معكم أختكم في الله ( إمتـنـان )
لا اله إلا أنت سبحانك إني كنت من الظالمين
تتشابه القصص وتتلامس مع شغاف قلوبكم
الطيبة الساعية للتغير نحو الأفضل والأجمل ..
لست أول زوجه ولا أخر زوجه يخونها
زوجها ويتزوج عليها
ولكن هي حكمة رب العالمين
فهو بصيربالعباد
فطالما دخلتن هذا المتصفح
فأنتن تردن التبصر والاستزادة والأخذ بـ الحلول
وكلي ثقة أنكن قادرات على التطبيق
مستعينات بالله وحده لا شريك له وبالعلم
والأخلاق والجماااااال في كل شئ
لا أريد أن أثخن جراحكم هنا
ولا أن أزيد المهمومات هما على همهم
ولا ودي أتشكى واتعب السعيدات
وتتشاءم بتجربتي المتفائلات
بس ودي اطرح لكم قصتي
والمعذرة على طولها لكنني اشعر أن المهم
وضع التفاصيل كي يكون حكمكم امثل والاستفادة
بشكل أوضح
حكايتي طويلة نوعا ما ، مدتها 10 سنوات
بالمختصر زوجي إنسان طيب وكريم
ومحترم كان الله يهديه منذوي الخيانات والعلاقات
وأخر علاقة له كانت زوجته اللي على ذمته الآن
تزوجها بعد 4 سنين من زواجي به
والله يا بنات لوأقلكم أننا كنا في سعادة ما يعلم فيها
إلا الله فأنا إنسانه ناضجة واعية بنت ناس جميلة
و يهمني ديني وأخلاقي ما كنت اطلب من رب
العالمين غير رضاه سبحانه ورضاالوالدين
ورضا زوجي عايشه حياه طبيعيه
هاااادئة لا يشوبها شائب
في الفترة الماضية أيام ما قلت لكم كان زوجي
متهاون شوي الله يصلحه و بحكم عمله وتردد النساء
لأنه في مقر عمله يوجد اختلاط بالنساء
بحكم تعاملاتهم مع الشركة وأعطاه ربي
من الوسامة والجاذبية اللي صعب تقاومها
أي أنثى وبشهادة كل من عرفه،،
طبعاغير اللباقة وكرم الأخلاق والشهامة إضافة إن
حاله جدا ميسور والحمد لله ..
ليس مدحا فيه بس الحق هو كذلك وحسناته
تغلب على سيئاته ويمكن هذا للي صبرني
عليه طوووول هالسنين
المهم .. أصدقاء العمل في تلك الفترة ما كنت
ارتاحلهم لأنهم من أصحاب السفريات ومكالمات
بنات وحال ما يرضى الله قدرو يسحبون رجله
وأكيد هو عطاهم الضوء الأخضر في أنهم يزينون
في نظره ( عميلة مطلقة )
- مجنسة بجنسية بلدنا - تأتي كي تراجع بـ معاملات
لها في الشركة -
كان يحكيلي كيف عطرها يجيب اااخر الشارع
وإنها ماتستحي متكشفة وحاطه لثام على ماكياج
صارخ و إن منظرها شبهة في العمل و و ,,
وجهة نظره وقتها عنها إنها حرمه صاعيه
وهو ما يحترم هالاشكال ،
رجال ما لهم أمان
كانوا يوصلون له إنها طااايحه عنده
ولا معطيه احد وجه غيره وطول الوقت
وين فلان أبي فلان يمشيلي هالمعامله
ومن هالحركات المايعه .. وقتها ما لنا مع بعض
غير 3 سنين تقريبا لسه صغار بأول حياتنا ,,
كان يتصل ويقول أناسهران مع أصحابي في
الشاليه ومو مطول وكذا يعني ..
قلبي كان يعورني
لأني اعرف كيف هالناس
كنت أقوله بحب وأدب:
يا عمري أنا واثقة فيك وفي أخلاقك
أرجوك لا تخيب ظني
وكان يردد اللي عنده زوجه مثلك
كيف يشوف غيرها .
ويا بنت الحلال أنا الحرام ما أخوض فيه
ابد ولو أراد الله راح يكون بالحلال ..
