اوووووووه سوري من الحماسه نسيت اسالك كيف صرتي و شلون العمليه
و اهم شي شون الكتاكيت الله يحفظهم الله على ايامك يا بنت السوريه و الله لك وحشه بس ذيك الوحشه الثلاثينيه هي اللي قاطعه بالمره ذكرتيني خلي ابعثلها عل الخاص

حاسه باحباط

رغم ان اكلي قل كثييير بس وزني ثبت ما ينزل

اليوم رحت مانجو شفت بدله لبستها بس حسيت نفسي متيييينه

سبحان الله شلون كنت عايشه قبل

الحين وانا في الثمانين وحاسه اني دبه ومكتأبه عيل اول شلون كان شكلي

بنت السوريه

حمد لله على السلامه

ام عاتريسه

شلون الحمل

بنت الكبيسي

شلون اكلك الحين ؟

يا حياتي ليش الاحباط
همممم تعرفين ما رح اقولك ليش لاني عارفه ليش هههههههه
على اي حال تحملي شوي و رح يروح الاحباط لحال سبيله و خلال هذي الفتره شويه حاولي ترفهي عن نفسك باي طريقه طلعه لمكان جديد او اشتري طقم جديد موب شرط مانجو روحي دبنهامز عندهم عدة ماركات حلوه حبيبتي بقولك سررر انا مافي شي لبسته الا حسيت نفسي متييييييييييييينه بس يوم البسها قدام احد يعجبون بشكلي الظاهر من كثر ما شفنا انفسنا دباديييب و قلنا عن نفسنا متان فعلا صرنا نشوف انفسنا متان حتى بعد ما نضعف.
انتي لازم تبدئين رياضه جاده على الاغلب لازم تكون ايروبكس و الا سباحه علشان ينشد جسمك و تتعدل قياساتك

السلام عليكم يااغلبية مدبسه وقلة منحرفة رابطه ..

خلاص ايامنا جايه جايه يامدبسين .. بالطول بالعرض هنجيب المربطين الارض .. خلاص مسألة وقت عشان تبقى دي رابطتنا ده حتى احنا ممكن نغير اليافطه الي متعلقه ونخليها بدال رابطه المتحزمات دابسه المتدبسات .. هنمحي كلمه ربط من القاموس ..


متفرحيش اوي يامتحمسه ان احنا كمتدبسات بعضنا مسليف وبعضنا مادون ذلك .. مهو دي هي الميزه .. اختلافنا هو الي هيخلينا قوه .. شفتي اليهود كده اهم جايين من كل حدب وصوب وبقوا دولة على بعضها واحتلوا الارض بتاعت الغلابه الفلسطينين الي كانوا كلهم حته وحده من الاصل .. يعني كل ماعملياتنا احنا المتدبسين اختلفت وتنوعت ده هيخلينا نشبك في بعضنا اكتر ونستولي على رابطتكم اسرع .. يامسهل ..


هقولكم الاخبار على بعضها لاني بكتب من الذاكره في بالي كلام كتير لناس كتير بس اعذروني لو نسيت حاجه او لو خرجت عن النص ..
قبل اي شيء الحنونه .. شفت مشاركتك امبارح بس للاسف بعد ماكنت فصلت النت فملحقتش ارد عليكي .. عارفه اني قلقتك على موضوع التدبيس والسليف بصي هقولك وجهة نظري في الموضوع ده .. بصراحه انا لو يقولوا لي على عملية السليف معملهاش ابدا لا هي ولا عملية التحوير الاثنين في رايي خطرين جدا .. بس خلينا نكون واقعيين هو السمنه الي احنا كنا فيها مش خطيره؟ تعرفي ان كان ممكن لاقدر الله التنفس يتوقف فجأه واحنا نايمين ونروح في شربة ميه .. والضغط والسكر و و و وو و مليون حاجه وحاجه كان ممكن تؤدي للوفاه في غمضة عين لولا ان ربنا اكرمنا وهدانا اننا نعمل العملية وننفذ بجلدنا ..

التدبيس كمان خطير جدا وله عيوب ومساويء كتير .. حتى الربط الي الكل بيمدح فيه ويقول تقدري تشيليه في اي وقت من احد اكبر عيوبه انه ممكن يكون خلايا سرطانيه لاقدر الله مكان الرابط .. يعني كل العمليات خطيره وعشان كده هم اشترطوا انها تكون لمن تعدى وزن معين الي بتتساوى بعده مخاطر السمنه مع مخاطر العملية ..

مفيهاش حاجه ابدا لما ابقى عارفه ابعاد عمليتي وعارفه ممكن لاقدر الله يحصل معايا ايه عشان بس الواحد يبقى مستعد نفسيا على الاقل .. يعني انا مش بقول الكلام ده عشان اخوفكم لكن عشان تبقوا في الصورة .. احنا خذنا قرار مش سهل والحياه مش ورديه يعني زي مافي مميزات اكيد في عيوب بس المهم ان المميزات تكون اكبر وده يفرق معانا ..

وعلى كل حال احنا ممكن نبقى ماشيين في الشارع لابينا ولا علينا ولاقدر الله تيجي عربية مسرعه تعمل لنا بلاوي يبقى معنى كده نعيش حياتنا مرعوبين ؟ اكيد لأ ..

