السلام عليكم ..
شلونكم ياحلوين
اليوم بتاريخ 28\5 قررت اسوي دايت لانه وزني زاد وصار يضايقني فأنا مخططه من اول انه ابتدي الدايت بعد انتهاء
امتحاناتي الفاينل والحمدلله اليوم اخر امتحان راح يكون ان شاءالله والحمدلله توني خلصت دراسة بقى لي مراجعه بعد شوي اراجع بعد الموضوع ..
اولا بنات انا كنت راح اسوي هالموضوع بموقعي الشخصي ولكن فكرت احطه هني لكم عشان اتشجع اكثر وانتوا تستفيدون ان شاءالله منه ويكون بعد تشجيع لكم بإذن الله
وقبل لا ابدأ احب اعرفكم على نفسي
معاكم اختكم // هند .. من الكويت
عمري 21 سنه
فصيلة دمي b-
طولي 165
وزني القديم 60
الوزن الحالي 70
طالبة في كلية التربية \\ تخصص رياض اطفال
سبب السمنه باعتقادي : نظامي المخربط بالاكل فأنا افضل وايد اكل المقالي مثل البرجر والفرايز بأنواعها والفاست فود ومدمنه مدمنه شوكلييت وآيس كريم يعني باليوم اكل تقريبا 3 - 6 كاكاويات
ماعرف النظام اللي راح اتبعه لانه انا ماحب اتقيد بشي معين فراح يكون دايتي على مزاجي وحسب اللي اشوفه مناسب لي
ان شاءالله تكون المعلومات كافيه واني قدرت اعرفكم على نفسي واي سؤال انا حاضرة
