♂♂l|][|l♂♂ — صفحة 39

28 أكتوبر 2010

وسيمة ل

شو ما في اليوم ولا ولادة يلا بنات اوكتوبر كلها ثلاثة ايام ويخلص دوركم فشدوا الهمة لان مارح نسمحلكوا تولدوا في نوفمبر وش رايكم

السلام عليكم ورحمه الله وبركاته
اولا مبرررررووك لكل اللي ولدو الف مبروك والله يجعلهم من عباده الصالحين اللهم آمين
:27: الحمدلله والشكر اني ولدت وخلصت من كابوس الولاده اللهم لك الحمد
:39:وليش يابنات تقوقوا النفاس ثقيل بالعكس هو بس من ناحيه التعب بس انتي ترتاحي من الثقل وتخفي شوي ولو انه النونو تعب بس الحمدلله على نعمه العافيه والسلامه اللهم لك الحمد
القصه بدت
يوم الخميس تعب ورحت البر ومشيت مشي لين تعبت ما اقدر امشي وحسيت بالنونو نزل صار شي ثقيل بين رجليني بس لمده ساعات واختفى
والجمعه ظغط ومو ذاك الزود ويوم جاء يوم السبت رجع الشئ اللي احسه بين رجليني وكنت جالسه على الكنبه والظغط قوي قمت ووقفت قال زوجي لايكون ولاده قلت لا انام الحين ويختفي وفعلا نمت واختفى
يوم الاحد قمت نشيطه وسويت الفطور:27: وافطرنا ولا الم ولا شئ سبحان الله الظهر سويت الغداء تغدينا ماحسيت بشئ
بعد الغداء ذبحني القولون واسهال الله يكرمكم اخر شي نمت بفراشي بطني ذبحني قال زوجي لايكون ولاده قلت لا ابي اسويلي يانسون وحبه سوداء وعسل يمكن يهداء القولون والله يابنات ماكان على بالي انه ولاده المهم حطيت يانسون شويه وحبه سوداء وطحنتهم وحطيت ملعقه عسل صغيره وخلطتهم واكلتهم واريح واهداء شوي وخف كل شي وادقق بحركه النونو والله طبيعيه نفس اي يوم الا ان بطني اقسى من كل يوم بس هذا الفرق
المهم اقوم واتروش بالمويا الدافيه مره واحف من واتجهز قلت يمكن تكون ولاده
المهم مسكتني ذيك الطلوق اللي يارب تأجرنا :icon33: لدرجه ابي امسك النفس والنفس ينقطع مافيه يارب المهم ونركب وطيران على المستشفى
الطوارى مستشفى الولاده وادخل قالت الممرضه كانت زفت يالا قوم قوم بسرعه على سرير
واقوم شوي شوي ما اقدر اوقف واتمسك بالسرير وانسدح وراحت تنادي الدكتوره وهي اختفت الظاهر انها نست مدري الله يسامحها الا السمع وحده من المراجعات تقول اللي يبي الاهمال يجي على المستشفا هذا وانا صابني رعب قلت اجل الحين يتركوني:icon33: واختفت الممرظه والدكتوره وانا امسك دعاء اردده الله ياخالق النفس من النفس ...الى واخر شئ اقول يارب ياكريم واردد الا اسمع وحده بجنبي تقول يارب ياكريم شكلها متألمه مره وبعد شوي الا اسمع وحده جتها الا هي تقول دكتوره وانا منسدحه على السرير لي تقريبا عشر دقايق وبعز الطلق واتلوى مره ارفع ظهري ومره انزله ومره انسدح على جنب وامسك ظهري بيدي ويدي الثانيه على بطني من تحت :icon33:
والله الم لايطاق نسيت اقولكم ترى مامشيت من البيت الا لين صار الفرق بين كل طلقه وطلق 3 دقايق بس قلت بالبيت اتحمل بس بالمستشفى ماتحمل لاني ما اخذ حريتي بالحركه
