كيف حالكم بنات ان شاء الله طيبين
اليوم جايبه لكم مايكرويف مع الفرن من باناسونيك اشتريته قبل سنه تقريبا وانا في بريطانيا واول ماشريته جاتني ظروف ورجعت السعوديه وبعدين يوم رجعت لبريطانيامن فتره قصيره مره ثانيه ابتديت اسوي فيه معجنات وكيك واستخدمت الشوايه طبعا اول ما ابتديت ماصار لي وقت طويل كان مايضبط معاي جنني هو روعه بس انا اللي ماعرفت له بعدين شوي شوي صرت اعرف له وانا حابه في موضوعي هذا اللي عندها مثل هالمايكرويف او يشابه له نتساعد عشان نتعلم عليه صح لانه الطبخ فيه سهل وسريع وصحي بس اذا استخدمناه بالطريقه الصحيحه وكل وحده تكتب كيف طريقتها في استخدامه في الكيك او الفطائر او الصواني او اي شي تطبخه فيه وتذكر لنا ايش الازرار اللي تستخدمه عشان الكل يستفسد وانا بابتدي بالمسااعده
انا شفت مايكرويف منال العالم من زمان وقلت باشتريه بس لما دخلت موقع باناسونيك لقيت اجدد منه واخترت هذا
موديله
Panasonic - NN-CT880M - Microwave Oven
هو من داخل كبير ووسيع تقدري تدخلي فيه صينيتين طبعا الكتالوج اللي معاه في طبخات كثيييييييييييره تقدر تسويها فيه
اكثر شي عجبني الشوايه ارتحت معاها بس لسى ماشويت على ثقيل بس البطاطس والسمك والاشياء المثلجه المكتوب عليها grill
وجربت البيتزا طلعت روعه واستخدمت السينامون وراح انزل صور له وضبط معاي الكيك ولبسبوسه ساعه تضبط ساعات لا بس انا متاكده لها برنامج معين بس لسى ماعرفته
الكيك احطه على اختيار convection على درجة 190 لمدة 40 دقيقه في خلال الاربعين دقيقه افتحه بعد اول عشرين واقلبه مع الجهه الثانيه
والسينابون نفس الشي بس احطه بالرف اللي تحت ونفس الشي البسبوسه وكله صواني بايركس
وهذي صور من تجربتي
هذي شوي اصابع السمك لذيذه بدل القلي والزيوت واحطها على grill الدرجه الثانيه لمدة 8 دقايق
وهذا المايكرويف
وهذا السينامون
بصراحه مريح وروعه بس يبي لي اعرف بعد برامجه واكيد وقتها راح استغني عن فرن المطبخ
انا سمعت انه حتى ورق العنب نقدر نطبخه فيه وكمان شوي الدجاج واللحم والصواني المحمره بس ماني عارفه ايش الازرار اللي استخدمها في طبخ ورق العنب مثلا ياليت كل وحده تكتب تجربتها واسم الازرار اللي تستخدمها
واخير انا ماني ندمانه اني اشتريته بالعكس احسه بيفيدني كثير فا ياليت نتعاون مع بعض عشان نقدر نعرف نستخدمه بالطريقه الصحيه والسهله وشكرا لكم
