هالوووووووووو حبوبات

اخباري : الحمد لله عال العال و مازال عندي بريك لين اخر الاسبوع و ما رح اعطيكم التفاصيل علشان ما اشجعكم على الفساد ههههههه انتو خليكم حلوين و ملتزمين اوكييييييييه.

روزا : وحشتك العافيه يا قلبي..... اذا انتي ماخذه اوف لانو الوزن ثابت و الجسم تعود على النزول فلا يهمك خلي يزيد الوزن كيلو و الا اثنين عادي لانك رح تردين تنزلين اكثر منهم يوم ترجعين لنظامك القديم.
و الف سلامه على اللاب توب ما يشوف شر بس الظاهر يحب يتدلع شويه و لا تعورين راسك.

همسات الرياض : اصعب منطقه تنزل هي الارداف و الفخوذ و محتاجه الكثير من الجهد و الرياضه انا انصحك بكلاسات الستيبس او الايروبكس صحيح انتي كم وزنك اذا اقل من التسعين ممكن تسوين LPG انا ما جربته بس صديقتي من الجيم جربته و تقولي التغير كبيييييير في رجلها و فعلا انا شفتها تعرفين المنطقه اللي ورا الركبه كيف يكون الشحم نازل يخفي الخط الفاصل بين الفخذ و بطه الرجل الحين ما شاء الله و لا رجل عارضه بس هي اصلا تسوي رياضه كثييييييييييير و تعيش على كلاسات الايروبكس. و اذا سمعت عن اي شي ثاني رح اقولك عنه.

متحمسه : ايوه ايوه هذا اللعب اللي هوه :32: هههههه خلي اللي يغار يغار و اللي يبا يطق يطق ههههه بس انتي تكونين سعيده و فرحانه بانجازك شوفي انا من الحين احذرك رح تسمعين كلام المغرضين لانو كلما ترتب جسمك اكثر و صار شكلك احلى اللي حواليكي رح يطلعوا عليكي كلام ما انزل الله به من سلطان بس انتي خليكي واثقه مادام انك ماشيه صح و متوكله على الله ما رح يصيبك شر و اقري على روحك.
انا ما انصحك تشترين ماركات اشتري ملابس كيوت بس ابعدي عن الماركات لانو قياساتك رح تظل تتغير فحرام تنرمي بعد فتره بسيطه تعرفين انا بعد بالبدايه اول ما نزلت بويهي على M & H و Guss و اشتريت عدة اطقم كانوا روعه عليه اما الحين ابين مبهدله فيهم لانهم كبار عليه و انا ما لبستهم اكثر من ثلاث اربع مرات يعني جداد حتى ما اقدر اسلفهم لاحد لاني ما اعرف احد بهل القياس.
حبوبه بالعكس مقاس 10 رح يكون احلى على اللي عظمه كبير انتي ما عليكي انزلي الحين و انتي بنفسك رح تدورين على مقاس 10.
انتي فعلا اسم على مسمى عجبني ردك لبنت الكبيسي بس اتوقع انو في ناس ( مثلي ) نفسيتهم تتعب بسرعه يوم ما يقدرون يتحركون بحريه.
تعرفين اول ليش كانت نفسيتك متعكره اول يوم تسوين ريجيم لانك كنتي متاكد انك ما رح تلتزمين و تنحفين مع انك كنتي تبذلين جهد في الريجيم اما الحين ما شاء الله عليكي الظاهر انتي متاكده ميه بالميه انك رح تنزلين فنفسيتك تمام و الله ييسر امورك يا رب و انا فعلا اريد اتابعك علشان اتاكد انك ماشيه صح و اشوفك تنزلين .....
لا حبوبه وش فايدتها انتي رشيقه و حلوه و ابو الشباب:f226:متختخ لاء لازم الحين تتفننيين باكلات الريجيم و تخلين الكل ياكل مثلك تعرفين حنا هذا الشي ما نلاحظه في ناس نحاف بس صحتهم تكون تعبانه فيوم يكبر بالعمر يطلع عندو سكر و ضغط و كوليسترول تنصدمين طيب هذا الشخص نحيف بس النحافه ما هي صحه لازم نهتم اكثر باللي ناكله لانو البطن هو اساس الداء.
يلا هانت جاي الدوام بس بعدها ما تجين تقولين يا رب متى الاجازه خل افتك من الدوام خخخخخ.

