O.o°ضايق صدري وحبيت انكم تشاركوني وتنصحوني O.o°

كيف حالكم يابنات ****لله بخير

والله اكتب لكم هالكلام وانا فيني ضيق وحزن على ام زوجي ابي اقول اللي بخاطري وابيكم تنصحوني

ابي اتكلم من البداية بس اتحملوني انا متزوجة لي 6سنوات وكنت بالبداية ماحب ام زوجي قلبي مايرتاح لها وهي بطبيعتها كثيرة العتاب وكثيرة النقد وشديدة وحريصة وكنت دايما اتناقر معاها احيانا يكون معاي حق تكون غلطانة علي او على اهلي وانا ماتحمل وزوجي ينقهر لان يكون معاي حق بس يقول اتحملي عشاني لان هاذي امي ويقولي لازم تساعديني ببرها المهم مرت الايام وجبت ولد وبنت وصارت تفرق بينهم وبين اولاد عيالها عشان تقهرني ومشاكل مالها اول ولا اخر وكانو سلفاتي اي كلمة تقولها من وراي على طول يقولونها لي وانا ازيد سبحان الله مافيه وحدة انصحتني بس انا كنت بالرغم من زعلي ماقطعها يعني كل بين فترة وفترة اشتري لها هدية واحسها تهدا شوي انا فيني خير بس ماحد ينصحني اللمهم اني تعبت من المشاكل حتى شكلي اتغير وصرت دايما مهمومة وصارت عمتي تفضحني عند عيالها وصارو يزعلون على زوجي يقولون شخصيته ضعيفة مع انه مايرضى على امه لاكن يشوف ان معاي حق يعني كان بين نارين اللمهم اني سافرت مرة لاهلي هم في مدينة ثانية وكان ابوي وامي يسألوني ايش فيني المهم مابي امللكم من السالفة احس اني طولتها

لما قلت لابوي وامي عن القصة زعلوا علي وفتحوا اعيوني على اشياء غافلة عنها قالوا كيف تبغين زوجك الله يوفقه
وهو يشوفك تغلطين على امه ويسكت لانه مايقدر يخرب بيته ونفس الشي مايبغى يعق بامه لانه يشوفك تسبينها انتي قاعدة تعذبين زوجك وانتي مانتي دارية

وقالو لي عامليها زي ماتحبين زوجة ولدك تعاملك اتغاضي عن اخطاأها وحاولي تبتسمين لها وتلبين طلباتنها ولو تكلمت عليكي قولي لها انا زي بنتك ماراح ازعل لو خاصمتيني وكلام كثير قالوه لي حسيت اني كنت بغيبوبة وصحيت منها لان انا ماكان احد ينصحني

وبديت فعلا احاول شوي شوي اتقرب منها يعني يمكن من ثلاث سنوات وانا اعملها معاملة كويسة ولو اتكلمت علي مازعل ولا ارد عليها واذا شفت ناقصها شي اقول لزوجي يجيب لها وهو يطير من الفرحة لاننا صرنا نحب بعض


اسفا طولتها الشي اللي ابي اوصله ان سلفاتي ثنتين ساكني عندها مرة قاطعين فيها هي لحالها ساكنة في شقة اذا جا وقت الغدا يحطون لها اكل بصحن صغير وينزلونه عندها ويمشون وصارت ماتاكل تقول ماحب اكل لحالي انا صارت تكسر خاطري وهم مايحبونها واذا جيت ابي انصحهم يقولون مسوية نفسك تحبينها لو انك ساكنة عندها كان سويتي اكثر

انا صرت اتعذب لانهم حاطين اني اخدعها واخدع زوجي وانا نيتي صافية بس ودي اقنعهم يغيرون معاملتهم معها لانهم مرة مطنشينها مايمرون عليها الا بالمغرب يقعدون عندها ساعتين ويمشون لبيوتهم الا اليوم الثاني بالليل ووقت الغدا ينزلونه عندها ويمشون

طبعا انا ماجيها الا الاربعاء بسبب عمل زوجي ومدرسة ولدي صارت تكسر خاطري واحس بالذنب لاننا كلنا مقصرين معها وهي كبيرة بالسن بالله ساعدوني كيف اقولها يتغدون معها كيف انصحهم ابغاكم تعطوني قصص ونصايح اقدر الين قلوبهم فيها ابي قلبهم يلين مثل مالان قلبي بالله ساعدوني يمكن تقولون الموضوع ماله داعي بس انا متضايقة منه