كنت أتضايق حتى من هالكلمة استغفر الله
وابين له زعلي وأقول له:
تكفى لو حسيت فيه شئ مضايقك مني
لا تروح وتتزوج تعال نتكلم وراح أتقبل
انتقاداتك بصدر رحب
كنت اعرف طبعه وفي هذيك الفترة سبحان الله
كنت اشتغل على حالي واتـثـقـف وأحاول أطبق
النصايح والأساليب اللي تخليني أعيش معاه
عالاقل براحة بال وتفاهم
هو نمط شخصيته
شمالي غربي وأنا جنوبيه شرقيه
بيوم من الأيام كنا طالعين برا ..
وألقى فاتورة طقم ذهب في درج سيارته
استغربت؟
انتظرت
يوم
يومين
يمكن يفاجآني بالطقم ،،
ونفسي تغالطني إن هناك
تعبا مضنيا قادما إلي بيتي من الوراء .....
اللهم رحمتك أرجو واخشي عذابك
،،،،
لمن وصل البيت
حطيت له العشا
كلمته بدلع:
حبيبي الغالي اشترى لي شئ وأنا ما اعرف؟
قال ما فهمتك ؟
قلت هاذي الفاتورة شفتها
صدفه بالسيارة
والله يا بنات إحساس الأنثى ما يخيب
أنا اكلمه ومتأكدة تماما
انو اشتراه لوحده غيري !!
هو طبعه شمالي وتعرفون عصبيته
قامت قيامته وجن جنونه
(( أنتي ليش تفتشين بأغراضي !!!
ومو من حقك و و و))
قلت بهدوء .. حبيبي هدي نفسك وشوي نتفاهم
وخرجت من الغرفة
لأني اعرف زوجي لمن يكون معصب
ما يحب المجادل ابد وغير كذا لمن يكون
غلطان يصارخ أكثر !!
..خذوهم بالصوت لا يغلبوكم ..
خرج من البيت ورجع بعد نص ساعة
كان هاااادئ جدا
قال: أنتي الآن أخر سنة بدراستك والاختبارات
عالابواب
ما أبغى أضايقك الله يهديك يا بنت الحلال
هذا صاحبي كنت معاه
واشترى لزوجته و و ,,,
حطيت يدي على شفايفه وقلت له
مو حلو شكلك وأنت تكذب
أتكلمقول صارحني ايش اللي يصير؟
لك فترة وأنت مو على بعضك ،
تزعل لأتفه سبب، أعصابك مشدودة ،
لو اسويلك ذبيحة تقول: هذا أكل؟
تصرخ على أطفالك لو لعبو مع بعض وعلت أصواتهم وممكن تضربهم على شي ما يسوى ؟؟
ايش فيه ايش اللي قالب كيانك ؟؟..
سهرك المتكرر كلامك مع واحد
مع أصحابكعن شغلة تبون تسونها مع
بعض وانك لسه متردد !!..
أمور كنت أحس إن فيها خطر على بيتي وحياتي
تخيلو يا بنات دمعت عيونه وحضني
بقوة حسيت ضلوعي بتخرج ..
ثم قالي
أنا أتكلمت مع أهل وحده بنت حلال
وسويت ملكة الأسبوع الماضي
ولا اقدر اسحب كلمتي مع الناس
الزواج الشهرالجاي
سامحيني يا غالية
سامحيني يا أم عيالي
يا يا يا ..
ساعتها انتو اللي راح تتخيلون
ايش اللي صار لي
وربي حسيت نفسي في كوكب ااااخر
غير عن الأرض!!
حسي إن تحت أقدامي جلي مو بلاط ..
تعرفون مثلا المسلسلات
لمن احد يتكلم قدامك وتشوفين
بس شفايفه تتحرك
وما تسمعين صوت؟
فقدت الوعي
صرت بس أناظر بعيونه
دموعي تنزل
من غير صوت ولا نحيب
اللهم إني لا أسالك رد القضاء
ولكني أسألك اللطف فيه ..
أتذكر يومها إني كنت لابسه فستان
سواريه ومكياج سهرة
وحاطه بغرفتي شموع وكنت مسويلته
مغطس جاكوزي بالوردوالمسك
لأجل لما يجي من برا نتفاهم بهدوء
و انسجام ..
يا فرحة ماتمت!!
