من فترة والمشروبات الجديدة تغزو السوبرماركتات :o ..
الي أقصدها هي المعلبة طبعاً ..
ومافي مانع تتكلمون عن أفضل المشروبات الي تفضلونها في الكافي شوب المفضل لكم
بس على أساس ان الأنواع المعلبة أسهل و أسرع للشراء .. حبيت ان كل وحدة تقول وش جربت وش أكثر شي عجبها .
عن نفسي أول ما طلع مشروب القهوة مع الشوكولاته ( حق نـــادك ) جربته .. بصراحة ماعجبني وماقدرت أكمله ، فيه نكهة صناعية غريبة وغير محبذة وهذا رايي
:29:
أما عصيرات الربيع ( الي تكون في علب كبيرة نسبيا 300 ملل أو 330 ) ، بصراحة أغلبها حلوة
الخوخ مع البرتقال لذيذ وحلو
الكيوي مع الليمون يمكن غريب بس منعش مرة ويميل للحموضة
حق الرياضيين ماعجبني مرة ماأدري وش مكوناته
الي بالفواكه المجففة فكرته غريبة ( جربته في رمضان هههه حسيت انه يناسب الفطور ) ، طعمه غريب وغير مألوف بس حلو كأنه قمر الدين بس خفيف مرة
الحين مثل ما نشوف بالشوارع
إعلانات مشروب الشوكولاته الجديد من الربيـع بعد ،،،،
جربت فقط ( قهوة بالشوكولاتة ) ولقيته في اليورومارشيه
جداً عجبني وأحسن بكثير من حق نـادك ، ومو ثقيل زي ماتوقعت
بينما كلنا نعرف ( حليب جالاكسي )
وش رايكم فيه يا بنات ؟
هو مكتوب عليه انه smooth و creamy وزي كذا .. بس أنا ماأحس الا انه حــاااالي .. وثقيل .. مرة
أكيد الموضوع خاضع لأذواق كل وحدة منكم :27:
وأكيد فيه الي تحب المشروبات تكون حالية مرة وفيه الي تحبها ثقيلة وراكزة
كل وحدة تقول لنا وش أكثر مشروب في السوبرماركت تفضله
:21: وهنـا وعـافيـة
بس حرام عليك يا ::Sweety::
أنا أمووووووووووووت في حليب جالكسي...مررررة لذيييييييذ...و مررررررررة يسممممممممممن!:32:
دارية خاشة غلط لأني مدري وش العصيرات اللي نازلة جديد بالسعودية...بس الجالكسي يججنن!<<<فاقدته !:44: