت بسبب إن الدرس تسمعينه لمدة إسبوعين وعموما VIP Program يإشتراك شهري مش زي الدروس تدفعين مرة وحده وخلاص

إي صح يمكن ما تلاقون رابط بيع Power English أنا حصلت عليه عن طريق إيميل من الموقع إلي تبغاه وما لقته ممكن تراسلني

وبالأخير أنصح الجميع بالإشتراك بالموقع والإستفاده من الإيميلات المجانيه إلي يرسلها الموقع وهو يرسل إيميل كل أسبوع أو أسبوعين على ما أظن بعد ما يرسلك القواعد الأساسيه لتعلم اللغة

والسلام ختام

انا بالسنه الثالثه بقسم ادب انجليزي ومن تجربتي انصح انه بالبدايه لازم يكون عندنا حصيله وافره من الكلمات بعدين فهم جيد للقواعد بعدين اخر شي الاستماع لان الاستماع هو اصعب مهاره وفي اشياء كثيره ممكن تفيد بالاستماع مثلا القواميس الناطقه بالبدايه بعدين افلام الكارتون الانجليزيه والقناه السعوديه الثانيه واخر شي الافلام لان معظم الافلام النطق غير واضح فيها لانهم يستخدمون اللكنه الاميريكيه اما الكارتون والقناه الثانيه يستخدمون اللكنه البريطانيه وهي اوضح وفي قناه بعد اسمها bbc news ايضا انصح بالاستماع لها