برغم كل إحساس الأنثى بالدخيلة وقتها
كنت أغالط روحي
وأقول نزوةعابرة
ويعقل ويرجع لأحضاني
لايمكن حبيبي أبو عيالي
يكلم وحده ويتعرف
ويروح بعدها يخطب ويقرر يتزوج
لا لا لا مستحيل ما يسويها
هو مو راعي عالخرابيط
يا هم ليلك يا امتـنان ! غلباااانه
اااه يارب رحمتك
أطرافي أنشلت
وما كنت أحس فيه وهوه يكلمني
استفقت على صوته وهو يهز كتوفي
ويقول:
انتي بخي
لا تخوفيني عليك انتي طيبه أتكلمي
قولي أي شي
وأنا يا بنات صااااامته
وكأن قوة من السماء ألجمت لساني!!
قلت له بصوت مخنوق متقطع:
لو سمحت اطلع برا غرفتي !!
اطلع برااااا
.... قفلت باب الغرفة
..... دخلت دورة المياه
استغفرالله صرت بدون شعور
اصرخ
وأقول يالله
ياربي رحمتك
يا ربي تلطف بي
يا تثبت على قلبي
وابكي ابكي ابكي
ومع كل وضوء ارش الماء على صدري
حسيت بغليان موطبيعي
ودي لو إن بحار العالم كلها
تصب بصدري لحظتها
لأجلت طفي نار قهري و جرحي !!
أتذكر إني كنت أطالع بالمرايا
وأقول
الشهر الجاي زواجه !!
الشهر الجاي؟؟
زوجك ضاع
زوجك بيكون مع وحده غيرك
بينام الشهر الجاي
في حضن وحده غيرك !!
4 أسابيع بس !!
وتكون لياليك مقسمه ليله هنا وليه هناك..
وابكي وبكي
مدري كيف خلصت وضوء
وفرشت سجادتي
وصرت ابكي وادعي
أنحب بصوت متقطع في السجود
وهوه يدق الباب خفيف ويردد: لأجل الله اللي
واقفة تدعينه انك تفتحين الباب
بنتي و ولدي أصواتهم بدأت تعلى وهم يكررون
يا ماما افتحي الباب !!
مرت هذيك الليلة وأنا مو على الأرض تماما
سرحاااانه ومرهقه ومشتته تمامااا
هو اخذ بعضه ومخدته وراح نام بالمجلس
حيلي كان طاااايح
ممدة على السرير ولا حاسة في احد حولي ..
وربي يا أخوات إني لمن افتكرهذيك اللحظات
احمد ربي ما جتـني جلطة
ولا دخلت في نوبة هستيريه!!
يارب لك الحمد والمنة فضل رب العالمين
اللي نجهل حكمته في تصريف الأمور
المهم اليوم الثاني
استجمعت قواي
وكنت ما أوقف استخااارة ابدااا
وأتوقع انو كل تصرفاتي وكلامي معاه
وهدوئي في حل الموضوع من فضل
الرحمنا لرحيم وانه أجرى سبحانه
على لساني ما كان
مكتوبا ومقدرا أن يصير
جلست معاه
أتكلمنا
قال اشعر إني زوج متطلب
وأحسك قايمه بواجباتي ليل نهار
ولا فيه في بيتي تقصير
بس أنا أبي يكون لي أطفال أكثر
وخايف أرهقك بالحمل قلت أتزوج وحده ثانيه
تشيل عنك عبء طلباتي اللي ماتخلص !!
((عذر أقبح من ذنب
قلته:
ومنو قالك إني تعبانه
ما عمري اشتكيت منك ..
هذا من واجباتي معك
وبقوم فيها بكل حب وسعادة
قال:
انتي إنسانه طموحه
وممتازة في دراستك
ماودي أعيق طموحاتك >>الله واكبر يالبروفسور !!
قلتله: خلاص هاذي أخر سنه
بعدها اللي تبيه يصير ااجل دراستي
واتفرغلك أكثر
إذا تبي اجلس في البيت سنة
نسافر نطلع نغير جو نجدد حياتنا
صارحني يا أبو فلان
ايش اللي تبيه ؟؟
شو ناااقصك ؟؟
فيه شي في علاقتنا الخاصة
مو عاجبك
أو مو مريحك ؟!!
