لوليا
الله يعوض عليكي بالخير ان شاء الله
واهم شي سلامتكمـ وانها مااذتكمـ الشغالات الايام هذي يخفوا
واهم شي يابنات التليفون لاتخلوها تقرب جنبه شغالتنا لو يتقطع التليفون ماترد عليه لأنا عودناها علي كذا واذا جات بتتصل تعطينا الرقم واحنا نتصلها ودايم يكون لأهلها بأندونسيا
اهم شي انا نعاملها بما يرضي الله لأنهم ماينعطوا وجه زياده عن اللزوم

سيرين
سوق قباء فيه مراكز كثيره المسره والحكيم
واسواق سلطانه طول ماانتي ماشيه تحصلي الماركات
وفيه الدولي والثريا والدخيل وسيتي ماكس عند مطعم الركن الشامي وكلها بسلطانه
وسيتي سنتر تحت فندق موفنبيك عند الحرم
فيه مجمع القمه ببداية قباء اسعاره حلوه وعنده ملابس البيت والبناطيل حلوه
هذا الي اتذكره الحين واذا تذكرت شي بأقولك عليه

صباح الخير على الجميع

صباح النور...
صبايا ياحبيباتي انتو ...
احد جرب شغل جردينيا بالخيااطه ؟؟
وبللليز اللي جربته ولا عندها رقمه ترسليلي هوه على الخاص
لانو الرقم مومسجل بالاستعلامات...
الله يوفقها ويجزها الجنه اللي تجاوبنيــ...

اخت لوليا الله يعوض عليك ويبدلك خير منها وخيرة ربي كتبها لك انشاء الله . والشغالات شر لابد منه
سيرين 505
اسواق المدينه قليه مقارنة بالمدن الثانيه وهي كما قالت الآخت ريم الغلا وازيد عليها فية اسواق عند الحرم في فندق اوبروي وفندق المدينه التجاري اكترها ماركات وفيه سوق البدر في طريق المطار هذا زي القمه عندة اشيا للبيت حلوة واسعارها مناسبه
بنات الله يخليكم لي طلب خاص عندكم الي تعرف خديجه محضار فين تشتغل تقولي وكمان رقم تليفونها لآن عندي فرح وبنتي صغير مااقدر اتركها في اليت والكوفيرات الي يجوالبيت مايجو عشان وحدة . ابغى كوفيره اروح لها في بيتها واخذ بنتي معايه ومايكون عندها زحمه وشغلها حلو <وحدة طماعة> الي تجاوبني ادعي لها والي ماترد واطنشني

برضه ادعي لها
شكرا

تقي
والله من جد كلامك صح تصدقوا بالله انه شغالة سلفتي كانت جايه مع شغالتي الاولى من ثوابت وعلى نفس الرحله وكلهم الحمدلله ماكملوا سنه انا شغالتي بهذلتني الان لماتتكلم لوليا كانها تذكريني بمسلسل شغالتي اول وكتبته قبل كذا بالصفحات الاولى لكن الادهي من هذا كله شغالة سفلتي هربت من البيت وزي مايقولي شر البلية مايضحك لما هربت لقية واحد معاه سياره اجره فقالته يوصلها عند الحرم ووصلها واثناء هو مايوصلها قالتله انه ماعندها شغل وانها تدور قالها الرجال بحسن نيه انه عنده بنته حامل وتبيلها شغاله قالت طيب انت وديني عند حرم وانا اذا ماحصلت شغل الى صلاة العشاء ادق عليك تلفون تجيني المهم الرجال على نيته عطاها الرقم ولما جاء بعد صلاة العشاء دقت على الرجال وقالتله انها تبي تشتغل عند بنته المهم جابها اتخيلو عند مين جات عند جارتنا الي ساكنه بالعماره عندي انا وسلفتي ولما جات الى البيت قامت تبكي وتزن انهم مايسفروها ويبلغوا كفيلها المهم جارنا على نياته بلغ اخو زوجي ورجعها للمكتب وسفرها .

لوليا
الله يعينك لكن المكتب مسؤل انه يجبلك الان وحده بدالها لكن نصيحه لك اختي لوليا اذا تقدري انك تستردي مبلغ التقديم وتقدمي من مكتب اخر غير ثوابت احسلك لان شغالات ثوابت اذا قالولك بيسافرون معناته انك ياتسفرينها ياتهرب يا تغثك لاكملت اربع اشهر وما فوق .

<<<<<<<<<<<<<< مجربته ونصحتكم لكن ماحد صدقها .

صراحه الان الاندونيسيات يخوفوا تصدقون بالله شغالتي الان جديده لكن واحد اخو صحبتي كان مسافر ولما يسافر يجب شغالات لاقاربه فقط والمهم انا جابلي وحده من جد كلمة روعه قليلية عليها بالغرم انها صغيرة وبنت مو متزوجة لكن طيبة وهو مختارها يعني عارف اهلها وقايلهم انه اي غلط بيحملهم وغير كذا والاهم تقديمها ماكلفني شي يعني ارخص من المكتب بكثير .:26: