السلام عليكم ورحمة الله وبركاته
بالاسبوع الفائت ذهبنا لشاطئ شرما بـتبوك ..
وكان من اروع واعذب واصفى بحر .. استمتعنا كثير بالرحله وحبيت تشوفونها انتم
وتستمتعون ايضا بالصور... وان شالله تعجبكم
هنا عند الوصول لشاطئ شرما
استقبلتنا النخيل الشامخه ..
وبس تشوف هذا الجمال تنسى هم الطريق
لايوجدخدمات ع الشاطئ سواء خيمات للتاجير ..
اخذنا جوله ع الشاطئ قبل النزول
الاجواء كانت صحو ومشمسه وهواء عليل
وهنا وقت الرجوع لاستئجار احدى الخيمات
عجبني هذا المكان البعيد عن الناس لكن لايوجد معنا سوا رواق ولابد من خيمه
بحر نظيف ومياه صافيه
روعة البحر كاتم الاسرار تخليك تنثر كل هم بقلبك مثل الاصداف المتناثره ..
*
*
يتبع
هذي الخيمه والعزبه ..
جلسه صفا مع من يلقب بالغدار ..
بدايه تحضيرات للكيف والغداء ..
نقعت الارز .. وتبلت الكنعد الطازه بالبهارات ..
وتلاحظون ابريق الشاي والقهوه ع المواقد .. وخضروات السلطه .. والارز .. وفي العلبه الوسط فيه ( روبيان +حبار + فليه هامور + استاكوزا ) اول مره اكل استاكوزا لانها منظفه وماخذين لبها فقط
وماشفت شكلها الخارجي البشع والمقزز ..
وضعت الارز بقدر مع راس ثوم .. وبهارات صحيحه
وبعدها قمت بقلي الكنعد .. بازبده ..
بعد الانتهاء من قلي الكنعد .. تقلى بعد التقطيع مكونات الشوربه
تقلى لمده 5 دقائق مع الاستمرار بالتحريك .. يفترض العكس اولا قلي الروبيان ثم الكنعد المتبل ..
*
*
يتبع