الشغاله ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لو مكان احط علامات استفهام حطيت مليون

حبيباتى

انا مايفقع مرارتى ويورم كبدى اكثر من اللى بيتها غرفتين وماعندها الا طفل او طفلين وعندها شغاله
لا وتلقينها معتمده عليها فى كل شاردة وواردة او وحده عندها شلة بنات والوحده تكفى اسرة ...

الشغاله ماتجى الا بشروط:
وهى ان البيت كبير اول شىء
ضيوف زوجك كثيرين
اولاد ماشاء الله كثير
ام عاملة
وفوق هذا كله يجب الحذر والمتابعه والمراقبه .......حشى ماسار بيت صار F.B.I

اما فى غير هذى الحالات لا والف لا ....

لو فيه شوية إحسا س بالمسؤليه من قبل الأم ماتترك اولادها للشغاله ابدا
والله انى اعرف حريم تنوم ولدها الصغير مع الشغالة بحجة انه يحبها
وانا ليه احمل واتعب واولد عشان تربيه الشغاله

والله البيت اللى مافيه شغاله انهم سعداء اهله
مأنكر انه بيكون شوى ضغط على الأم لكن إذا احتسبت الأمر الله بيكون عون لها
اسفه على الإطاله لكن من اللى اشوفة

الحمد لله ما عندي شغالة
اكررررررررررررررررره الشغالات
والله لايحوجنا لهم ابد..
بيتي فلة بس الكل محطمني.....................
يقولون البيت اللي ما فيه شغاله مو نظيف..؟اللي يبي النظافة ما يستغني عن الشغاله ومن هالقبيل ..

صح انا مااقدر علي البيت اول باول بس احاول بقدر الامكان والله يكون بالعون ا

بالنسبة للشغالات مع الاطفال....
.ياقوي قلوبهم الامهات اللي يطلعن ويخلن اولادهم عند الشغالات
ماادري هواستغفال من الام في سبيل الوناسة وسعة الصدر وكيف الشغالة تسوي اللي تبي مادام الام مستانسة وتسولف.
ولا جهل وثقة زايدة في شغالة مادري من وين جايه من سجن ولا مصحة ولا من شارع..
و لاني ابحث عن اولادي دائما في الاجتماعات العائلية في حين اولاد غيري شغلاتهم هم المسؤلات فاكون دائما بين الشغالات فاري العجب العجاب.
وحده ماعندهاالابنت وجايبتها بعد جهد الام مدلعتها ويا ويل اللي يلمسها وبابسط مايكون تقولها الشغالة بين الاطفال ياغبيه وتهاوشها؟؟
طفلة ثانية اذنها حمرا من تقريص الشغاله وهذايك تضرب الولد والثانية وغيره وغيره
هذا كوم واللي شفته وانا صغيره كوم
كنت صغيرة وماكانت الشغالة مسويه لي اعتبار فكانت تغير لبنت وحده من قريباتي الحفاظة اعزكم الله وتناظرني وتضحك ويدها في .....وعقبها وانا اكرهم
انتبهوا يا بنات لاتولن اولادكم الشغالات وخاصة تغيير الحفاظة..

صراحة كله كوم..
والشغالة الكافرة كوم..
يعني المسلمة صراحة أرحم.. خاصة إذا كانت الوحدة محتاجة لها مرة وعاملة وعيالها أشقياء (مثلي!)
لكن أنا أشره على اللي عندهم شغالة كافرة أعوذ بالله..
كان عندي شغالة مسلمة.. وأخت زوجي شغالتها ينقال عنها مسيحية وهي في الحقيقة "بوذية".. تقول شغالتي عنها: مدام هذي ريحتها مرة مو كويس.. علشان هذا كافر يروح حمام ما فيه غسل !!!! وعععععععععععععععععع
.. حامت كبدي..

والأدهى أنها توكل البنت الصغيرة الرز بإيدها.. وععععععععععععععع قرف قرف.. والأم ولا يهمها..
وكلما نبهتها زعلت الله يهديه..

يعني الشغالات شر لا بد منه.. الواحد يحاول يتجنبهم قدر المستطاع..
لكن إذا احتاج مرة..
لازم يختارها مسلمة.. ويهتم بمظهرها الساتر.. يعطيها كتيبات وأشرطة دينية.. يراقب تصرفاتها.. ما يعطيها مسؤولية الطبخ والأطفال كاملة.. يتابعها بالأعمال اللي تسويها.. ويعودها على الطباع الزينة..

وأنا بأعدد بعض الأخطاء التربوية والدينية في تعامل البعض الله يهديهم مع الخادمة..
1. يختارونها كافرة علشان أرخص.. وهم يدرون أنه حرام إدخالهم لجزيرة العرب ويخالفون وصية نبينا الحبيب صلى الله عليه وسلم.
2. ما يهتمون بحجابها ولا لبسها.. تلقين ملابسها ضيقة ولا خفيفة ونص الشعر طالع..
3. ما يهتمون بتثقيفها وتوعيتها دينياً.. يعني ما يشجعونها على أعمال الخير أو ينهونها عن الأخطاء ويوضحون لها حكمها بشكل مبسط..
4. يرمون عليها مسؤولية البيت والأطفال كاملة على كيف كيفها..
5. ما يراقبون تصرفاتها أبداً ولا يشكون فيها كأنها ملاك تروح للسواق وتكلمه أو تفتح الباب وتكلم الرجال عادي.. أو تدخل على الشباب في مجلسهم أو غرفهم.. دون حياء أو خجل.. وآخرتها تطلع زي الخادمة الخلوقة المحترمة اللي كانت عندي (كنت واثقة فيها 100%) وطلعت تكلم واحد (بعد ما راحت)..
6. يسمحون لها بضرب الأطفال أو تخويفهم (بحجة أنهم يستاهلون) وهي قد تتمادى في ذلك.

وبالفعل زي ما قلتي يا أم نور وسرور..
أخطر شي.. الل ييتركون لهم الحرية في تغيير الحفاظ أو تنظيف الأطفال الأكبر سناً وغسلهم دون أي إشراف.. وبإتكال كامل..
ترى كثير منهم لهم تصرفات بذيئة جداً..
الله يحفظ عيالنا وعيال المسلمين..

واللي مضطرة تحرص تعلم أطفالها وتسألهم وش سوت لهم الشغالة وتنبهم.. وتفحص أطفالها جيداً.. ترى يا ما صارت بلاوي منهم للأطفال المساكين..