ديباج الجنان :

هلا ام ريوف منوره الموضوع الله يحييك تابعي معي شكلنا انا وانتي ندهر بهالموضوع نكمل ديكور الطاولات الشموع عندنا هنا منظر رووعه للشموع وشوفوا التأثيرات اللى على الشمعه هاذي تقدرين تجيبين اي شكل عندك وتجيبين قشارة البطاطس وتسوين فيها الخطوط وبعدين شوية صمغ بالفرشه وانثري الترتر الذهبي عليها وسوي كذا حجم كبير واصغر وصغير وحطيها بجنب بعضها وتحتهم قطعه من الأورجنزا او التل او القطيفه اذا تبين التميز وتخيلي نموذج هالشموع مع ديكور ذهبي مثل هنا وتقدرين تحطين تحتها من الشالات اللى ذكرتهم باحد ردودي وهي اورجنزا جاهزه مثل ماقلت لكم وفيها تطريز بسيط الشال الواحد يكلف ريال ونص بالجمله شي غريب صح!! مثلآ هنا مفرش ويمكن انك تستبدلينه بالشال وهناك افكار كثيره بالنسبه للمفرش يعني بمجرد انك تشوفين صوره معينه راح تاخذين منها افكار كثيره شوفوا هنا تلبيسة الكراسي اورجنزا عادي بس مطرزه بوردات وهاذي سهله جدآ الأورجنزا رخيص جيبي لك مترين لكل طاوله وجيبي ورود جاهزه بشكل حلو وخلي شغالتك تثبتها بالمفرش راح تكون فكره غريبه وغير مسبوقه خاصه لو سويتها بمناسبه عند بالبيت تسوينها ديكور موحد لكل طاولات المجالس للحفله نفسها بتصير حلوه مره وهنا شكل اوضح ومثل ماذكرت لو المناسبه بالبيت وعندك طاولة سفره مثلآ غيري شوي من شكل الكراسي بمثل هالأفكار البسيطه شوفي هنا شلون لافين الكرسي بقطعة شيفون طويله بشكل مثل الشال اللى نلبسه مع تثبيته بغصن ورد اللى تقدرين تلفينه يعني يكون من الأسيام الحديد وهنا قطعه من الشيفون طالع نعوم مره على الكرسي وهنا ورده كبيره مع قطعة من الورجنزا او الشالات الجاهزه وهناا عاد اذا مره بتنهبلين هههههههههه ولا تنسين التنسيق بين ربطة الكرسي وبين لون الديكور المعتمد للحفله من حيث الوان الورد والشموع والمفارش وايضآ اختيارك للون المناسب راح يعطي جو أكثر رومانسيه

هلا ام ريوف منوره الموضوع الله يحييك تابعي معي شكلنا انا وانتي ندهر بهالموضوع نكمل ديكور...

+5

ديباج الجنان :

ومن افضل الألوان المعتمده بالحفلات اللون السكري وألاوف وايت مع اختيار اللون الأخر للورد والشمع والمفارش واغطية الكراسي بلون زاهي وحلو مثل درجات الوان الباستيل شوفوا درجات الألوان بهالكيكه ومنها تقدرين تاخذين فكرة اللون مثلآ وشوفوا وركزوا معي بهالصوره بمجرد نظره وحده راح تاخذين عدة أفكار منها اللولو+المرايا+تناسق الوان الورد بين الأوف وايت ودرجات الوردي=ابـــــــــــداع فكرة استخدام المرايا بديكور الحفلات جدآ رائعه وتعطي جو خيال بالورد والشموع وكل مايضاف من اكسسورات وعلى فكره اكياس اللولو تباع بالجمله بمحلات الخياطه والكلف بسعر زهيد جدآ وغير كذا حسن تنسيقها يعطينا جو وشكل ثاني وممكن انك تشترين ورد جاهز بس يكون من النوع اللى فيه اورجنزا ومتوفر كثير وتلصقين فيه حبات وسلاسل اللولو وهنا اسلاك نحاسيه وحركات بسيطه بالخرز واللولو تضاف للأفكار انتي امسكي حبات اللولو بيدك وراح تبتكرين وانتي تشوفيها الف فكره وفكره يعني اللولو يرمز لقاع البحر فأختاري الألوان المرجانيه لفكرة الديكور عامة ولا تستغربون!! ترى الطبيعه عامة يستلهم منها الرسامون الوانهم

ومن افضل الألوان المعتمده بالحفلات اللون السكري وألاوف وايت مع اختيار اللون الأخر...

ديباج الجنان :

حياكم الله اتمنى تستفيدون من الأفكار والابتكارات اللى كتبتها لكم برغم قلة الحضور والمدعوين للموضوع الا اني ومثل ماوعدت الأخوات اللى تابعوني اني اكمل بقية الأفكار اللى راح تاخذ وقت ومجهود ولكن الأن اترككم تتصفحون الموضوع وتاخذون كل مايعجبكم من افكار واذا عندكم اضافات غريبه او فكره مميزه اتمنى تسطيرها هنا وأوعدكم بالأفكار المميزه لبقية الموضوع غدآ باذن الله ولكن اتمنى ان هالأمور ماتشغلنا كثير عن طاعة الله وهذا المهم لأن هناك من يضيع وقته بكماليات وينسى المهم فأنتبهوا لهالنقطه نبي نفيد ونستفيد..ولا تنسون التسبيح والأستغفار اثناء التصفح فكل دقيقه تمر من اعمارنا غدآ نتحسر على فواتها وتفضلوا هالموضوع من مواضيعي المفيده اتمنى تقراونه واعتبروه من ضمن الأفكار المفيده ولكن لنفسك لا لبيتك

حياكم الله اتمنى تستفيدون من الأفكار والابتكارات اللى كتبتها لكم برغم قلة الحضور والمدعوين...