وهالمره راح أتكلم .. عن هبه جديده .. من هبات 2010 .... وتعتبر غريبه للبعـــــض .. وجايز كرهوها البعض ..
لكن انا شخصـــــــيا حبيتها .. صحيح هي عسكريه .. وتتسم بطابع الخشــونه .. والرجوله ... لكن ما صارت
حصـــــريه لعالم الذكور .. نزلوها لنا اكبر دور الازياء واكثرها اتساما بالاناقه . ولكن بطابع ناعم ...
راح انزل لكم بالصفحات هذي كل شي يتعلق بهالموضه ... وهالاتــــجاه الجديد علينا ...
وقبل كل شي لازم نعرف اسمها وهي
(( Military Trend))
هالموضه تقريبا ماهي جديده ابد بالعكس ظهرت تقريبا في عام 2009 بشكل احترافي .. على يد المصمم
وصاحب العطور المشهور رالــــــــف لورين اللي من اشهر عطوره العطر الرومنـــــــــسي .. ((رومانس ))
طبعا كلنا نعرف هالعطر ...
ولكن ما اشتهرت ونجحت بالشكل المتوقع ولكن كانت محط اعجاب كثير من دور الازياء الاخرى ...
مثل دار غــــــــوتشي .. اللي اعجبت بتصميم رالف لورين للزي العسكري او Military Trend وبدات
بتصميمه والتسويق له ...
طبعا هذي هي المعلومات القليله المتوافره لدي عن هالموضه ...
وانا اشوف من وجهه نظري الشخصيه انه هالموضه قديمه وظهرت بالغالب في الثمانينات عند مطربي الروك والبوب كلفت للانتباه وسمه مميزه لهم ...
وقبل لا ابتدي مثل ماعودتكم ..
راح نشوف هالموضه بشكل شامل وراح نعرف من تناسب ومين ماراح تناسبها ...
وقبل لا ابتــــــــــــدي مابي الموضوع يتحول لنزاع وخلاف انه الموضه رجاليه .. وماتناسب ومدري ايش ..
رجـــــــــــــــاء خاص مانبي تخريب للموضوع الموديلات نسائيه بحته .. والموضه نسائيه بحته ....
اللهم انها مســـــــــــــــــــتوحاه من تصميم عسكري وكلنا عارفين الطابع العسكري يمتاز بالخشونه ... فقط
لاغير ...
وراح تشوفون بالموضوع هذا كل شي يتعلق بالموضه هذي والاتجاه الجديد ...
الجاكيتات .. الفساتين .. الاكسسوار .. الاحذيه .. والالوان الدارجه منها ... وحتى الشنط ماراح انساها .. وحتى فساتين وتايورات ...
وطبعا مين تناسبها ومين ماتناسبها ..
طبعا مافيه شي اسمه مايناسبك نهائي بشويه تعديل ممكن تطلعين يونيك وفاشن وعالموضه واكـــــيد بشي يناسبك
Military Trend
الميلتراي .. او الجاكيت العسكري ..
هذي هي الترجمه الحرفيه لها ... او الاقرب لها
تنوعت هالموضه بخامتها جدا .. وتميزت بمحدوديه الالوان فيها بحكم انه فصل شتوي
وتدرجت الالوان بين ..
الزيتي .. والاخضر .. والاحمر .. والبني .. والكاكي .. والاسود .. والابيض .. والكحلي
وتراوح طول الجاكيتات من البالطو الطويل اليين الجاكيت القصير ..
والخامات كانت..
الجيـــنز اللي اختفى لفتره طويله رجع لنا هالسنه في موديل مشهور جدا راح نشوفه ..
والــــــجلد ... اللي تميز بحضور ملفت بعد فتره غياب طويله بالفعل ..
والدينم قماش ثقيل نوعا ما ... هذي هي اشهر الاقمشه والخامات اللي ظهرت واللي حسب معرفتي البسيطه فيها ..
والقصه العامه كانت تتميز بالاكمام المرتفعه
او اللي كرهناها زمان اللي هي الاسفنجات والحشوات بالاكتاف >>مثلها الفكره الى حد كبير
وبالخطوط الاماميه .. والازرار اللماعه والتخطيط الذهبي .. والبروشات النجميه
اول نوع نشوفه ..جاي على شكل بالطو طويل ..
