شوكولاتة تويكس :

البنات جميعا انا وريت زوجي وقال انه مكتوب يفضل ان تاكل مع الكحول يقول لوكان موجود كان حطوها مع ضمن مقاديرها يقول زي البطاطس حق السعودية لذيذة امام التلفاز او مع الشاهي يقول هم كاتبين يفضل مع الكحول الظاهر هو شاهيهم هههههههههه

البنات جميعا انا وريت زوجي وقال انه مكتوب يفضل ان تاكل مع الكحول يقول لوكان موجود كان حطوها مع...

Lovely Bebe :

السلام عليكم و رحمه الله وبركاته كيفكم ياصبايا ياحلوين وكيف الجو معاكم ؟؟؟؟ احس الجو فجأه رجع برد تاني يمكن مع انتهاء فصل الشتاء اختي حبشيه كيفك؟ ها خرجتي ولا لسا ؟؟؟؟؟؟؟ ترى انا في ليفربول وكتير اشوف حريم بعبي وطرح سوداء .. يعني الموضوع عادي جدا لاتخافي المهم اخواتي كل ما امر عليكم الاقي كم وحده تسأل عن الولاده في بريطانيا وانا في الملفات السابقه كتبت تجربتي بالتفصيل وراح اعيد ذكر تجربتي هنا مرة اخرى طامعه في دعائكم لي بالستر والعافيه و راحه البال لي ولزوجي ولماما وبابا وان ربنا يقر عيني ببنتي ويحفظها من كل مكروه وعين حاسده كنت دايما أسمع ان الولاده هنا جدااا رائعة بس والله ما أتوقعت انها بهذه الروعة عن جد الولاده هنا 5 نجوم ومن غير ما تدفعي ريال واحد بعكس عندنا في بلدنا تدفعي شي وشوية وانت خايفة ومرعوبة وفي النهاية يبهدلوكي المهم نرجع للموضوع طبعا لمن تجيكي علامات الطلق ماتروحي المستشفى على طول لا يعني تفضلي على اتصال مع المستشفى وحاولي تتحملي ع الاخير عشان لاتروحي ويرجعوكي لمن يقولوليك خلاص تعالي تروحي عندهم أما قبل كده حاولي ما تستعجلي واصبري على الالم والله يعينك في المستشفى راح تكوني في غرفة لوحدك تماما وزوجك اذا تبغيه راح يدخلوه معاكي في الغرفة وراح تكون معاكي ال midwife طول الوقت وماراح تسيبك ابدا راح يعطوكي كذا خيار لتخفيف الم الطلق لحد ما يجي وقت الولاده انا عن نفسي استخدمت الغاز , زي الاكسجين تشميه وقت ماتجيكي الطلقة وسبحان الله الالم يروح ويخليكي مرتاحة وفي عالم تاني طبعا هنا يصبرو عليكي للاخر يعني ما يشقوكي ولا شي .. بالعكس يخلوكي تولدي براحتك لمن الرحم ينفتح والبيبي ينزل طبيعي وطبعا طول الفترة هذه وانت في الغرفة تعاملك ال midwife بحنان وطيبة المهم بعد الولادة ينقلوكي لغرفة تانية تجلسي فيها ساعتين وبعدها ينقلوكي للغرفة اللي تنامي فيها وهي عبارة عن جناح فيه 5 امهات وانت ال السادسة طبعا في بينكم ستاير لكن كلكم تنامو مع بعض والبيبي يكون معاكي يعني ما ياخدوه منك إلا اذا انت كنت تعبانة وطلبتي انهم ياخدوه .. غير كذا كل أم معاها طفلها طبعا زوجك ممكن يجلس معاكي طول اليوم لكن ع الساعة 10 بالليل تقريبا لازم يخرج وتنامي لوحدك يعني مافي مرافق ينام معاكي وهذا يمكن أسؤ شي عندهم انهم ما يخلو المرافق ينام معاكي بس لاتشيلي هم لانهم طول الليل يكونو الممرضات موجودين اذا احتجتيهم ومن الصباح جوزك ممكن يجيكي بعد ماتخرجي من المستشفى ان شاء الله راح تروحي بيتكم وانتبهي اذا جوزك معاه سيارة لازم يشتري كرسي السيارة تبع البيبي وانت في البيت ال midwife راح تجيكي يوميا لمده 10 أيام كل يوم تجي تكشف على البيبي وعلى سرته وتكشف على الخياطة اذا خيطوكي او كانت عندك عمليه مثلا وتكشف على بطنك وصدرك .. يعني تطمن انو كل شي تمام وان البيبي صار يعرف يرضع واي سؤال او مشكله أسأليها وهي راح تساعدك وتعلمك كيف تروشي البيبي وكيف تغيريله الحفاضة وكل شي يعني ماتشيلي هم بعد ال 10 ايام اذا كنت محتاجة انها كمان تجيكي ممكن تكلميها وهي ماراح تسيبك إلا لمن خلاص انت تكوني أتعودتي على الوضع وما تحتاجيها بعد كدا تجيكي وحده أسمها ال Health Visitor هده تقريبا تجيكي كل أسبوع مرة وحده لمده شهر وبعد كده انت تكلميها لو أحتجتيها هي تقريبا كأنها أخصائية اجتماعية بس ماهي دكتوره تجلس معاكي وتعطيكي كتيبات عن الطفل وعن الرضاعة والتطعيمات وكيف ممكن تنظمي نوم البيبي يعني تساعدك انك ترتبي يومك وحياتك وأي سؤال عندك تسأليها وهي تجاوبك واذا كان في شي يستلزم انك تروحي المستشفى هي راح تقولك وتعملك حجز وبس هده كل التفاصيل اللي انا مريت بيها في اشياء لازم ترتبيها من بدري أول شي حاولي انك تطبخي قبل موعد ولادتك بأسبوعين مثلا وتدخلي الاكل في الفريزة طبعا أهم شي انا أحس مسلوقة الدجاج يعني كل يوم اطبخي ودخلي الاكل في الفريزة عشان بعد الولادة ماتتعبي لان لازم لك راحة تامة وجوزك ان شاء الله ما راح يقصر معاكي حاولي تشربي عصيرات كتير في فترة النفاس وكل خضار وفاكهة وبالنسبه لحوسة المطبخ خلي أكلك كله في صحون وملاعق بلاستيك عشان بعد الاكل ترميها على طول وماتتعبي في غسيل الصحون وان شاء الله كلامي يكون مفهوم واتمنى من الله ان يسهل على كل وحده حامل وتفرح بشوفه طفلها بصحه وسلامه ويرزق ربنا كل محرومه بالطفل الصالح اميييييييييييييين

السلام عليكم و رحمه الله وبركاته كيفكم ياصبايا ياحلوين وكيف الجو معاكم ؟؟؟؟ احس الجو فجأه رجع...