المهم لمن سمعتها تقول دكتوره قلت كيف اناديها فرصه وانا يجيني الطلق قلت آآه يارب ابي اقول الدعاء الا الدكتوره تطلع راسها من وراء الستاره تقول وش عندك قلت ولاده قالت ولاده وتجيني طيران وتقيس وتنادي السسترات يالا ولاده فوق بسرعه والرحم فاتح بسرعه ماسالتها كم بس عرفت انها قربت والفرج من ربي قريب وتجي السستر الزفته اللي قبل شوي يالا قوم وانا ما اقدر اتحرك وطشن شنطتي حقت يدي بالارض يارب واقوم واتمسك بالسرير شوي شوي وانحني وانا بموت من الألم واخذ شنطتي واركب العربيه آآه وتدف بسرعه لغرفه الولاده واتغطى وامسك نفسي حتى النفس ماخليه يطلع والرجال يالاسياب والحريم وانا كاتمه لين دخلت غرفه الولاده ونفس الشئ تنهرني بقوه يالا انزل روح سرير وانا اتمسك بس مادعيت عليها ربها يشوفها وانزل ورجليني ماتشيلني تخيلوا طلق شغال بالبطن والظهر والاكسجين يختفي واوقف واتحرك وبالسياره كنت اقول اللهم سخر لي الطيبين من خلقك والحمدلله جتني قابله اندونوسيه طيبه واللي معها يساعدوها سعوديه وحده اظن سوريه مانتبهت ماكنت معهم
وحطت لي المغذي وعطتني اكسجين قالت اشفط قوه وانا ما اقدر حتى اشفط صرت ما اعرف مدري وش فيني مافيني شئ اعرفه الا الدعاء سبحان الله وتسدحني على جنب وانا شوي وامووووووت وهي تقول اذا حسيتي بطلق دفي حتى على جنب تخيلواااا والله شفت الموت ولا بقى الا قليل اتشهد واتشهد واصلي على النبي وارجع ادعي
وهي تقول لاتقولي آه اكتمي عشان نونو يطلع واكتم واذا جت الطلقه بأخرها قلت اي صغيره وهي تقول لا المهم
واتلوى واتقلب وكانت اطول وقت ولاده:icon33: اخذت ساعه ونص وانا بغرفه الولاده يارب وتوسع ويوم قرب النونو يطلع تقعد توسع بيدها والله حسيتها تبي تطلع جوفي كله بيدها وتوسع اخر شئ توسع بيدينها الثنتين تخيلو طلق ولاده راس توسعه وايدينها وش بقى قالن يالا الراس يبي يطلع اشوف الشعر يالا دفي دفه قويه بدون ماتقطعي فيها عشان يطلع النونو وتجي وحده تحط يدها على بطني وتساعد والله انها دفتني وانا ادف ويقولن لاتتنفسي لاتقطعي الدفع دفعه وحده عشان النونو يطلع واخر شئ حسيت ماني قادره ادفع وحسيت اني ادوخ ابي افقد الوعي الا هي تقول شاطره وتسحب حاجه كان روحي طلعت معها الا هو النونو :39:وهي تقول مبررروك ولد وانا اطش نفسي على السرير وادعي ربي واحمده الا هي تقول الساعه 11 وانا اخاف اول مره اجلس بغرفه الولاده المده هذي كلها بس ربي كريم وخلصني انا والبيبي بالسلامه
هناااااااااااادي
المستشفى حلو من ناحيه الاهتمام والنظافه والخياطه ترى سوو
واهتمام الدكتوره وترى رجعت بعد الولاده تقول سامحيني تراها كلها مساعده تقصد يوم توسع وتقول لاتتنفسي ولا تقولي آه قلت جزاك الله خير
وترى عطتني كمام اكسجين وطشيته خخخخ ماقدرت اتنفس تقول اشفط اشفط هاه حسيتي دوخ قلت لا لانه كنت انا فاصله اللي من قوه الحركات والشد
خخخخخ
ومسكت الكمام وانا بنص الولاده وطشيته ويدورن ولقنه عند راسي ويظحكن ويركبنه لي وااستسلم ماشلته
وعطتني بعد الولاده ابره بنج عشان الخياطه انا طلبتها وووووش بعد يعني ياهنادي من ناحيه مساعدتهم واهتمامهم وعنايتهم ترى تمام بس ادعي وقولي اللهم سخر لنا الطيبين من خلقك وربي كريم
ويوم طلعت من غرفه الولاده عطوني النونو وانا نست التعب والمغص واقعد امسح حبيبي وهو يصيح يادلبي وانا ماقدر اتحرك خلاص حتى رجليني راحن فيها مايتحركن بس صافتهن جنب بعض ولا رحت للحمام وانتوا بكرامه الا الفجر رجليني متفككه
وتوته توته خلصت الحتوته
ياترا حلوه ولا فتفوته
واذا ذكر على اي اضافات كتبتها