ان شاء الله تكونوا بتمام الصحة و العافية و دوما بخير اللهم امين ..
بنجرب كثيرا انواع مختلفة من التقشير و بنحس بنعومة مؤقتة و بيرجع كل شي متل ما كان و انا احكي عن التقشير للوجة و للعنق و لحول الشفاة و للجسم بالكامل بالطبع و التقشير فوائدة للبشرة اهم من اي شي ثاني و من بعدة الترطيب المتوازن للبشرة و التقشير يساعد البشرة لي تقبل العلاج خصوصا التقشير الصحيح يعطي بشرة ناعمة ملساء صااااااافية و نقية موحدة اللون و التجانس و الصفاء و مخملية قطنية و بها لمعة صحية متل اللؤلؤ و أيا كان لون البشرة ان كانت البشرة سوداء - حنطية - خمرية - قمحية فاتحة - قمحية متوسطة - قمحية داكنة - بيضاء - بيضاء فاتحة او بيضاء منمشة راح تصير البشرة نااااااااعمة كثيرا و اجمل من اي وقت و لكن مع الترطيب قبل و بعد التقشير و التقشير السليم الصحيح الجيد و المجدي نفعا و ليس مجرد تقشير و بالطريقة الصحيحة و الاهتمام بالواقي الغير دهني الطبي المناسب و اللي يوضع علي بشرة نظيفة قبل الخروج بنصف ساعة و يحفظ بارد بالثلاجة و يستخدم بارد بالطبع ..
و يمكن بيرجع سبب انوا نحنا ما بنحصل من المقشرات المترامية بالأسواق اي نتيجة مما بدنا اياها الي انو التقشير بيكون مو دقيق و يزيل كامل الجلد الميت و القديم بالكامل لانوا مو بيلامس البشرة حبيبات التقشير تمام و لهيك هو مو منعم و مملس للبشرة نفسها و بالوقت نفسة لا مجرد حبيبات تمر علي البشرة نحسها و انتهي و يمكن تتسبب ببعض الاحيان بجروح خفيفة علي البشرة بدون اي نتائج ايجابية لنا نذكرها و كل مرة نروح نجرب نوع من بدي شوب او غيرة من ماركات و كلن منيحين و لكن لو تلاحظون انوا المقشرات هيدي مختلفة الحبوب في الحبوب اللي متل مقشر المشمش و في اللي خشنة متل انواع بدي شوب و في الناعمة و في اللي متل السكر مع الملح و العسل او زيت الزيتون اللي معظم البنات جربتة و في متل مقشر الكريستال اللي من لوريال باريس و ماركات كثيرة تبيع المقشرات الكريستالية المنزلية بتكون ناعمة و تحسي الحبيبات تبع المقشر متل الكريم و ملامسة البشرة تمام مو متل بقية المقشرات و هيدا النوع هو اللي عم احكي عنوا بهالموضوع ..
و هيدي صور لبعض انواع المقشرات :
و لكن التقشير الكريستالي اللي جربتة البنات متلي عند العيادات تقريبا بتكون نتيجتة متل مقشر لوريال باريس تقريبا ان لم تكن هي نفس النتيجة و يمكن افضل و هو التقشير الناجح و الافضل عالميا و علي الاطلاق و اللي كثير من الفنانات بالخارج و هون بالدول العربي و بالعالم متلزمين فية افضل من المقشرات اللي نحنا عم نستخدمها و هيدا التقشير بالعيادات تطلق علية التقشير الكريستالي و اللي بتستخدم بلورات نااااااااعمة كثيرا من مواد مختلفة متل :
aluminum oxide
sodium bicarbonate
pumice crystals
pearl crystals
magnesium
و غيرها من مواد تكون متل حبات النشاء بالنعومة و تسوي بها الطبيبة التقشير عن طريق جهاز متل هيدا علي سبيل المثال و في انواع اكبر و اكثر بكثير و لكن هيدي صورة واحد كمثال :
و بتكون طريقة التقشير متل هيدي الصورة و اللي جربت متلي هيدي العلاجات المقشرة راح تعرف هيدا من دون صورة :
××××××××××××××
صوره مخالفه
و في بعض الاحيان بيكون هنالك مقشرات جافة متل هيدا :
××××××××××××××
صوره مخالفه
من دون اساس كريمي للمقشر متل اللي بالصورة الاولي و كل الانواع حسب البلورات اللي تسمي كريستالات و اللي تستخدم او هي المكون الرئيسي للمقشر عموما ..
