شمشومه الحمد الله بخير انا والله ما صرت ادخل الماسنجر كثيرررررررر هالايام

السلام عليكم ورحمة الله وبركاته

معليش اسفه بالتاخر بالرد

ياليت تعذروني لاني كنت مره مشغوله الايام الي فاتت

الحمد لله والشكر وصلت بريطانيا وتحديدا ادنبره

وباقولكم تفاصيل رحلتيى حتى يستفيد الكل منها .

طبعا بقولكم باخر شئ الاخطاء الي سويتها والي لازم نتجنبها .


انا مسافره من السعوديه الى لندن بلحالي ومعاي طفل وحامل بالشهر الخامس

رحت للمطار انا واخوي واختي

لما رحت اقص البوردنق قلت ابغى سرير لطفلي بحكم انه عمره سنه

قالي مايحتاج الطياره فاضيه وبعطيك مقعد جنبك

قلت الله يعافيك

لما جا ياخذ شناطي قالي كم وحده

قلت 3 وخلها ترانزيت لادنبره

قال بس !!

الصراحه تحسفت كان في اغراض خليتها في البيت قلت اخاف مايسمحون فيها

وتحسفت اني ماجبتها لانه على كلامه كانت الطياره مره فاضيه ولا دقووا في العفش

بس يالله راحت علي

لما خلصت من البوردنق

رحت عشان ادخل لم البوابه حقت رحلتي

لما جا حق الجوازات يدخلني قالي وين التصريح

قلت اي تصريح ؟؟؟

قالي التصريح الي من زوجك يسمح لك ولطفلك بالسفر

قلت هااااااااااااااااااااااااااه !!!!!

قلت واللهي انا اول مره اسمع فيه

قالي شوفي ماتسافرين الا وهو معك
وريته صورة جواز زوجي وفيزته

ولا رضي

حاول معه اخوي

وقالي طيب كلمو عليه خلوني اكلمه

في هذا الوقت طقتني ضيقة صدر

زوجي بالطياره متوجه كان من ادنبره لم لندن عشان يستقبلني

حاولت ادق عليه مقفل

قلنا له الوضع وشرحنا له

قام اخذ معلومات اخوي كلها

ومشانا بطلعة الروح

والحمد لله سمحوا لاخوي واختي يدخلون معي للصاله لحد مادخل الطياره

قعدنا انا واخوي واختي في صالة المطار لحد مافتحوا بوابتنا وودعوني

لما ركبت الطياره اخذوا مني عربيتي وحطوها على جنب

الحمد لله عربيتي كانت خفيفه مره الي من مذر كير

فما سووا لي مشكل معها ابد

حتى العربيه كانت مريحه مره في ممرات الطياره وكانت تمشي بسهوله لحد ماوصلت المقعد حقي

تعامل الطاقم كان مره حلو

خلو الشنطه الي كانت معي على جنب ولا رفعهوها لانها كانت فيه اغراض ولدي كلها

العاب وحليب والبامبرز وانتم بكرامه وكل شئ

وكل شوي مضيفه جايه تلعب مع ولدي وتسال اذا انا محتاجه شئ او لا

يعني كنت جدا مرتاحه

مازعجني في الطياره الا بريطانيه كانت خلف مقعد ولدي كانت تشتم وتهاوش واحد مادري ليش بالضبط

بس الصراحه انها ضايقتني واخلاقها وطريقة كلامها كانت مره دنيئة

قلت الي هذي اولها اجل لو اوصل هناك وش بيصير !!!!

