(بسم الله الرحمن الرحيم)
السلام عليكم ورحمة الله وبركاتة
كيفكم حبايبي ان شاء الله طيبين ومرتاحين
موضوعي هذا كنت بنزلة من قبل الاجازة ماتبدا بس مشاغل الحياة ربي يعينا على طاعته وعبادة
تبغين ريحة مفارشك تدوم ولمدة اسبوع وتبقى ريحة سجادات الضيوف ولمدة شهر وهي بالصندوق وريحتها باقية
ومميزة وراح ضيوفك يسالونك عن هالريحة استعملي هالخلطة
طبعا اولا راح اقولكم عن مكونات (عطر المفارش )
تتكون من عطور زيتية وهذا السر في الريحة اللي تدوووووم وتبقى
مع اضافة ماء الورد او ماء الكادي او ماء الورد الطائفي
اختياري انتي شو تحبين
انا احب ماء الورد فااستخدمته هو
والعطور الزيتيه هذي طبعا بعد انتي وش تحبين وش تفضلين من الروائح
عشان تسوين (عطر مفرشك) حسب الريحة اللي تحبينها
العطور الزيتيه تلاقونها اكيد بمحلات كثيرة
وهي من شركتين هي المتصدرة بها الخلطات بانافع والسرتي
راح احط لكم انواع المسك: وانتي اختاري اللي يعجبك
مسك ابيض جامد/مسك متسلق ابيض/ مسك ا صفر
مسك ملكي/ فروتي مسك/ مسك الاصالة /بودي مسك
روح المسك الملكي
انواع الورد:
الملكي ورد سباررتا بيور / ورد اسطنبولي/ورد هولندي
ورد فاخر /ورد محمدي /ورد الماني
ورد صندل /ورد وقمر/ورد غزال / السلطان
اضافة الى العطور الفرنسية المركزة بعد
انا هنا ماحطيت لكم اسماء للعطور الفرنسية بس انتي اذا رحتي لهم اختاري اللي يناسبك
وترا العطور الفرنسية بعد عندهم زيتيه ومركزة
ها الانواع عند بانافع للعطور وبعضها عند السرتي
وهذا موقع بانافع للعطور
xxx
السرتي ماحصلت لهم موقع
اللحين نجي تشوفون الخلطة اللي انا سويتها
ورد صندل وريحته روعه مرة /مسك ابيض/وعطر الورد
طبعا العطور الزيتيه اللي استخدمتها شوي لاني انا مسويه بس غرشتين وعشان اوضح الطريقة لكم فقط
بس امي وخالاتي والحريم اللي عندنا يسون كمية كبيرة مرة وحدة
ولهم اواني خاصة للخلطات هذي
ماء ورد
اكيد مستغربين وش سالفة هالجيك
هذا اللي راح اسوي به الخلطة
هذا ريف دور( كحول )يساعد على بقاء ريحة العطر
اذا ماتبي تستخدميه عادي
اللحين راح ابدا فرغت غرشتين من ماء الوردبالجيك
وعبيت البياله نص من ورد صندل/والمسك الابيض ترا هوثقيل مرة زي الشيرة
وهنا حطيت بيالة من الريف دور
وهنا بياله من عطر الورد ورجيت الخليط
عشان يمتزج مع بعض
وهنا عبيت الغرش من الخلطة بعد ماجهزت
وهذي الغرش جتني هدايا
من امي والثانية من خالتو
وبها المناسبه احب ابارك لكم بالشهر الفضيل
وعشان تستفيدون من غرش التوت والفينتو
وهذي من تجاربي الخاصة
عندي عود شريته من فترة من العربية للعود واحس ريحته عادية
فااضفت له من هالعطور الزيتيه وصارت ريحته روعه
وزي مانتم شايفين مغرقته من العطر الزيتي المركز وكل ماشفته بدا يتشربه ازيد منه عشان الريحة تكون مركزة اكثر
انتظرو ياحلوين لاتردون لان المزيد في انتظاركم