و فوااااااااائدة كثيييييييييرا و لكن بدك تقشير تقشير يوم و 3 ايام لا و لمدة 3 اشهر الي 6 اشهر لحتي تحصلي نتيجة مثالية للأثار و بقع تقدم السن و حروق البشرة و الحفر و المسامات و لكن بالنسبة للحفر النتيجة متوسطة من التقشير لهيك الكل بدة علاج للمسامات و الحفر و البقع بجانب التقشير هيدا و للي بدها تهتم ببشرتها ناااااااااعمة ملساء ما في متلها تسوي كل اسبوع جلسة اهتمام ..
و عموما في مقشرات بتقنية التقشير الكريستالي البلوري بالمنزل و انواعها كثيرا و لكن تباع بالخارج و غير هيك حجم العبوات بالنسبة للبعض صغيرة و ما راح تكفي الجسم بالكامل و الانواع الخاصة بالوجة منها نواع لوريال باريس الاشهر و لكن البعض ما يصل له و غير هيك ما بيتم هيدا التقشير الا بفرشاة خاصة بتقشير الوجة و اخري بالجسم و علي الفرشاة يمكن تبديلها بلوف وبري منيح و تستخدمية بدل الفرشاة و عن فرشاة الوجة من الممكن ان تبدليها بفرشاة دوراة لتنظيف الاسنان خاصة بالأطفال متل ما فكرت الاخت الغالية توليب بها و نزلتها بموضوع فمن السهل استخدام شي بديل عن الفرشاة و لكن المقشر نفسة كيف نسوي اياه هل نروح لعيادة تسوي لنا كل اسبوع تقشير لكامل الجسم و العنق و الوجة لا هيدا صعب و ان شرينا الخاص بالوجة و العنق و حول الشفاة فكيف نحصل الخاص بالجسم ..
و بعد الاطالة عليكن ..
انا و بعض البنات سوينا هيدي الجلسات في من البنات بدها علاج و في بدها اهتمام و انا سويتها مجرد صدفة مو اكثر و لما جربت انوا تقشير من الخارج الكل يستخدمها وجدتها نفس النتيجة رائعة ..
و عموما المقشر هو عبارة عن حبيبات ايا كانت نوعها ما لها تأثير كثير علي البشرة لكن هي المهم حبيبات ناااااااعمة كثيييييييرا و دقيقة ما تذوب ابدا بأي سوائل او بالقواعد الكريمية اللي بتكون بها بمختلف الكريمات بمعني ان كانت عندكي مادة يصلح استخدامها للبشرة و غير قابلة للذوبان يمكنك ان تسوي بها تقشير كريستالي بلوري بالمنزل و من هيدي المواد الباكينج صودا او رمل البحر ان كانت رمال نظيفة و جيدة و مو من رمال تستخدم للدفن بها لعلاج الامراض الجلدية لانو من الممكن ان تنقل عدوة مرضية للجلد اللهم بلغت اللهم فأشهد و مو مهم رمال البحر الميت من الممكن اي رمال بحرية ..
و انا سويت هيدي الايام مقشر متل هيدي الانواع بالمنزل من رمل البحر الميت ..
انا جبت رمل من البحر الميت و انا لي حدا اعرفة بالأردن كل وقت بيجيب لي من ملح و من طين البحر الميت و لكن هيدي المرة انا طلبت رمل من البحر الميت و جاب لي و عموما سويت التالي :
لعمل مقشر من هيدا النوع انتي بدك التالي :
مادة منظفة متل ماسك تنظيف عميق و انا اخترت طين البحر الميت ..