قال: أبدا أنا أكثر شي أموتفيه هو جنسك !!
ومرتاح وااايد معكمنهالناحيه
بس
أنا واقع في وضع لا احسد عليه
وضروري أتزوج هالانسانه
ولا اقدر أتخلى عنها
قلت ايشفيه؟؟
عليك دين أو قرض
أبوها قال أزوجك بنتي بدال ما تسدد وللا شوو ؟
قال:
والله الين ما أموت ما أقول لأحد عن هالسر
لأنيوعدت ربي إني ما أتكلم عن سبب زواجي الثاني
واللي يهمك الحين انك ما عليك قصور
وأنا مابي غير الحلال وما فيه مجال أتراجع
وأنتي يا غاليه متروك لك الخيار
إذا تبيت تكملين معاي حياتك أو لأ !!
وعن نفسي استحالة أفرط فيك ولا أبى عيالي
يتربون بعيد عني وعنك
خذي وقتك وقرري
وترى موعد زواجي ماراح يتغير
سواءاخترتي الطلاق أو البقاء !!!
قلت له بدموعي :
أنا ما أعارض شرع رب العالمين
في التعدد بس مو مصدقه اللي يصير
إلى ألان بعد كل هالعشرة مو معطيني
سبب وجيه يستحق انك تجيني بعد 5 سنين
زواج تقول أبي أتزوج؟!!
قال: للمرة المليون الخلل مو فيك ولا في
حياتي معاك
أنا المسؤول عن هالزواج
أنا ودي اعدد ويشهد الله عليّ إني عند أهل البنت
قلت أم عيالي ما ينقصها شي جميله ومتعلمة
وجابت لي البنت و الولد ولا هي مخليه علي
اقاصر وصغيره بسنها
بس أنا رجل مقتدر وأبي اعدد
!!!!
تخيلو قريب جدا جاوب على سؤالي
عن سبب زواجه بالثانية
،،،
اصريت اعرف سبب زواجه اللي ظل
فترة طويلة يداريه عني
راح أقولكم عليه بعد شوي...
،،،،،
المهـــم
بعد ما أتواجهت مع زوجي
بخصوص رؤيتي لفاتورة طقم الذهب
(( حينها لم يقل لي بمن سيتزوج
فقد اخفي أمر تلك
المرأة التي كانت تراجع بالعمل تمامااااااا،
ولا كنت أتوقع أن من كان ينعتها بأبشع
الألفاظ يروح يخطبها وتكون أم أولاده !!))
وبصراحة ما شكيت أن يرتبط بهاذي
البنت لأني سمعت
من وحده كانت تروح للمشغل إنها تزوجت
قلت في قلبي :
الحمدلله هم وزال الله يستر علينا وعليها
بس اللي صارإنها تطلقت من زوجها
بعد 3 شهور وماكان عندي علم بطلاقها عشان
كذا استثنيت إنها هي اللي بيتزوجها
و بعدها عرف عليها وحده ثانيه مكالمة
عابره واكتشفته
و وضعت الأمر عند حده وانتهى ..
وفي هذا الموضوع حكاية بس خليني أكمل لكم السالفة
بالأول وارجع أقولكم صدمتي الثالثة لمن عرفت
من هي زوجة زوجي الثانية ؟!!
سألته :
من هيه اللي تبي ترتبط فيها
قال:
مو مهم تعرفي الحين
بعدين أقولك
قلت لا أبي اعرف ومن حقي إني اعرف
قال:
وحده طبيبة صغيرة
وسمالي عائلة معروفه بالبلد
(( انواااااع الاستغفال
من كوافيره إلى طبيبة !!! ))
والله العظيم الذي لا اله إلا هو إن
هذيك البنت رااااحت تماما عن بالي
المهم ..
