بريطانيه
7
عظم الله اجركم اختي وغفر لوالدك وجمعكم به في جنات الفردوس الأعلى في زمرة نبينا محمد صلى الله عليه وسلم
ضوء
7
الحمدلله على السلامه ,,,,هاه ابي بس تقولين لي وش سوى ولدك تعلق فيك ولاخاف منك
ياذينهم والله وهو يطالعك يالبي يسلمه ويخليه لك
ولا احد سأل عني ولا شيء ماعليه ,,,بس الشرهه على شماليه هذا وانا بصير جارتها ,,,
يكون خير الوعد في كانتربري هههههههههههههههههه
بريطانيه
7
عظم الله اجركم اختي وغفر لوالدك وجمعكم به في جنات الفردوس الأعلى في زمرة نبينا محمد...
وش اخبار الجميـــــــــــــــــــــــــع
الورقة الخضراء
عقد ألماس
هلا عمري وش اخبار بنتك الحين حت انا والله اشتاق لك وماصرت ادخل كثير منشغله بالصيام عسى ربي يتقبل منا ومنكم صالح الاعمال
عقوده ياعمري اذكرك خبره في باريس ياليت تقولين لرعبوب عن الاماكن اللي تستاهل الزياره في باريس والاسواق وزي كذا تعرفين خبرة الحريم غير
المؤلفه
وان شاءالله دواين وعقد الماس يفيدونك بهالشيء
ليدي الامورة
هلا والله
الحرم تهبل اجواءه جو روحاني الناس صايمه ويجتمعون يفطرون مع بعض
وباذن الله راح ادعيلكم
مدري ولدك يسنن ؟؟
اذا تبين شيء ممتاز للتسنين (( المحلب )) تعرفينه ؟؟؟ يكون مطحون وتحطينه على لثته اللي توجعه مره زين وعن تجربه (( الحين رعبوب بتقوم علي مانترك الطب الشعبي :) ))
رعبوب
تسلمين ياعمري واللي ابيه بمساعدتي للجميع دعوات صادقه منكم بظهر الغيب فقط
موتيني ضحك على ردك عن المره بلاك ماتعرفينا المره عندنا لها قيمه لكل شيء و صادقه فيه جل للتسنين يخفف بعد
نسائم يافع
3soolh
هلا اختي
وموضوعك ماحذفوه جابوه عندنا واي موضوع يخص بريطانيا غالبا يجيبونه هنا عشان نشوفه
الجامعات اللي عطيتك ياها هي اللي فيها تخصصك
وبالنسبه لسؤالك عن الاصعب سمعت نفس اللي سمعتيه يقولون اصعب يمكن عشان اللغه يعني لهجتهم شوي اصعب
وانتي توكلي على الله وشوفي المدن وعطيني المميزات اللي تحرصين عليها بالمدينه وبساعدك ان شاءالله
ضوء القمر
هلا وغلا
هلا والله بدبة قريح من زمان عنها صح
علومك وعلوم الرياض واهلها ماعينتي شمريه وندو جتنا علوم انهن تقابلن في مكان ما ياحبيلهن واخيرا سووها واجتمعن :icon28:
العقبى لنا لارجعنا للرياض نجتمع على خير
ساره الحلوه
تسلمين يالطيبه
ام المملوح
هلا والله
ترى حتى مطار هيثرو يسوون احيان زي كذا يعني طروات
اهم شيء مايكون بشنطتك اي كريمات وسوائل
رياحين وخزامى*
حياك الله اختي
وانا حاليا بالمدينــــــــــه أجازه وقريبا ان شاءالله بنرجع لبلد الشقر
ولــاــ ء
هلا اختي
أختيارك موفق لكانتربري مو عشاني فيها لاوالله العيشه فيها مريحه جدا
_ قربها من لندن ساعه ونص
_ قربها من باريس لاطفشتي تقدرون تروحون ويك اند ساعتين بالعباره او اليورو ستار من اشفورد
_ ريفيــــــــــــه وهاديه وفيها نهر يرد الروووح
_ العرب فيها قله يعني معدودين
_ فيها نادي سعودي
_ فيها مطاعم حلال (( بحريني - وتركي - هندي ))
_ قبل شهور فتحت فيها بقاله عربيه صاحبها عراقي ويجيب كل شيء من لندن واي شيء تطلبونه يوفره لكم
مدري انتي جاك القبول ولا باقي وهل من زمان راسلته ولاتوه ؟؟
اذا توه مراح يجيك الحين عشان الأجازه عندهم اجازة الكرسمس
بالنسبه الحي اللي جنب الجامعه ممتاز اسمه (( dwins road )) وتروحين مشيء للجامعه والحضانه فيه تابعه للجامعه بعد
وفيه حضانات زينه بعد وسط السنتر
المعاهد اللي بنظري ممتازه
معهد جامعة كرايس شيرش
معهد بلقرام
فيه معهد تابع للجامعه بس في قريه ثانيه في برودستير
الطبخ اكيد انتي اللي تطبخين لنفسك وضروري يكون معك قدر ضغط بيساعدك كثير عشان انتي تدرسين وماعندك وقت
الغسيل في كل بيت مؤثث يكون فيه غساله توماتيك والكي برضه انتي تكوين
والأمور ان شاءالله سهل بس لازم تنظمين وقتك مابين شغلك ودراستك
المكأفأه بتكفي ان شاءالله
وانتم لاتسكنون في بيت كبير اذا كنتم بس انتي وزوجك وولدك خذوا على قدكم
ونصيحه اذا بتبدين من السنه الجديده حاولوا تدورون سكن بدري عشان تلقون ارخص لانه كل ماقربت الدراسه بتقل عليكم الفرص والمبلغ يكون اغلى
فيه احياء تكون ارخص بس ابعد عن الجامعه
مدري بيكون معاكم سياره خاصه ..؟؟
اذا مامعاكم ضروري تسكنون جنب الجامعه اريح لكم وحتى السنتر تقدرون تروحون له مشي
معلومات عن كانتربري رد رقم 455
http://forum.hawaaworld.com/showthread.php?t=1008381&page=23
واي استفسارات عن كانتربري لاتترددين