اقلعت الطياره والحمد لله كل شئ كان تمام

طفوا اللمبات

وخرت الحاجز الي كان بيني وبين ولدي ونام ولدي الحمد لله

بس الرحله على انها دايركت الا كانت متعبه جدا لي بحكم اني حامل

وظهري في اخر شئ قام يعورني

ومليت وكل شوي اسال المضيفين متى نوصل متى نوصل

بعد فتره شغلوا اللمبات

وقام ولدي وكان يصيح مره

كان متضايق من ملابسه لاني كنت ملبسته مره ثقيل والطياره حر

وتضايق برضه من المطبات الهوائية وصار يستفرغ وانتم بكرامه


واتعبني جدا كل شوي موديته للحمام اعزكم الله

جت لمي وحده سعوديه الله يجزاها الف خير

وطلبت مني انها تاخذ الولد عشان ارتاح شوي

على ان معها بنت لكنها حبت تساعدني , كانت جدا طيبه

طبعا شكرتها وشرحت لها ان ولدي مزعج جدا وراح يستغربك ويصيح

قالت لي انا بالخدمه متى مابغيتي

موقفها جدا اعجبني وكلما ذكرتها كنت ادعي لها

الله يجزاها خير

بالنسبه للصلاة ماعلنوا عنها

سالت المضيف

قال ايه ان صلاة الفجر جا وقتها وفيه مصلى

طبعا ماقدرت اخلي ولدي لحاله وزياده على كذا كنت احس بالتعب

فصليت في كرسيي

والله يقبل

بعد كذا نام ولدي ونمت انا اخير ا

لحد ماوصلنا المطار

لما وصلنا المطار جت لمي المضيفة وعطتني عربيتي وركبت ولدي ومشيت


طبعا من هنا وانا مادري وش السالفه


صرت الحق الناس

اشوف الناس يركضون بطريقه عجيبه

وصرت اركض واركض معهم

الصراحه اني ارهقت مره

كان فيه سيور تمشي وكنت ارتاح فيها شوي

في ذيك اللحظه حمدت ربي ان شنطتي على الظهر ولا كان علوم

المسافه كانت طوييييييييييله مره مره

وكنت اناظر المفارق

وكنت ادعي ربي كلما وصلنا مفرق يارب انه خلاص وصلنا

وكنت كلما وصلنا المفرق طلع في طريق ثاااااااااااااااااااااااني اطول من الي قبل

يالله بس

وانا امشي فتحت جوالي

ابتصل على زوجي

اكتشفت انه مايتصل وانصدمت وبغيت انجن

انا متاكده اني معممته

بس مادري ليش ماتصل

وللحين مادري وش السبب !!!!!!

لكن الحمد لله اتصل هو وقلت له اني امشي الحين

قالي حاولي تسرعين لان طيارتنا لادنبره قربت

وصرت اسرع واسرع اكثر واكثر

ولما اخيرا وصلت الجوازات ولا انصدم

وش اشوووووووووووووووووف

ناااااااااااااااااااااااااااااااااااس كثيرين بشكل موب طبيعي واقفين طوابير عند الجوزات

عشان كذا كانو يركضون عشان ياخذون دور

قلت ماراح اخلص الا بعد اسبوع على هالحاله وطيارتنا يخلف الله

لما رحت اوقف دوري وتجي شرطيه وتمسكني وتوجهني لسير فاااااااااااضي مافيه احد الا انا

ووصلت على طول للكاونتر حق الجوازات

طلع الحمد لله الي معه اطفال يمشونه بسرعه

بغيت لحظتها اسجد سجود الشكر بالمطار من الفرحه

وصلت عند الموظفه واخذت جوازي وجواز ولدي وقالت اكشفي كشفت وجهي وقالت اوكي خلاص

ومشتني وقالت روحي من هذا الطريق اذا لك عفش

قلت عفشي ترانزيت

قالت فيه مخرج هناك للي مامعهم عفش

شكرتها ومشيت

طبعا برضه كانت المسافه طويله

الي انصدمت منه وانا امشي

انه كان الطريق فيه درج ولا كان فيه ممر للعربيات

وبلشت وشلون انزل عربية ولدي

شافني واحد بريطاني

وقال ممكن اساعدك

قلت ساعدني بيدينك ورجلينك الله يجزاك خير

قام شال عربية ولدي ونزلها لاخر الدرج

وراح في طريقه ولا عطاني حتى فرصه اشكره

مشيت مع الناس الي يمشون لحد ماوصلت صاله كبييييييييييييييييييييييره حقت العفش

صرت ادور لحظتها على الناس الي معهم عفش وبيطلعون

وصرت امشي معهم لحد ماوصلت لم صاله كبيره وفيها ناس كثيرين ومعهم لوحات فيها اسامي الناس الواصلين

