مرحبا بنات امريكا كيف الحال ويسعد مساء الجميع


تذكرون يوم كنت اقولكم بجيكم عاد جيتكم والحمدلله بس مدري حايسه بالتسوق والبيت والعيال والمدارس الله كريم اكيد كلكم مريتوو بكذا وبتقولو لسى ما شفتي شي اللي ذقناه لازم تذوقينه الله يعينا وياكم يارب


المهم يالغاليات انا عيالي من عشاق الشاورما اللي اسويها بالبيت وشفتها في محل عربي بس مررررررررررره ما اعجبتني قلت حرام صراحه خلني اسويها في البيت احسن

المهم ناقصني يالغاليات الطحينه السايله وين احصلها لا تقولو في بقالات عربيه المنطقه اللي انا فيها مافيها ابي اشوف اذا فيه في الول مارت بس اسمها يختلف او لا

وكمان ابي الخميره وين احصلها وش بعد يا ربيه ايه كريمة الخفق حقت المكرونه وينها فيه وكيف شكلها

وبعد وش احسن الشركات في الول مارت لان المنطقه اللي انا فيها فيها ول مارت واحد او اثنين بس اتوقع الثاني توهم جديد فاتحينه يعني مش كبيره مره

بنات انا من عشاق اللبن ما اشوف لا لبن ولا لبنه وجبن حلوم انا مجنونه جبن حلوم ولبنه

وبغيت اسئلكم اتلنتا او اطلنطا في جورجيا محتمل انزل لها ويك اند ابي اعرف محل لقص الشعر يكون بروفيشنل فيه صراحه انا اقص دائما عند غاردينيا بالرياض اكيد بنات الرياض يعرفون مستوى القص ولا احب اجازف عند احد غيرهم يعني ما يهمني السعر قد ما يهمني القص يكون راقي وحلوو

طولت عليكم بس مالي غيركم انتم الخبره في المنطقه واللي تقول على لحم العنز والا التيس تكفين من وين ابي لحم تيوووووس وينها فيه وزوجي يذبحها ما عليكم بس ابيها وينها

خيتو انتي في اي ولايه؟

اوغستا

السلام عليكم بنات
كيف حالكم كلكم بدون استثناء
و الله اشتاق لكم كثييييييير
و حبيت اسال عنكم
احنا هاليومين نصوم سته شوال
باقي لنا اربع ايام
الله يعينا على طاعته يا رب

اسأل الله رب البيت الكريم ان يخفف عنك ويجبرك في مصابك عورتي قلبي لكن اذكرك وانتي ما شاء الله تعلمينا برحمة الله اللي وسعت كل شئ وكل شئ من الله خير يا غالية

اسال الله التوفيق وراحة البال يارب:26: