يسعد ربي صباحكم

شخباركم وشمسوين مع كتاكيتكم الله يحفظهم ويجعلهم بارين بكم يارب

أم طلال و لين

هلا وغلا بأم طلووول شخبارج وشلوون عيالج عسى ربي يحفظهم ،،، عسى ماشر ليش الملل
الله يبعد عنك كل سو حبيبتي

~دااانه~

يا هلا ومرحبا بج شلوونج وشخبارعيالج الله يحفظهم طمنينا عن حالك وحشتينا ،، الله يشغلج بطاعته ويبعد عنك كل سو حبيبتي
إلا أميرة المنتدى شخبارها وين مختفيه ؟؟؟؟


لا تطولوون علينا ترا لكم وحشه

غندورة
جررررررررررربت بس الله يعين استشرت دكتور وقال لازم يحاول يصومة بالمستشفى يشوف قدرة التحمل عندة لانو شكل السكر ينزل عندة


ام طلال ولين
الله يبعد عنك الملل <<<<< حد يشوف هالوجيهه ويمل خخخخخخخخخخخخخخخخ متأمله خير

دااااانة
وحشتينا كثيرررررررررررررررررررررررررررر يالله ارجعي للديوان ولا تقطعين
طمنينا على الحلوين

مساء الخير بنات

شخباركم وشخبار الكتاكيت

انا الحمدالله بخير بس كتكوتي اليوم وديتها تطعيم ابو سنه >>>>تو الناس :09: شسوي بس كله مريضه هل بنت واخذو نسبه الهموجلوبين بالدم شافوه نازل :( ولازم اعطيها حديد بعد قلبي

الغنادير
هلا حبيبتي انتي بعد وحشاني اوي بس شسوي دووووووووام مدرسة وانتي تعرفي سلك التدريس متعب شوي وغير جذي بنوتي شيطونه يعني ما اقدر ادخل وايد . اما عن الرجيم:22: فحالي من حالج لا جديد تحت الشمس ههههههههههه والله مساعدني بعد ان زوجي مدبدب بعد وانا مآخذه راحتي :30:
دانه
دندوش اخبارك يا عسل ... تنتظريني اجي علشان تطلين علينا :22: .. شخبارك وشخبااااااار عيالك ان شاء الله كل شي تمام...لا تطولين علينا حبيبتي
ايمي
هلا حبيبتي .... شسوي يختي عجزت وانا ابتكر لاعت جبدها بنتي من اكلي ومع ذلك الخبيرات ما جاوبونا :09: .. شخبار ولدك؟؟؟ مشى ولا للحين؟؟ وشخبارك مع الدوام
ام طلال ولين
سلامة قلبك من الملل ... يالله نبي حيويه ونشاط مثل قبل وحشتنا مغامراتك الحلوه مع عيالك الله يحفظكم

وياريت الأمهاااااااااااااات الخبيرات يفيدونا عن شنو ممكن نقدم للطفل فطور ولا عشاء
انا شريت لبنتي سيريلاك امس قلت يمكن تآكل على الفطور بس بعد ما تبي ملت منه
سلامي للجميع:26:

صبحكم الله بالخير والسرور

شخباركم وشلون كتاكيتكم عسى ربي يحفظهم

imay

هلا حبيبتي وشلوونج وطمنيني على بدوووري عسى ربي يحفظه ،،، لا تحاتين مافيه شر إن شاء الله كل اليهال جذيه


rose_bah

هلا وغلا شخبارج وشلوون ايه وشخبار التطعيمه ،، ليش مجدمتها وااايد جان أخرتيها بعد شوي خخخخ:22:
سكتي الدوام مع لعيال تعب وطلعة عين الله يكون بعووونا
حبيبتي بخصوص الرجيم انا احاول قدر ماقدر وزوجي بعد بعافيه بس مهما أن كان الزوج يحب يجوف زوجته رشيقه ومرتبه ماعليج من شلخهم لا أحبج في كل الاحوال تعدلي وضعفي وجوفي الفرق
يلا بلا كسل :30:
وبنت نوعي لها عشان ماتمل
سوي لها شوربة خضرا مع شوفان + عيش ابيض وحطي معاه خضروات مقطعه صغار + سبانخ وجبن + سوي لها النودلز بدون البهارات اللي معاه ضيفي عليه خضرا أو جبن + اومليت مع جبن + طبخي لها قطع صغيره دجاج أو لحم مع الخضرا والعيش يعني نوعي حتى في الخضار كل مره حطي نوعين عشان ماتمل + المعكروفه طبخيها وعقب حطي لها معاها ذرة وجبن
سوي لها محلبيه + شوفان مع تمر وزبيب
اخذي لها روب المراعي اللي بالفواكه أو دانوا في اشكال وانواع حق العصاري او الضحى بين الغدا والفطور
الفطور سوي لها توست وجبن أو لبنه جوفي اذا تحب الفول السوداني أو الجام يعني نوعي
خخخخخخخخخ حسبي كم مره كتبت نوعي خخخخخخ

أم طلال ولين

هلا ومرحبا بج شخبارج وشلوون عيالج الله يحفظهم

اهلين خواتي

وشخباااركم واخباار العياااال

ماشاء الله الجو اليوم مطر وخير يالله لك الحمد بس بردددددددد مااادري وش اخرته هالبرد حااااابنا حيل هالسنه

اما عن اخبارنا فحبيبتي جووود لازالت تعباااانه وصدرها منكتم ضعيفة واعطيتها بخااار ولازال صوته يخوفني ولاتعرف تطلع هالبلغم اللي مضايقها واذا ناااامت صرت على اعصااابي وجنبي لازم شئ للطواااري انتم خاااابرين هالكحة وش يتبعها الله يااارب يشافيها ويمن عليها بعافيته وكل الصغيرين واما انا فااردى منها ويكمل علينا هالدوااام كل ماقلت بديت اتحسن انتكست من هالصيياااح مع هالبنات الله يصلحهن وبااادين معهن بالمرااااجعه وانووووااااع الازعااااج والفوضى >>>الله يروح هالايام على خير ويوفق عيالي وكل اللي يدرسون ويعين اهاليهم والله ايام الاختباااارات ازمه للاهالي وللطلاب بعد


يابناااات كني قريت من وحدة منكم ان عيالنا الصغاااار بدت اجااازتهم>>>حاااابه اعرف وين فيه اجزو بالضبط لان عيالي الى الان مدااااومين وسوسو اللي بالصف الاول متكرميييييييينعليهم المدرسه وبيسلونهم الشهااادات الاثنين القااادم يعني باااقي ثلالث ايام على اجااازتها واما فصولي ماهووووب معطل الا اذا بدت اختبااارات اخوانه