وين البنات ... معقوله الكل مشغوول في العيد
الا انا شكلي فاضيه :)

السلام عليكم ..

وشلونكم بنات وكل عام وانتم بخير وصحه وسلامه...

وشلونكم وشلون عيدكم؟؟

انا عندي بنت اسمها لين ..وولد اسمه علي ...

ممكن تقبلوني والا جايه متأخره..؟؟ههههه

اهلين امهات

وشخباركم والعيد واخبار الصغيرين انشاء الله مبسوطين

بالنسبه لي اول يوم العيد نروح نعايد اهل زوجي الصبح وبعدها الوالد واخواتي ...ثم نرجع ناخذلنا غطه وورانا العيد الكبير في الليل للعايله كلها

وامس ماصحينا الابعد الظهر من الدوخة يوم العيد ,,,, وطلعنا بعد المغرب نتمشى ونشوف فعاليات العيد ورحنا شارع التحليه وشفنا عروض السيلرات الاثريه وبعدين رحنا عند كلية الامير سلطان الحربيه وشفنا الالعاب الناريه والظاهر ان اهل الرياض كلها هناك من الزحمة والحمد لله انبسطو العيال

وانتم وشخباركم ووين رحتو يالله ننتظر اخبار العيد كل وحدة في ديرتها


ام لين

هلا والله وسهلا فيك والله وليش مانقبلك وش دعوى ...الديوان للجميع

من وين انتي اختي وش اخباركم والعيد

السحاب الماطر الظاهر إنا وإياكم في نفس المكان أمس
رحنا لممر الزهور وتفرجنا على الألعاب النارية الله يكفي شرها
تصدقين الألعاب النارية اللي عند القرية الشعبية
طاح منها على حديقة الدوح وشبت حريقه وصار حوسة
الحمد لله على سلامة اللي كانو موجودين
عاد أنا قريبة من مستشفى الجافل وجنبنا الألعاب واسأل الشغالة سمعتوا شئ قالت إنها سمعت الألعاب ثم المطافي وخافوا لأنها قريبة
ياربيه تخيلي قطعة قلبي معهم في البيت باسل وطيف بسم الله عليهم
مع إني كلمتها كم مرة في الليل بس ماقالت لي شئ

هلا والله خلوقة والحمد لله ان الله ستر

اجل شفتي الزحمات والمرور اللي مسكر هالشوارع مدري وش ملقفنا ومودينا لهناك مع ان عندنا شئ اقرب بس البعيد له طعم غير خخخخخخخخخ


اختي ماقد رحتي للفعاليات النسائيه في العيد ؟؟؟؟ لاني ودي اشوف احد ثقه راح لها وينصحني اروح لها والا فيها خرابيط ومنكرات ونقعد في بيوتنا ابرك لنا !!