من تعبي وهمي وصدمتي
قررت ولمدة أسبوعين إني
أصوم يوم بعد يوم ،،
خلقت لنفسي صومعة انقطعت فيها
عن الصديقات والجارات وحتى أهلي
مكالمات بسيطة وزيارات جدا
قليله خفت يحسون في تعبي
ويؤثرون علىقراري معاه
وبحكم إن والدتي متوفيه وقتها بكم شهر
ازدادت الضغوط النفسية عليّ ولا كان
ودي حتى الوالد اكلمه
لأني بمجرد ماراح يقول
كيف حالك؟
راح أصيح.. هههههه
الحمد لله والشكر بس
كنت أقول في نفسي إني بعدهاذي الأسبوعين
اللي تقوقعت فيها على نفسي
والتجأت لرب العباد بكل كياني
لو بدر مني أي تصرف أو أي تسهيل للأمور
راح تكون هاذي خيرة رب العالمين
ولا راح اكترث لأي كلام من
أي شخص وراح أقاوم واصبر سواء كان قرار
بالانسحاب من حياته أو البقاء
مرت الأسبوعين
اللي انخرطت فيها للعبادة ،
عبادة أنثى مضطرة لا تريد إلا من يكشف
السوء عنها ويهون عليها
وطأة التعب والأنين..
لمن قالي انو خطب بنت صغيره
قلت في نفسي ببراءة !!
ايش لها ذنب بنت الناس؟؟
وحده تقدم لها عريس
شاب 28 سنة ومقتدر
أكيد بترضى حتى لو انو متزوج!!
ما ادري ايش ظروفها
وحطيت نفسي مكانها
وقلت الحمدلله على كل حال
فكرت في نفسي ودراستي وبيتي وقتها
كان بإمكاني أقول مع السلامة
وبالعكس ما في شي كان لاوي ذراعي
أهلي وقادرين يتكفلون بي وبعيالي
و أنا وحده نعومه ورشيقة
و واعية وجديرة بالمسؤليه
وممكن ألاقي اللي يقدرني
وأعيش معاه بسعادة
من غير ضرة تنغص عليّ عيشتي ،
بس فكرت انو مو هذا المهم
الأهم ليش أتخلى عن حياتي
بكل هاذي السهولة
وعند أول صدمه استسلم ؟؟
ليش أتنازل وانفصل عن شخص
بدأت معاه حياة رائعة يحبني
ويقدرني وكل طلباتي مجابه ؟
بالعكس كنت أشوف خياناته أو سلوك ما يعجبني
فيه انه من تحديات حياتي الزوجية
واني ما اخسر قيادة
المركب لأقل عاصفة
هكذا تربيت وهكذا نمت بداخلي قناعاتي
لمن أحبهم أن لا أتنازل لمن عشت معه
لو لحظه سعادة فما بالكم
بزوجي عشيري؟
طبيعي الرجل يخون وهذا -جين- يجري
في دمه ، كنت داااايم ابرر له واكره
السلوك فيه مو شخصيته
لأنه في أصل طباعه يعجبني
ناجح في عمله كريم معطاء
يتعامل معاي كأنثى برجولة وشهامة،
وحطيته في ميزان الحسنات والسيئات
فرجحت كفته للأفضل
فكرت ليش اعتبر انو زواجه عليا
قنبلة ناسفة لكل عشرتي الطيبة معاه؟
ليه أكون ممن يكفرن العشير لمجرد طلبه
بالزواج من أخرى؟
أين أنا من الرضا بالقضاء والقدر؟
فلو قدر الله أن تكتب له زوجه أخرى غيري
والله لو عمل ما عمل لا يمكن أن تتم هذه
الزيجة لولا أن يكتب الله المشيئة في ذلك
أنا وقتها يا أخوات على بالي أن الموضوع
مافي استغفال وروحات وجيات
كنت احترم أخلاقه ومبادئه واثق فيه
بسللأسف الرجل حينما يفكر بشهوته وضعفه
يتغير لحظتها180 درجه ويكون رجل اااخر
مختلفعن اللي تعاشريه ليل نهار
قررت وعزمت وتوكلت بالحي القيوم
و وافقت أن أكون زوجه أولى
فرح جدا بقراري
وانفرجت أساريره طبعااااا
فضلت البقاء معه فقط لأني أحبه
واني احترمت قراره
وباني اعلم جيدا أن زواجه ليس من تقصير
مني بل لرغبته في التعداد
وباني لا أعارض شرع الله ...
قلت له:
ليس صعبا علي أن اذهب إلي منزل أهلي
واترك لك أطفالك لأني لا طاقه لي
أن أربيهم لوحدي
من دونك فأنت أبوهم وما راح أخاف
عليهم معاك وأكيد راح تخليني
أشوفهم كل أسبوع
واحتمال أيضا إني أفكر أتزوج
فانا مازلت صغيره!!