بنت الكبيسي : يا قلبي يا روحي يا عيني خفي على روحك ليش هل الكابه كلها بس تعرفين الصراحه انا بعد صارت ليه كابه غير طبيعيه بعد العمليه و استمرت معايه اسبوع و بعدها يوم شفت وزني تعدل المزاج و صرت 10 على 10
ما دام انو الالام و الغازات قاعده تخف خلاص رح يتعدل مزاجك قريب و بشرينا لا شريتي الميزان.

مناهل : وصلت ال85 من 140 بس الحين انا ما اوزن لاني ماخذه بريك و ان شاء الله بس ازبط النظام الجديد رح اوزن و ابشركم ان شاء الله. انتي كم وزنك صار لانو نزولك بطئ على اي حال النزول احسم من الصعود. و مبروك الكيلو ....... تعالي قوليلي كيف شكل جسمك الحين.

وله : اولا انتي خمنتي انا من وين بس للاسف غلط :44: بس ما راح اقولك اريدك انتي تخمني :22: هههههه و سعيده اني قدرت اساعدك في موضوع الدايت و ال 63 موب بعيده عليكي انتي ما شاء الله شعله من العزيمه و تستاهلين كل خير و باذن الله يجي اليوم اللي تدخلين و تقوليلنا يا بنات اليوم رحت المول و شريت بدله مقاس 10 و كانت شويه واسعه.


قلب المرمر: هههههههههههه ههههههههه طااااااااار ردك هذي انا شايله شبكه اذا شفته صوبي رح امسكلك اياه خخخخخخخ.
استهدي بالله يا ستي و صلي على النبي انتي على نظام سوائل صح شو السوائل اللي تشربيها و هل في حركه يوميه او رياضه تسويها راجعي هل الامور اذا شوفتي حالك مقصره زيدي و شيدي همتك هل اليومين و باذن الله يتسارع نزولك و يفرح الدكتور بوزنك يا رب.
الستين ما هو بعيد عنك بس الاراده يا حلوه اهم شي اكيييييييد في عراقيل ( حلوه هل الكلمه ) في دربك بس اتوقع انك قدها غير هذا فيه ميزان عند المستشفى يبين نسبه العضلات و الفات بالجسم اذا الدكتور يستخدم هل الميزان شيكي يمكن نازله من الفات و زايده عضل هذا اذا كنت تسوين رياضه.

زعلانه من الدنيا : الصراحه انا قرات قصتك بتمعن و اتوقع انو ام عتريسه كفت و وفت لانو راي من رايها غير هذا اشوف انك من البدايه كنتي قويه حتى في اتخاذ القرار الخطا و هذا اللي فعلا عجبني فيكي و اتوقع مشوار الرشاقه رح يكون سهل عليكي لانو انسانه بهل العزم و التحدي لا يمكن يهزمها الوزن.
تعرفين الله يعينك و يعين زوجك على هل الوضع و يعين جميع الازواج اللي يسافرون و يتركون بيوتهم بالايام و الزوجات اللي يقعدون يؤدون دور الاب و الام لحد ما يرجع طويل العمر. سبحان الله .... الله جعل الزواج راحه و سكينه بس مقدر على البعض انو ما يحس بيها و الله يعين الكل على الاعباء الماديه الصعبه اللي تجبر البعض انو يتهجر علشان لقمة العيش .... دخلنا في موضوع ثاني هههه.....
ما اقول غير الله ييسر لك امورك و يصلح بالك و يسخر لك زوجك و يسعدك دنيا و اخره و يجي اليوم اللي تكونين راضيه فيه تمام الرضى عن وزنك.

همسات الرياض: حبوبه اسمحيلي ما قادره ادخل بانتظام بس الظاهر عدت مشاركتك بدون ما اشوفها و لا يهمك المشي مهم جدا بس ما ينفع بدون كنترول على الاكل.
انتي كم صار وزنك الحين من التوقيع اتوقع انو 80 تعرفين الثمانينات صعبه جدا و السبعينات رح تكون اصعب انتي محتاجه رياضه ثقيييييييييييييله موب بس مشي علشان تقدرين تنزلين الباقي.
و انا من راي متحمسه.