انا صرت ادور على زوجي لحد ماشفته وهو ياشر لي

لحظتها قمت اصيح من غير شعور كني بزر وشاف امه

قلت اخيرا وجه اعرفه

بس مافيه وقت لحتى السلام مع زوجي

اخذ زوجي شنطتي وعربية ولدي وقالي امشي ولا ترتاحين

طيارتنا تبي تقلع لادنيره

وصرنا نمشي انا وياه للمره المليون

ويالله مادراكم مالمشي هالمره

دبلوا المسافات الي قبل مشيتها في 10

اااااااااااه ياربي صبرك

لما وصلنا لم الخطوط حقتنا

قالوا طيارتكم توها تغلق بابها

ولازم تروحون تقصون تذاكر جديده في كاونتر ثاني

رحنا لكاونتر ثاني

وقالنا الحمد لله تذاكركم مرنه وماراح نضيف عليها قيمه جديده

قصوا لنا بوردنق جديد وجنب بعض على حسب طلبنا

وقلنا لهم وين البوابه حقتنا قالوا انه فيه لوحه بعد التفتيش توضح لكم بوابتكم قلنا طيب

قلت لزوجي خلنا نرتاح شوي

قال وش نرتاح امشي بس المسافه طويله

ونروح نمشي مره ثانيه

ونوصل لحد تفتيس يطالبنا اننا نحط المجوهرات والمسكرا واي سوائل في اكياس خاصه

وفتشوا الشناط الي معنا ومررونا في الاجهزه

حتى العربيه دخلوها في الجهاز

بعد كذا

تعدينا الجوازات ولقينا اللوحه وفيها رقم البوابه حقتنا

ورحنا عشان نركب الطياره وكانوا توهم فاتحين الباب

ودخلوا عربيتنا وحطوها في مكان خاص

طبعا ماخلوا معنا ولا شنطه حتى حقت البيبي اخذوها منا وحطوها في الدروج الي فوق الكراسي

طبعا كانت الطياره تابعه لــ BA بصراحه طيارات شينه مره

وسخه وصغيره مره

ولا فيها مكان تمشين فيها الا مساحه صغيره مرررره

والكراسي راصينها رررررررررص

نمنا في الطياره

وماقمنا الا احنا فوق بحر ادنبره

وكان فيه هواء شديد

كنا خايفين مره

المطبات الهوائيه كانت قويه مره

انا ماسكه يد زوجي بقووووه حسييت ان الطياره تبي تطيح

حتى كل الركاب كانو خايفين

وكان الهبوط مو متوازن

ستر الله وهبطنا بسلام

نزلنا المطار ناخذ عفشي

الي كان ترانزيت

كان كل العفش موجود الا شنطه وحده

اخذو معلومات الشنطه وارقامنا

والحمد لله ان المعلومات كنت كاتبتها انا برضه على الشنطه

قالو بنتصل عليكم ونجيبها لكم بالبيت

وفعلا ماصارت الساعه سته بالليل الا هم جايبينها لنا

وصلنا لبيتنا بالسلامه الحمد لله

ادنبره عجبتني

لكن جوها مزعج مره ومتقلب

هواء بارد ومطر دايم

ودايم لازم نحرص على الجاكيتات

بالنسبه للمجتمع الادنبراوي , مجتمع لطيف جدا طبعا لابد من بعض العنصريه

وبالنسبه للحجاب والغطاء

اغلب الي هنا الي تعرفت عليهم والحمد لله متغطين ويدرسون في معاهد مختلفه في ادنبره

ولا واجهوا مضايقات

طبعا لابد من النظرات لكن ابدا مايزعجونك

وانا رحت كذا مره للسوبر ماركت ورحت اسجل ولدي في الجي بي لوحدي

والحمد لله ماكان فيه مضايقات

لكن الواحد يخاف شوي من المراهقين وعادة يطلعون بعد وقت المدارس ويوم الجمعه والويك ايند والليل


