الــسلام عليكم ورحمة الله وبركاته
صبــــاح الــورد على الجميــــــــع ..
هذا اول موضوع لي في هالقســـــــم .. وإن شاء الله الــكل يستفيد ..
أولاً :
الستــايل اللي بتكلم عنه ما يعتمد فقط على الميكـ آب .. يعني هو عبارة عن ستايل كـامل والا بيـطلع حاله حال اي ميك آب ثانــي ..
ويصلح للشتاء مع ايام البرد .. استايل دافي وانثوي :) ..
ملاحظــة : كنت بحط لكم جميع أدوات الـ Make Up لــكن قلت بحط لكم كل أدواتي في موضوع منفصل .. بس وضعت لكم بعض منها ..
نبدأ على بركــة الله ..
قبل وضع الميك آب استخدمي فرشاة اسنان ناعمة جداً + فازلين E
وافركي الـشفايف بلطف وبطريقةدائرية وبعدها غسلي الشفايف بالماء جيداً..
لأن الشفايف الناعمة مطلوبة في هاللوك .. يعني اللي شفايفها متشققه تستخدم الطريقة السابقة ..
قبل الفاونديشن والبيس ( وهذا بيغني عن البيس ) :
فيتامين سي لنظارة وتنعيم البشرة ويخليها نديه ( ويصلح حيييل للبشرة الجافة اما الدهنية ما انصحكم فيه ) ..
اسمه ( VITAMIN C ( SKIN BOOST من THE Body Shop بودي شوب لونه اورانج وهذي صورته :
حطي منه شوي على الوجه وبـأطراف الاصابع وزعيه ع البشرة بطريقة دائرية ولا تكثرون منه .. وخليه البشرة تتشربه يعني اقعدي عشر دقايق أو 15 دقيقة وبعدها بلشي بالـميكـ آب ..
اللي تستعمل اي بيس ترتاح عليه تقدر تستغني عن الفيتامين سي من بودي شوب ..
1- الفاونديشن ..
اختــــــاري اي فاونديشن ترتاحين باستعمالــــــه ويكون لونه فاتح نوعاً ما ..
يعني ممكـــن اقولكم عن فاونديشن محدد وبيطلع على بشرتكم مو لابق ..
ملاحظة : ( البشرة مهمة بهاللوكـ ) ..
غالبــاً استعمل Dior 102 .. الكات ساتن .. Dior skin Eclat Satin 102
وهذي صورته :
ولازم تلقون عليه ملصق مكتوب رقمه 102 :
الحلو في هالكريم انه بسرعه يمشي ع البشرة وبسرعة يتوزع .. لونه ابيض ضارب على الروز تقدرون تخلطون مع اي كريم اساس .. بحيث انه يكون فاونديشن ثانوي مو اساسي .. ( يصلح للبشرة الجافة اكثر )
اقتراح : جربوا تخلطونه مع مــاكـــس فاكتور Max facor .. يطلع رائــع بمعنى الــكلمة ..
2- الــبودرة ..
ايضاً استخدمي البودرة اللي تناسب بشرتكم ( لأن أكرر بهاللوك مهم جداً صفاء البشرة ) ..
انا استخدم بودرة dior skin compact
والي بشرتها دهنية جداً وحساسه استخدمي بودرة كلينكـ بودرة فظيعة من ماركة طبيه ولا اروع ..
طريقة وضع البودرة .. بالربــت .. اي بالضربات الخفيفة جداً .. ( ابتعدي عن طريقة وضع البودرة بالمسح ) ..
..::.. + ..::..
1- نستخدم كحل سائل أسود ذو فرشاة رفيعــة جربي كحل لانكوم ذو الفرشاة الرفيعة اسمه Traceur - Matic صورته :
ملاحظة : فرشاة لانكوم صعبة ..
أو كحل محمود سعيد ..
كذلك صعبة ..
أو كحل ماك mac الجل وشخصياً سهل جداً بالاستعمال + فرشاة brush ماك المشطوفة (ماك 266 ) >> كحلي المفضل يبقى ثااابت ومايتغير لونه أبداً .. ( وسهل بالاستعمال ) انصحكم فيه ..
الـ brush فرشاة ماك :
أو كحل بورجوا أو بودي شوب أو ريميل >> فرشاتهم سهلة واللون اسوود ..
نرسم بداية العين ( الزاوية الداخلية ) .. نبدأ برسم طرف رفيـع جداً ويفضل يكون منخفض للأسفل كأننا نرسم قوس ونقف عند بداية الرموش :
2- نكمل رسم العين ( الوسط ) وتذكروا نسمك الفرشاة بالضغط عليها اكثر عند الرسم ..
3- ننتبه الحين خطوة مهمة .. نرسم الكحل الخارجي للعين .. اولا نرسم عند زاوية العين خط ونخليه ثقيل شوي يعني نعيد عليه اكثر من مرة .. بعدها نرسم الكحل المشطوف ورفعه للأعلـــى .. ونحاول قدر المستطاع نخلي الكحل الخارجي المشطوف يكون مشطوف وضعيف بمعنى الكلمة .. يعني نفس اللي رسمناه بزاوية العين الداخليه ( قبل ) خفضناه للأسفل اما الحين نرفعه للأعلى ..
:26:
تــــــابع
الرجاء عدم الرد
4- اخذي فرشاة الاي شدو وحطي على اسفل الحاجب ( عظمة الجفن ) لـمعة لؤلؤيــة أو لمعة ابيض مشرب بالوردي أو مشرب بالاصفر الفاتح جداً .. يعني أي لمعه اوف وايت جربيها .. حتى لو شدو اوف وايت جربيه ..
انا استخدمت نايلون ماك .. ووزعته على الجفن العلوي بطريقة نصف قوس .. والافضل تحطين شويه من كونسيلر من اللي تستخدمينه على الجفن قبل استخدام الاي شدو ..
واستخدمت فرشاة ميك آب فور ايفر رقمها 8 S ( ثمانيه - اس) رائعة لآي شدو الجفون وهذي صورتها :
ولا تنسون تضبطون الحواجب عدل .. استخدموا تاتو ( لون مو تاتو ) من ميك اب فور ايفر مع فرشاة ضعيفة جداً وارسموا الحواجب ..
بالنسبة للرموش ..
نحتاج لماسكرا تبين الرموش .. بهاللوك الرموش لازم طويلة وكثيفة..
استخدموا ماسكرا سان لوران :
الذهبيه .. أفضل ماسكرا على الاطلاق طول + كثافة + سواد ..
أو
ماسكرا لوريال الفضية اسمها Loreal Lash Architect Mascara
لوريال منها اشكال وانواع هذي الافضل وتنافس سان لوران وعن تجربة :) ..
أو
ماسكرا هايبنوس لانكوم Hypnose صورتها لكم :
تعطي طول XXL ..
والماسكرا الجوكر ( الافضل ) في موضوعي القادم :arb: ..
.........
تــــــــــــــــــــــــــــــــابع