زعفران و عود : ما شاء الله نزولك صحيح بطئ بس اتوقع بالشكل يبين اكثر و ان شاء الله توصلين للوزن المثالي بصحه و عافيه و بدون ترهل.
حبوبه ما يجوز تاكلين و تشربين بنفس الوقت هذي الطريقه تسبب لك توسع في المرئ و كل الدكاتره ينصحون انك ياما تشربين قبل نص ساعه او بعد نص ساعه من الاكل.

يلا بنات اشوفكم

تشاااااااااااااااااااااااو

عسولة
والله لاأذل كل وحدة اتكلمت على سمنتي , واخليها تطير عيونها:eek: , وماراح أعناقشهم بنحفي ولا أعطيهم وجه إذا تكلموا بهالموضوع , عشان الملاقيف يموتون بغيظهم لأنه حتى النحاف يحبون ياخذون تفاصيل الدايت اللي تسوين , ولما تقولينه لهم يبدون يبون أراءهم كأنك مشاورتهم
تصدقين مرة سويت ريجيم دشتي , وكل المدرسات قالوا لي نحفانة , وش الريجيم اللي تسوينه , ولأني كنت هبله , وعلى نياتي , قعدت أفصل بكل دقة ريجيمي واني آكل بروتينات , وأغمس التقت المقلي في المايونيز , ومع ذلك أنحف , وأول ما أخلص كلامي تجي وحدة عبقرية من الزميلات وتهز لي رأسها بكل غباء وتقول .....لا لا المايونيز ما ينحف , يـــــــا............. ماتشوفينن قدامك ناحفة , لكن ما أدري تشكيكي بكلامي , ولا لازم تصير هي أبو العريف اللي تتكلم عن كل شي
لكن هالمرة لوقالوا لي واو ناحفة , أبناظرهم باستغراب واقول صحيح؟؟!! وكأني ما أدري عن نفسي ( وانا بقلبي طاية من الوناسة ) واذا قالوا وش نظامك , أبقول : تصدقون ما تغير شي بأكلي يمكن مققلة الكمية شوي , خلاص طلع لي قلب من الناس ( لاتقولين عني شريرة , بس والله منكوية من اللي حولي )

عسووله حياتي دايما تسالين عن الاعضاء ما تقصرين انا الي مقصرة سامحوني
واخبار الوزن لا محيب طيبه الوزن ثابت انتظر الستشهر تكمل وابتدي اي رجيم خاصه للمرضعات انظميت مع جماعة المرضعات عقبال ام عتريسه
تحياتي

ههههههه تموتني طريقه طرحك اضحك الله سنك دنيا و اخره
لا يا قلبي فضفضي على راحتك بس تاكدي انو هذا اول السيل و انا اكثر شي يغيضني يجيكي وحده و تتفلسف من هني و هناك و انتي عارفه انو كلامها غلط بس يالله لازم نجامل شويه الدنيا ما هي بحرب انتي زين تسوين بس بعد فتره يوم يبني عليكي فعلا منزله وزنك شو بتقولين ما تقدرين تقولين انا ما لاحظت على اي حال ما شاء الله عليكي ذيييييييييبه ما ينخاف عليكي..... انا لحد الحين ما اتجرا اقول لاحد اني مسويه ربط لاني اعرف اللي حواليه رح يقعدون يكسرون فيه و يقللون من قيمه انجازي الاحسن اسكت و اقول رياضه و ريجيم خاصتا الكل يعرف عني رياضيه فمحد مستغرب نزول وزني لهل الدرجه بس اشوف نظرات الاعجاب و الغيره حواليه و هذا لا بد منه.
انتي تستاهلين كل خير و اشوفك بالستينات يا عسل.

لا حبوبه الصراحه انا مقصره كثييييييييير في الرابطه موب قادره ادخل مثل الاول بس زين نسمع اخبارك و عادي يا قلبي انتي لسه يبالك وقت لين تتعدل الهرمونات و اللذي منه و تطلع كل السوائل المحتبسه ........ و انتي تسوين زين دام انو في بالك تردين للريجيم و بقدرة الله و قوته رح تنزلين كل الوزن الزايد عندك و شويه فوقهم و ترتبين جسمك بالطريقه اللي في خاطرك انتي لا تياسي و باذن الله تنالين اللي في بالك
بوسيلي الكتكوت و لا تقطعينا.