ميس الريم
الف مبروك المولودة
السحاب الماطر وام طلال ولين
ما تشوفون شر
الغنادير
ابعدي الحليب عن لولو شهرين
علشان ما تصير لها البعد عن الحليب ائم
وبعدين رجعيه في نظامها يمكن تحبه مرة ثانية
واستعيظي الان بمنتجات الحليب الثانية او الاكلات اللي فيها حليب مثل الكريم كرمل والمحلبية
بس ما قلتي اي نوع حليب كنتي تستخدمين
لان يمكن طعمه غير مستساغ
جربي الحليب الطبيعي طعمه يمكن احلى واخف
جلنار شحالج
بك استجير .. ودي بنتك لدكتور انف واذن يمكن عندها لحمية او حساسية
ومثل ما قالت جلنار عطيها عسل مذوب باي دافي
واشياء دافية
والعسل فيه شفاء
وسلامي لكل امهات الديوان الحلوين
اما اخباري وعلاوي فالحمدلله بخير
علاوي يومياته في التخريب تبتدي بعد الفطور
عادة فطوره بيض وحليب
يعني بعد 8
اذا وجد اكواب قدامه ..فمصير الاكواب معروف ..انها تنكسر
واذ وجد الماء قدامه اولا عمل نفسه انه بيشرب
يشرب شوي ويكب الباقي
واذا وجد موبيلي حذفه بقوه
واذا وجد مسجل او اي شي حذفه
ثم اذا لم يجد شيئا ذهب الى سوكتات الكهرباء ليسكرهم
او الى كمبيوتري
او الى الاضاءة الارضية ليغلقها
والعابه نادرا ما يلعب بهم
واحاول اعلمه على القيصرية ..ولكن المحاولات باءت بالفشل
غندوره
مشكورة يالغاليه لولاك هالديوان مالقيناه ,,,, لاتضيقين خلقك مع لولو وتصرين عليها بالحليب دوري اي بديل له زي ماقالت الغاليه جلنار وعندي سوسو من كملت سنه ماعاااد شربت الحليب باي شكل من الاشكال نهائيا وقبلها اختي نفس الحاله والحمد لله ماضرهم بس جعل والدينا بالجنه فلب الام
وبالنسبه لي هالسخونه قامت تمشي علينا اول سوسو وانا والخميس ارتفعت حرارة جوود الى39 ونصف ووديتها المستوصف وصار معها احتقان بالحلق والى امس وهي مرتفعة حرارتها واليوم احسن بس احس اليوم ان صدرها مليان بلعم ولا تقدر تنام من الكحة كمل علينا اليوم فصولي من رجع من المدرسه وهو منهد حيله ومرتفعة حرارته وكله نوم
قلبت روسكم بالبربرة والتشكي بس عااارفة اكم خواااتي وماتشرهون على وحدة من اللي فيها قامت تهذري خخخخخ
باقي البنات وينكم الديوان وامهاته مشتاقين لكم