صباااحكم سكر وقشطة عالحلوين
بداية :
أحب أنوه .. إن الموضوع مطروح فقط للإفادة والاستفاده وطرح ماهو رائع وجديد .. ونتناقش في امور الميك اب ونسولف ونوسع الصدر ...
أعزائي .. دعونا نتذكر .. قول أفضل وأعز خلق الله على قلبي .. حبيبي وحبيبكم محمد ابن عبدالله عندما قال :-
o•.• من سئل عن علم فكتمه ألجمه الله بلجام من نار يوم القيامة ... o•.•
أعاذنا الله وإياكم من هذا اللجام ..
صدقيني يا عزيزتي كل معلومة ولو كانت بسيطة و صغيرة في نظرك فهي كبيرة عند الله ولكِ أجرها المكنون عند الله عز وجل ..
من ذاك المنطلق أبدأ أنا وأنتم موضوعنا ... ونقول بسم الله ...
= .. = .. = .. = .. = .. = .. = .. = .. = .. = .. = .. = .. = .. = .. = .. = .. = .. = .. =
نبدأ ...
أحب أستخدم قبل وضع الميك آب مرطب للبشره عشان ينديها ويرطبها ويخليها مثل الفاكهة الندية كلها طراوة ونقاوة ..
لذلك أحب استخدم مرطب البشرة من كريستيان ديور ديور اسمه ديور كابتور >> عاااشقة لديووور...
واااو الترطيب ولااا في الاحلام .....
كنت أستخدم مرطب استي لودر علبته لونها أخضر ( أفضل مرطب ) عن تجربة .. استخدموه وادعولي ..
وجربي مرطب بودي شوب رااائع ..
......................................
بعدها أستخدم الكونسيلر ( المصحح ) من كيكو kiko
علبته لونها أسود بأبيض على شكل اصبع اسطواني
او جربي كونسيلر لانكوم .. راائع
وحالياً أستخدم كونسيلر NoUBA نوبــا .. أكثر من رااائع ..
ملاحظة علبته دائرية صغيرة لونها أسود من الخلف مكتوب عليه nouba albano S.A Italy 1toch
صورته :-
..........._.........._..............
بعدها استخدم اضاءة Skin light للبشرة ( مو دايم استخدمه ) ..استخدمه ويخلي بشرتي صفاء واضاءة وأحس ان سبوت لايت على وجهي .. وهذي صورته ...
ملاحظة :- أحياناً ما استخدمه أو استخدمه بعدها أضع البودرة المضغوطة .. يعني بدون استخدام الفونديشن ( كريم الاساس ) ...
........................
كريم الأساس ... الفونديشين
اذا كنتي من ذوات البشرة البيضاء النقية الخالية من الشوائب .. :-
استخدمي فونديشن ( كريم أساس ) نينا ريتشي
رااائع جداً .. حلاوته بخفته ورائحته الرائعه ..
عيوبه : لايغطي عيوب الوجه 100 % لكن جيد .. والأفضل تستخدمين البودرة من نينا ريتشي عشان تشوفين النتيجة المضمونة ...
.................
اذا تبين بشرة مثل بنات هاواي ( البشرة السمراء الجذابة ) .. تصلح للبنات اللي مافيهم جاذبية ( في فرق بين الحلا والجاذبية ) ..
:27:
استخدمي 15 moisture fondation spf من body shop اختاري الدرجة 07 أو 09 أو 10
يخلي بشرتج سمراء يعني برونزاج .. وأعيد وأكرر تصلح للبنات اللي بشرتهم بيضاء لكن مافيهم جاذبية ولا اغراء .. جربي الفونديشن هذا وبيخليج كيييييـــــــــــكه ..
بعدها نستخدم البودرة البرونزاج .. الخيالية .. اسمها Bronzing Powder
وبيخلي طلتج برونزية مثل اصالة نصري ..
..................
اذا ابي طلة لونها أبيض ممزوجة باللون الوردي استخدم كريم أساس سيراس ( بصوره لكم وأحط البودرة معاه ) ..
واااو اذا حطيته الكل يقول بشرتج رووزيه ورديه ويسألوني عنه ..
عيوبه : بسرعه يسيل ( لازم وضع البودرة ) ويصلح للبشرة الجافة أكثر ..
..................
اذا ابي طلتي خالية من الحبوب و شوائب البشرة واللون أبيض لكن بطريقة حلوة .. استخدم فاونديشين كلينك cliniqueالطبية .. هذي الماركة أكثر من رائعه للبشرة الدهنية واللي مليانة حب..
واستخدم البودرة معاه .. والنتيجة نااااايس ..
لكن لون البودرة اللي عندي لونه فاتح ..
والماركة هذي عملية وحلوة وخفيفة ..
..................
إعذروني يا بنات والله تلفوني عطلان عشان جذي أخذت الصور من النت ..
هذا الفونديشين التووووب بالنسبة لي ....
وعن تجربة يصلح لجميع انواع البشرة .. المختلطة والدهنية والجافة بعد ..
وما حبيت البودرة مالته .. مع انه على خواتي حيل ضابطة وحلوة ..
رقمه : 102 ..... ولازم تلقين من ورى مكتوب على علبت الفونديشين 102 made in france
النتيجة : أبيض عالبشرة ويخلي بشرتي بشرة طفل واااااو حبيته ..
حبايبي اسمه ديور ايكلات ستن .. علبته زجاجية شفافة والطباقية لونها كحلي غامق .. dior skin eclat satin
وعلبته مستطيلة نفس الصورة .. بس الرقم من خلف العلبة نفسها ..
أما البودرة اسمها dior skin compact ولونها كحلي وحجمها صغير ولما تفتحينها تلقين الاسفنجة وبعدها فاصل بلاستيكي وبعدها البودرة ..
انتبهوا ترى في انواع تقليد كثييييرة ..
........................