الحمد لله
اشكرك اختي النوري ونفع الله بك انا متابعه معاك في الدوره و وطبقت الدرس الاول والجزء الثاني اما الدرس الثاني فطبقته عملي بتقولي كيف
اكتشفت ان الاخرين يحاولوا يستغلوا طيبتي وكنت انا اساعدهم على ذا الشئ فاليوم قررت اني اذا احد طلب مني شئ وانا غير مقتنعه فيه اقول لهم لا لكن باسلوب لبق فوجدت الاستغراب منهم اني ارفض مايملونه علي
فشكرا لكي اختي النوري كم كنت اتمنى احد يعطيني الدافع كي اقول الشي اللي انا مقتنعه فيه وما اجامل احد
على حساااااااب نفسي وشكرا لكي

اسعد الله صباحكم وجعله يوم سعيدا ملي بتفاؤل والامل

طبقت الدرس وكان صعود الدرج صعبا لكن عند النهايه شعرت براحه وسعاده

استاذتي الفاضله فعلا انا غير متقبله لذاتي لاني اراها ذات ضعيفه و هشه وانا اريد ذاتا قوبه صامده

ربما اصيبت ذاتي بلاعاقه كما اصيب جسدي

لكن اعاقتة ذاتي علاجها بيدي وسوف ابذل جهدا كي اعلاجها كي تكون قويه كما اريد

دعواتك لي

تم حضور الدرس
وب صراحة الدرس كان
مؤثر خلاني افكر في حياتي
من جد وخصوصا فرشة السعادة لأني
كنت ابني سعادتي على أشياء مؤقتة او
أشياء اذا ماتحققت ف رح اكون تعيسة

مشكورة كثير أختي النوري ربي يسعدك ويوفقك

مرحبا ياغاليه اممممممممممممممممم انا زعلانه شوي عليك ياقمر ..
تدرين ليه ...طبعا لا ........
لاني رديت عليك كثيييير وما ذكرتيني ولا مرة ادري انا كثيير مرة بس كلمه ولو جبر خاطر
على العموم اقدر مشاغلك والله يعينك على ذي الدورة وكتابتها
*
*
*
الدرس الثاني مـــــــــــــــــــــرة روعه وخصوصا الفرشه الرابعه مــــــــــــــــــــــــرة عجبتني وحفظتها لانها كلام سليم
ولانها تشجع لـ تقبل الذات انا ماطبقتها على لاني بحب ذاتي كثيير مو بس اتقبلها >>واثقه << لا بجد عندي ثقه بالنفس
كويسه مرة وما يهمني اراء الناس حولي فيني والحمد لله كل اللي في الفرشه ما ينطبق على بس طبقتها على ناس اعرفهم مو متقبلين نفسهم
واكثر شئ دلني انو لما احد ما يتقبلهم يزعلوووو كثير ... وعجبتني القفله بتاعتها ..
.
.
إذا تقبلت حياتك بكل ما فيها،
فلن تهدر أي جزء منها. إن قبولك لذاتك هو كل شيء.
حينما تقبل ذاتك، يمكنك قبول العالم كله..
.
.
كمان الفرشه الخامسه فيها كلمه المفروض تكون حكمه
(("ولكن إذا كان من الضروري أن تعرف رأي الناس فيك،
فيجدر بك أن تعرف أن آراءهم هذه تتصل بشعورهم تجاه أنفسهم أكثر من شعورهم تجاهك"))

**
طبقت وقريت بتركيز مو مرة 3مرات بعد الشحن النزول والصعوود
وكسبت شحنات موجبه وروح عاليه ونفسيه مرتاحه وثقه اكثر واكثر
**
ربي يسعدك حتى لو ما رديتي على ياقمر
وشكرا الف شكر على الفرح اللي تعطينه لنا
هذا اللي احسه بعد كل درس شكرا.. شكرا..

صباح كله الوان كله تفائل كله ثقة كله انجاز ...