مادة مطهرة متل ملح البحر الميت المطحون ناااااااااااعم كثيرا ..
البلورات الكريستالية الناعمة جدا و هي اللي استخدمت بدل عنها رمل البحر الميت بعد ما طحنتها نااااااااااعم جداااااااا ..
و وضعت من غسولان ايضا من منتجات البحر الميت واحد بالملح و واحد بالطين ..
و صار عندي مقشر و ماسك منظف عميق و غسول عميق التنظيف بالوقت نفسة و صار قوامة كريمي حبيبي متل هيدا المقشر تمام :
و استخدمتة كالتالي :
اخذت شاور و رطبت بشرتي و بعد مرور 3 ساعات و احساسي بأنو بشرتي مو جافة لا ابدا بل ندية و مرتوية و ما فيها اي جفاف ظللت بماء ساخن بالبانيو لمدة 15 دقيقة ثم وضعت المقشر متل الماسك او الكريم و قشرت بفرشاة التقشير التالية لكامل جسمي و لمدة دقائق :
و هيدي الفرشاة اسمها clarisonic body brush
و انا استخدم الرأس الكبيرة للجسم و الصغير للوجة و العنق و حول الشفاة و في منها عدة انواع ..
و من الممكن ان تحصلوا اي نوع فرشاة للجسم متل اللي كان ينعلن عنها اللي اسمها سبين سبا او فرشاة اسنان دوارة للاطفال للوجة او علي اقل تقدير لوف جسم وبري و تستخدموا اياه بهيدا التقشير الخاص بالجسم ..
و بعد الانتهاء من التقشير نظفت جسمي منيح بالماء العادي و رطبت بشرتي و انتهي و كثير منيحة هيدي الطريق عن جد كأني سويت جلسة تقشير كريستالي بلوري لكامل جسمي و بنفس نتيجة العيادات ..
و انا قشرت وجهي و عنقي و حول الشفاة عندي ايضا بهيدي الطريقة ترطيب الوجة و بعد ساعة التقشير و بعد هيك التنظيف بالماء و بعد هيك الترطيب و انتهي ..
و انا احببت ان انقل هيدي التجربة للي بدها تعرف شو هو التقشير الكريستالي و من شو يتكون و انو مو لابد ان نسوية بعيادة لا من الممكن ان تشتري نوع منزلي او تسوي واحد بالمنزل و هيك و انا جربتة و عن جد منيح و نفس النتيجة و ما منة اي ضرر ابدا او يسوي اي مشكلات للبشرة و انا رجعت عدلت الموضوع منشان الردود اللي بها انوا الافضل المتابعة مع طبيبة مع استخدام هيدا النوع من التقشير نعم انتوا عنكن حق هيدا منشان مشكلات الوجة و لكن انا ركزت علي استخدامة للجسم لانوا من الصعب ايجاد حدا يسوي لنا تقشير للجسم بالكامل و انا كان عندي مقشر من هالنوع خاص بالجسم و اسمة :
dr.brandt microdermabrasion body
و جربتة و جربت اللي سويتة و النتيجة واحدة و لكن اللي عنها مشكلات بالوجة و بدها او تحتاج للمتابعة مع متخصصة او طبيبة نعم لكني ركزت اكثر علي انو هيدا التقشير رااااااائع بالنتائج للجسم و انوا افضل من اي مقشر تقليدي للبشرة للعناية و الحفاظ علي جمالها الطبيعي و عدم وجود بها اي مشكلات ..
و كل المهم انو قبل التقشير بحوالي 3 ساعات ترطيب مكان التقشير بعد التنظيف ..
و بعد التقشير المهم جدا التنظيف بالماء منيح و الترطيب و واااااااااقي الشمس و التقشير ببلادنا الحاااااااارة و اللي جوها منيح و ملئ بالدفئ و الرطوبة و الاتربة و غيرة التقشير ما يزيد عن مرة كل اسبوع و خصوصا للي يخرجون كثيرا ..
و تكرم عيونكن و الله معكن ..
الله يزيدك من نعيمة:26: