كيفكم يا سنعااااات ان شاء الله بخير
حبيت اعطيكم طريقة البرياني الهندي الاصلي من يديني
اللي تعلمته من امي الله يطول بعمرها ويعطيها الصحه والعافيه
وطبعا امي تعلمت الطريقه من جدتي الهنديه الله يرحمها برحمته الواسعه
وهذي اول مره انزل فيها طبخه في هذا القسم وان شاء الله ماتكون الاخيره
طبعا هذا البرياني محد اكله الا وذااااب في غرامه وزوجي يعشق هذي الطبخه
ماطول عليكم ندخل بالطبخه ياحلوااااااات ومقاديرها لـ 3 اشخاص تقريبا
اول شي نجهز البصل قشريه واغسليه تقريبا ثلات بصلات وسط
وبعدين قطعيه شرايح رفيعه جداااا مب متينه انتبهو
وتقلينهم في زيت غزير وتقلبين كل شوي الين يصير لونهم اشقر فاتح لا تخلينهم يحترقون
اول مايصير لونها اشقر او بني فاتح طلعيها وحطيها على ورق
القلي وفرقيهم عن بعض وخليهم يبردو
والحين نجي للدجاجه نظفيها وشيلي الجلد وافركيها بالملح والخل
وخليها شوي وبعدين اغسليها من الملح والخل وحطيها بالقدر
والحين جهزي علبتين زبادي
ونجي حق السر اللذيذ العظيم في هذي الطبخه وهو البصل المقلي
حطي نص كمية البصل المقلي بعد مانشف وبرد في مطحنة البن
شوفو كيف صار ناعم وتقلصت الكميه مره طلع تقريبا ملعقه كبيره مليانه
حطي الزبادي والبصل المطحون على الدجاجه
وابشري عليه قطعة زنجبيل مقشره
وافرمي شوية كزبرة خضره ونعناع اخضر مهمين هالعنصرين
يعطون نكهه غير طبيعيه مب تغيرون الكزبره بالقدونس لااااا
لا اسمح ابدا ترا حذرتكم مابيطلع نفس الطعم
نلخبط المقادير مع بعض عدل مدل الين يتجانسو زين
ونحط الطبخه على النار لمدة ساعه تقريبا اول شي على العالي الين
ماتغلي وبعد ماتغلي نخفف النار جدا ونخليه تطبخ وحركيه كل ربع ساعه تقريبا وبيصير فيها سوائل اللبن طبعا لاتخاون مارح تنشف
وخلال هذي الفتره اغسلي الرز وانقعيه في مويه تقريبا كاسه ونص
انا استخدم كوب كبير للتعيير تقريبا
وجهزي منقوع الزعفران وخليه على جنب
والحين نجهز خلطة الزبادي الحاره اللي تنأكل بجانب الطبخه
وهي عباره عن علبتين زبادي وكزبره ونعناع وفلفل وثوم
نحط كل المقادير في الفود بروسيسير الخلاط الدائري مب الطويل
لان الطويل بيخليها ناعمه بزياده هذا الخلاط يخليها شوي خشنه
وامي تحب تقطع الكزبره والنعناع بيدها مب بالخلاط عشان يعطي
خشونه للسلطه
وحطيها بالصحن وخليها بالثلاجه الين ماتخلصين الطبخه
الحين لما قرب الدجاج يستوي صفي الرز من المويه
وحطي مويه مغليه في قدر وملحيها وخليها تغلي المويه زين
وحطي فوقها الرز اللي صفيناه من المويه يعني الرز اشخليه
طبعا بس نص استواء لانه بيكما استاواء مع خلطة الدجاج