آسفة تأخرت في التطبيق بس سبحان الله انا دخلت الدورة لان عندي وقت فااااضي ومن دخلت الدورة صار وقتي ضيق واتصال النت معدوم ...

التحديد الفعلي للاهداف ..
الجانب الروحي : اعطي نفسي 60% اتمنى اواضب على السنن وقراءة القرآن وقيام الليل فقط هذا اللي اجاهد نفسي فيه الباقي الحمدلله ..
الجانب العقلي : 80% اما في الدراسه ابدا لاحد يقرب ويقيمني ما احبها بس الباقي تماااااام ..
الجانب النفسي: 90% عندي نظرة تفائلية للحياة بنسبه كبيرة حتى اقتنع ان اللي ماوصلت له اليوم يجي يوم اوصل له هذه قناعتي من صغري وسبحان الله يمكن تطول المدة بس اوصل والحمدلله والباقي من النسبة تشائم لانها تتقفل بوجهي احيانا ..
الجانب الجسدي:40% وزن زايد وكسل وتغذية لك عليها كلاااام ..
الجانب الاسري : 80% علاقتي ببيتي حلوة وهلي برضو حلوة وقوية بس مشكلتي اذا حاولت ادق على بابا واخوي الكبير يجيني خفقااان موطبيعي فصرت ما ادق الا نااادر اخوي اتواصل معه كتابيا عادي بس صوتيا لا مع اني بعد ما اكلمهم احس براحه مو طبيعية وانه عادي بس ما ادري من ايش هذا الخوف .. والباقين من اعمام واخوال مستحيل اكلم احد جرحني ابدا يمكن ادعي لهم يمكن اتصدق عنهم بس اكلمهم لا ..
الجانب الاجتماعي .. 30% ما احب الاجتماعات ابدا نادرا ما اروح اجتماعات كبيرة الا اذا في دافع نفسي قوي .. مثلا في صالات الانتظار في اي مكان ما اتكلم مع احد حتى لو قامو يتكلمو كلهم الا اذا احد سألتني بجاوب وبسكت حتى وجيهم ما باطالعها زين .. بس لو كانت بس وحده ممكن ابادر وممكن اسكت حتى تتكلم هي وبعدها خلاص بسولف معها بس لو كثر العدد بعدها خلاص بالزم الصمت من جديد ... في الكلية كنت اروح سيدة على قسمي من دون اطالع وجيه البنات واحس انهم كلهم يطالعوني ولا اتعرف على احد حتى لدرجة وحدة بعد ما صارت صديقتي قالت كنت احسبك مغرورة ... ومواقف كثييييييييييييير ..
الجانب المهني :0% اولا ما افكر لو جتني لاني مو اجتماعية ولا احب حد يلزمني بوقت لاكن عندي مشروع بعييييييييييد ويكون لي باقدر اتواصل مع الناس تدريجيا فيه ..
الجانب المالي : 85% انا اذا مسكت مصروف البيت اكون دقيقة حتى البنزين لازم له جزء والغاز والحلاق والطلعات والزنقات وزوجي ما يعجبه طبعا لانه يحرمه احيانا من بعض امخططات اللي ماشية 200 يختارها بوقت غلط .. بس مصروفي الخاص احاول اجمع منه على جنب واذا صار مبلغ حلو شريت فيه ذهب طقم او خاتم او اسواره حسب عشان اذا احتجتها للمشروع البعيييييييد تكون موجوده .. طبعا على نفسي بخيلة بس غيري باعطيه بدون تردد صرت اغير من هذا الاسلوب واحاول اعطي نفسي حقها ولو طلبني احد يكون حسب الحاجة ..

الحين الجوانب اللي يبي لها بالنسبة لي هي الروحي والجسدي والاجتماعي
بابدأ بالجسدي والاجتماعي بيجي وراه لو صرت واثقة من نفسي وشكلي باحاول على الاقل اطلع من العزله شوي ..