ما راح أقول لكم كيف عيونه كانت
راح تنقلع من مكانها
وحسيت بالرعب من جملتي الاخيره
بس ربي ستر ههههههههه
كملت ....
مؤكد راح ألاقي اللي يحبني لوحدي
ويقدرعطائي بس أنا استخرت الله وقررت
عن قناعه إني اجلس واخذ كل حقوقي
وفوق هذا كله والاهم
إني قررت ذلك لأني احبك ولا أريد
أن اخسر مملكتي الجميلة معك ..
والله يا بنات..
أتذكر صمته وحزنه ذاك اليوم واني
كل ما قلت كلمه يقبل يدي ويقول
أصيله وبنت رجال
.........و ماهي إلايومان
و جاءت الليلة الحاسمة
وكان يوم زفافه !!~
،،،،،،
قبل يوم الزواج
حجز لي في فندق فخم
وقالي خلي
العيال عند اهلك
كنت يا بنات مثل المخدرة ومثل ما قلت لكم
إني نويت اخلي خيرة السماء تأخذ مجراها
ولا فكرت أنكدعلى نفسي وعليه
بس الفرق إني كنت - وهوه أكيد حاسس - كنت
جثه جميله ،، انيقه بلاااااروح
نظراتي معه عميقة جدا
و تائهة أكثررر
وانظر إليه وكأني
أتفحصه - بالأصح كأني أودعه –
أودع اااخر لحظاتي الشفافة السعيدة معه
فلقدشعرت بأنه خلق من صنع يديه أنثى تختلف
عني أنا وعنه - ااااه يااارب رحمتك ...
رحناالفندق وطبعا هو صاير
ملااااك بمعنى الكلمة!!
(صوته هااااادئ
( وين المصايح اللي يشق الاذن
وكلامه منمق
وسخاااء مو طبيعي
راح اشترالي ساعة الماس
و وصى الفندق يملئوا السويت
ورد طبيعي ..
وانااااا ....
كمن تزف إلى حتفها الأخير،،
ولا حول ولا قوة إلا بالله
أتأمل بس في أسلوبه
وأتعجب !!
في قلبي أقول :
طب ليه ليييه ما يقولي خلاص
أنا تراجعت
ماراح أتزوج أو فكرت أو أو ,
نهائيا ما كان يجيب طاريلموعد الزواج
أو أي تفاصيل تخص بكره
أو تخص الموضوع نفسه
جواله خلاه مغلق
طول وقته لااااصق جنبي– انغثيت !! -
وأنا سلبيه تماما حتى الكلمة تتعبني حروفها
وهي خارجه من صدريالملتهب ..
كنت مأخذه يومها إجازة من الكلام !
بس ابتسم - وأظنها كانت واااااضحه إنها
ابتسامه بااارده صفرااااا حيل ..
(( ماصار بيننا شي في الفندق
بالرغم محاولته المستميتة بس ما قدرت
وربي يا بناتكنت أروح التواليت وأخليه في صالة
الجناح ,, واكتم فمي بمنشفة لأجل ما يسمع
صوتنحيبي !! والله المستعان ..))
تركته يتفرج فيلم واستأذنته أصلي
وطلبت ربي الثبات والصبر كما لم اطلبه من قبل ..
بعدها رجعت جنبه حضني وناااااام بعمق ..
وآنا لم يغمض لي جفن ..
أتذكر انو كان يصحي عشان
يمسح وجهه من دموعي المتساقطة عليه
مادري بنات ،، اشعر الآن أنكم تلوموني وتقولون
كان خليته بالطقاق
وليش السلبية اللي انتي فيها ..
والله ماادري ايش اللي صار لي ما كنت
أبيه يفارق حضني !!
مثل الطفل اللي يودع أمه لأجل يأخذونه
مكان بعيد عنها
مو من طبعي انو ما يكون لي ردة فعل حتى
هوه كان يشجعني على البوح
وأنا كمن على رأسها الطير ...
صامته صمت عجيب ومخيف بالنسبة له
عدت الليلة اللي بالفندق ..
وربي خسر نفسه خساير[