اخر شئ

احب اقولكم على نصائح او اخطاء انا سويتها وان شاء الله تستفيدون منها :

1- اذا كنتي بتسافرين لحالك لا تاخذين معك ولا شنطه الا شنطة ظهر , يعني لا شنطه سحب ولا غيره

انا كنت باخذ شنطه سحب معي والحمد لله ستر الله اني ماخذت عقب الي شفته من مشي في مطار هيثرو .

2- حاولي قدر الامكان ماتسافرين الا على الخطوط السعوديه .

3- تاكدي من الخطوط قبلها بيوم ولا نفس اليوم اذا الطياره فاضيه ولا لا , لانها لو فاضيه بيتجاوزن عن عفش لك ويمشونك .

4- العبايات اهتمي فيها مره , اختاريها برواقه انا بصراحه ماكان عندي وقت ووقالت لي وحده بالمنتدى الي هي عاشقة كيد الله يجزاها خير عن محل عبايات في طيبه يفصل العبايات مع نقاباتها .
هي ماعليها لكن فيه اشياء ثانيه احسن شفتها على البنات في المطار , وفي ادنبره هنا , لازم تختارين قماش كويس مايتسوخ مع المطر , لازم تكون مسكره مضبوط موب بطقطق , واهم شئ لازم يكون فيها جيوب عشان تحطين فيها اغراضك . كل هذي فاتتني بس ان شاء الله المره ثانيه انتبه لها .

5- الشحن , لازم يكون تحت نظرك , انا كنت اختبر فوصيت اهل زوجي يشحنون لي , وفعلا ماقصروا لكنهم نسوا يحطون بعض الاغراض , فجتنا الاغراض ناقصه وللاسف .

6- اذا كنتي بتسافرين لحالك لازم تحرصين على مسالة التصريح من الزوج يسمح لك بالسفر ويكون مختوم من جهة الصراحه اني ماعرف التفاصيل بالضبط هنا , لكن الي اعرفه انهم وقوفونا بالمطار عشان السبب هذا .

7- احرصي تكون بينك وبين زوجك وسيلة اتصال لما توصلين للمطار , انا ستر الله معي انه قدر يتصل علي زوجي , مع اني كنت متاكده من تعميمي للجوال , لكن مادري وش صار بالضبط . عشان كذا انتبهي لهذي النقطه .

8- كثري من المضادات لك ولولدك , لان بعد ماتجين بتتعبين جدا ويتغير عليك الجو وولدك بيمرض بعد , والمضادات مهمه مره مره حتى لو ماكنتي تستخدمينها بالسعوديه لان هنا ممنوعه وجوهم يمرض على طول .

هذا الي في بالي الحين

اي شئ بتذكره ان شاء الله برجع لكم

ويمكن اتاخر بالرد

فاذا احد حاب يستفسر مني في موضوع معين ماعندي مانع على الخاص

اسفه على الاطاله , وقهر موضعي كان مليان ابتسامات بس مدري ليش المنتدى موب راضي يحطها وقمت شلتها .

تحياتي لكم كلكم


كل الود


لول 

[/QUOTE


انا في لندن

وحاضرة لا خدمة

اهلين اختي كاندا
انا اليوم رحت لبوتيس وفرفرت في المحل احولت عيوني
احصلة في بوتيس واي قسم صراحة حمستيني علية وانا ابشيل رجولي علمني:27:
اللة يجزاك خيررر يارب والمسلمين

لول
اولا الحمدلله على سلامتك

ثانيا ماشالله عليك جايه بدون زوجك

بسراحه الطياره ممله لحالك واذا صار معك بزر لازم يكون زوجك معك يساعدك عليه

بس والله قصتك شدتني وبتلت اقرا

الله يهون عليك يارب وييسر امرك