كوبونات الراقية تسجيل الدخول

جلنار30
جلنار30 •
WeeLaaH
ام رنا
السحاب الماطر
Pasta
FANDA
الله يتقبل منا ومنكم صالح الاعمال......
شخباااااركم وشلووووون عيالكم مع القرقيعان
سويت قرقيعان حق حصوصة ولبستها بخنق ومو راضية تحطه على راسها
وطلعت تهبل وكل ما غنينا لها ترقص وتصفق فديت قلبها ......
واحلى شئ في القرقيعان الجمعة والتواصل مع الاهل .....
جلنار30
جلنار30 •
Pasta Pasta :
جلنار ... الحمد لله على السلامه حبيبتي ..وعمره مقبوله ان شاء الله شخبارج مع الرجيم ... انا زاد وزني بعد مانزل ذيج الايام حسره عليه انيقه ... مارحت ريست لين الحين ...هالاسبوع شكلي بدوام في المجمعات :42: وصج افتكيتي من ملابس عيالج .. انا ولدي مايلبس الثوب الا في العيد او يوم الجمعه لما يروح مع ابوه الصلاه بسسسسسسسس بس ناويه احلل الثياب الي فصلهم ابوه هالمره ... 4 ثياب بخليه يلبسهم على الاقل لما نروح بيت هلي واهله ... ويلاه .. خساره ماطلعت لي صوره ولدج .. ان شاء الله احط صور فهودي ...بس خلني انزل الصور على الجهاز واعدلهم
جلنار ... الحمد لله على السلامه حبيبتي ..وعمره مقبوله ان شاء الله شخبارج مع الرجيم ... انا...
ياهلا وغلا
والله يسلمج من الشر
بالنسبة للوزن شكلي زدت كيلو او كيلوين
الصراحة مع الصيام ماتقدرين تلتزمين برجيم معين
والله يعينا بعد رمضان ونزل اوزانا الزايدة .....
جلنار30
جلنار30 •
الغنادير + ام طلال ولين
ما يشوفون شر عيالكم........
السحاب الماطر
السحاب الماطر •
مساء الخيرات خواتي

وشخباركم واخبار عيالكم

ام طلال ولين

سلامة بنتك طمنينا عنها الحين >>> شفتي كان ياماكان في قديم الزمان في الرياض قرقيعان
وشخبار طلولي والمدرسة

دانه

اهلين حبيبتي تسأل عنك العافية وسارة وجود يسلمون على عرسانهم ههههههههه

واما سارة ماشي حالها في المدرسه وتحب تحل واجباتها بس ماتبي تحفظ شئ دوريها عند الكتابه والرسم والشخبطة مافيه اشطر منها
واما جود مشت وصارت موذيه الله يصلحها وتقلب لنا سفرة الفطور قلب لانا نجهزها قبل الاذان بكم دقيقة ويوم صرت انومها قبل الاذان عشان نتهنا بفطورنا صارت تصحى بعد المغرب وانا حاطين الفطور الثاني على قولة عيالي وتعفسنا يعني ماكوفكه منها خخخخخخ وصارت تطاق اخوانها على شنطهم واذا نسوها مفتوحة تعالي شوفيها منفوشه نفش واي شئ في يدها ترميها في شنطهم مره خيارم ومرة خبزة ومرة الرضاعة
ادوشتكم باخباري بس امون عليكم اخوات غاليات

جلنار

وشلونك بعد العمرة ووشلون العيال كلهم ومتى عرسكم انشاء الله >>> ناويه احفل بالعرس

والله انك ضربت عالوتر الحساس ويا الرجيم في رمضان خربناها وخاصة ان وراي دوام ووقفه واخاف اخفف وادوخ عالبنات وانشاء الله نعوضها بعد الصيام

باستا

تسلمين ياعمري والله يحفظهم ويرزقكم برهم

الغنادير

سلامة لولو وماتشوف شر واحسبي حسابك ان جبر بتجيه العدوى ذكرتيني يوم يجي عيالي الكبار كان ولدي الكبير في الصف الاول وكلها شهر ودارت عالبيت كله وعمري فصولي توه ثمان شهور ,,,وهالحين شايله هم الثنتين الصغار اللي مالحقو على سنة العنقز خخخخخخ

باقي البنات وشلونكم وحدة وحدة وشلون صغاركم
Pasta
Pasta •
جلنار30 جلنار30 :
الغنادير + ام طلال ولين ما يشوفون شر عيالكم........
الغنادير + ام طلال ولين ما يشوفون شر عيالكم........
دانه حبيبتي فهودي لين الحين مايمشي مع ان اخوانه مشوا قبل مايكملون السنه

يوقف ويتسند بكل شي ...بس مامشى لحد الان ....


خواتي ........ اليوم متضايقه جدا .. اختي الحامل المفروض ولادتها اليوم
توفى البيبي اللي في بطنها ...باقي لها كم يوم وتخلص التاسع ..
بكره بيعطونها طلق صناعي ... ادعولها ان الله يهون عليها ..نفسيتها تعبانه
ومتضايقه ...وماتعرف السبب بالضبط

دعواتكم خواتي ...والله يفرجها عليها ويخفف عنها ويعوضها خير