واهداب بالاكتاف .. وعلى فكره البالطو مايجي مع القصيرات نهائيا ... خاصه البالطو اللي يجي تحت الركبه ..راح يخليها اقصر +لو كانت مليانه راح يخليها مثل الكوره ..
اشكال متنوعه لجاكيتات
وطبعا كل نوع ويناسب جسم معين
وبصف عامه اللي يجي كله مقفل مثل او نوع من جهه اليسار مايناسب المليانه نهائيا او اللي تشكي من مشكله حجم الصدر الكبير
لانه يبرز بقوه هالشي
الثلاث اللي تحت يناسبون اللي اكتافها عريضه لانه الاكتاف فيه تناسب جسمها وتخفي عيوبه
هذا النوع من الجاكيت اللي بالطراز العسكري وجاي على جينز ويعتبر اشهرهم لانه كثيير من المشهورات لبسوه ..
وعلى فكره هو اسهل نوع في التنسيق العام ..
يعني مع اي شغله تلبسينها راح يركب كثير ..
لاحظوا شكل الاكتاف المرتفعه .. يعطي تخصير حلو
اللي اكتافها عريضه او مرتفعه والحوض صغير
لاتلبس هالشكل نهائيا ...
لانه راح يبين الاكتاف مرتفعه ويبين الاكتاف اعرض وبدل لايصير موضه يصير فوضى بقوه ..
وهنا شكله في صوره ثانيه .. وفي اللبس
ومثل مالاحظنا اكمامه ماتجي هالنوع طويله مره لا تجي شوي قصيره ماتوصل لكعب اليد
وهذا نوع اخر يجي ساده .. يناسب الرسميات اكثر ..
وانيق ويظل عندك عمر طويل جدا اهم شي الخامه .. والتفصيل الممتازه ..
لاحظوا السمه المميزه لها الموضه ..طبعا شكل اخر هذا ..
لاحظوا معاي البروشات النجميه مثل الجنرالات ..
هذي اكثر شي حبيته في هالنوع
اشكال والوان ثانيه وهالمره بالخطوط الاماميه بدون بروشات
هذا النوع من الجاكيتات اللي يناسب اللي اكتافهم عريضه مثل ماسبق ووضحت
واللي بالنص للي تعاني من مشكله الصدر الكبير وماتحب تبرز هالشي
واخيرا المالتراي ولكن بالشك والتطريز الشوارفسكي على الاكمام ..
يناسب الجمعات والسهرات للي تحب تتميز بجاكيتها عن اي وحده ثانيه ... وشوفوا كيف خط الظهر بارز
هذي سمه مميزه للجاكيت ..
مو جاكيت عادي لا له تفصيله معينه مثل ماوضحتها لكم بجاكيت الجينز السابق ...
ملاحظاتي الخاصه ..
طبعا مو شرط تلبسينه الا مع بنطلون سكني هذي حريه اختيار ..
ولكن بنفس الوقت مايناسب اي تنوره ..
لاازم لازم تنوره رسميه ..
ومو تنوره ميدي لانه التنوره الميدي اللي تجي لكعب الرجل تعطيك مظهر رخيص و انا شخصيا احط عليه ×××
ياتكون تنورتك رسميه في كلا الحالات وراح اعرض لكم في الجاي كم موديل حلوين كامله ...
طويله طبعا وهي الاحلى والاقرب للاناقه الكامله ..
او تكون تنورتك لتحت الركبه وهذا انسب وضع لها ....
بالنسبه للبروشات هذي انا عارفه ومتاكده ميه في الميه انه فيه ناس بتنط في حلقي وتقولي هذي صلبان .. ومدري ايش ..
صحيح فيه بعض انواع البروشات تشبه الصلبان .. بحكم انه هالشعارات تشبه الشارات العسكريه ..
ومنها صليب الشجاعه .. وغيره من المسميات
وهذي معروفه ..
لكن البقيه نجميه او تشبه الثلج تحت المجهر
مثل خلايا الثلج اذا تعرفونها ...
وصلى الله وبارك ..
طبعا هذي افتتاحيه للموضوع والقادم احلى
بنات الله يخليكم لاتردون نهائيا
ولا حتى اي استفسار ابي الموضوع
متسلسل ومابي كثره صفحات
لين اخلص بناقش مع بعض كل شي تبونه ...