انتي عملتي العملية خلاص ودي خطوة ممتازه احرصي بقى انك تستفيدي منها بحيث ان المخاطره الي خاطرتيها متروحش على الارض وفي الاول والآخر اكيد انك مصلية استخاره وبالتالي يبقى مستحيل هيحصل لك شيء وحش ..

والمثل بيقول ايه .. احييني النهرده وموتني بكرا .. يعني نعيش لنا يومين نحاف واجسامنا حلوة والي يحصل بعدها يحصل احسن مانبقى كتل دهون وشحوم لا عارفين نلبس ولا نروح ولا نيجي .. بذمتك احنا ايام الطخن كنا عايشين؟ صحيح انتي لسه في بدايه العملية لكن اؤكد لك انك بعد كام شهرباذن الله هتتشهدي وتقولي لا اله الا الله انا ازاي كنت محتمله كل ده انا خلاص انولدت من جديد .. هتشوفي الحياه الي بجد لما وزنك ينزل وساعتها مش هتندمي غير على الايام الي قضيتيها قبل ماتتسيلفي وتيجي تصفي معانا على الرف ..





زووف .. كنت متأكده ان عمليتك سليف مش تدبيس .. لسببين اولا عشان كلام الدكتور لك بانها مرحلة اولى من التحوير وده ينطبق على السليف مش التدبيس الي احنا عاملينه وثانيا لاني لاحظت ان التدبيس مش مشهور اوي في الخليج او غالبا محدش بيعمله بعكس الوضع في مصر هو العملية المعتمده هنا .. ده غير اني لاحظت ان السليف لها ترويج كبير اوي عندكم وكأنها طلعت موضه .. وبالمناسبة اسمي ام عريسه مش عتريس .. متستأصليش الهاء قلت لك عندنا في مصر مش بنعتمد مبدأ الاستاصال بنسيب كل حاجه مكانها يمكن تنفع بعدين نفصلها طاقية ولا فرده شراب . .


بالنسبة لموضوع فك التدبيس ...

هو مجرد تخيل الوضع يخوف لكن الواقع مش مرعب اوي كده .. الفكره ان الدبابيس بتضغط جزئي المعده مع بعض زي الخياطه في فستان .. بتضم جزئي القماش مع بعض .. الفرق ان جدار المعده نسيج حي .. الي بيحصل ان لما الدبابيس تفضل ضاغطه الجدارين جنب بعض مع الوقت هتبدأ الانسجه بتاعتهم تلتحم مع بعضها وبالتالي هيلتصقوا .. بعد سنتين تقريبا من العملية هيكون خلاص المكان التحم مع بعضه تماما يعني حتى لو فكت الدبابيس مش هيفك .. بالظبط زي الجرح لما يخيطوه .. بيلتحم مع بعضه ويبقى تمام بعد اسبوعين تلاته بالكتير .. بس في المعده ليه بنقول سنتين لان انتي عارفه لما يكون في جرح مفتوح وتمت خياطته فاي شد في المنطقه الي فيها الجرح هتفتح من اضعف مكان فيها يعني من مكان الجرح وبناء عليه الدبابيس فايدتها انها هتفضل ماسكه المكان ده تحمي الجرح انه ينفتح لغايه مايلحم كويس اوي ويبقى ميفتحش ولا بالطبل البلدي ( مصطلح عندنا لو مش فاهمينه زعلانه من الدنيا تفهمكم ) ..

اذا دلوقت الدبابيس ماسكه معدتك كويس .. لو اكلتي كتير اوي ومليتيها هيحصل ضغط على الدبابيس والجرح .. لو رجعتي كتير وبقوه هيحصل لنفس الضغط وبكده تعرضي الدبابيس انها تفك .. اذا مطلوب منك في الفترة دي تحاولي متملئيش معدتك اوي عشان تقللي تمددها .. تحاولي مترجعيش عشان متتعبيهاش في انقباضات ممكن تضر استقرار الدبابيس .. مع الوقت ولما تمر اول سنه هتبقي تقريبا في السليم بعد سنتين خلاص انسي معدتك بقت حديد وحتى لو الدبابيس وقعت بعدها مفيش مشكله ..


قلب المرمر ..
اقولك ياستي آلية الربط ماشيه ازاي .. انتي معدتك دلوقت جزئين جزء صغير فوق وجزء كبير تحت .. شفتي فكرة الساعه الرملية الي بتطلع في افلام الكرتون.. نفس الحكايه جزئين وبينهم ممر صغير يسمح بانتقال الطعام من الناس الي فوق للناس الي تحت .. الجزء الي فوق طول ماهو مليان هتحسي بالشبع ومش هيكون عندك رغبه في الاكل .. وحتى لو اكلتي وانتي مش حاسه بالجوع هيفيض الجزء ده بمحتوياته وهيطردها يعني هتستفرغي وانتي بكرامه .. مش هتقدري تاكلي تاني غير لما يفضى الجزء الصغير يعني تنتقل محتوياته عبر الممر الي بينه وبين الجزء الكبير .. يبقى بديهيا كل مالممر ده كان واسع كل ماالاكل هيفضى بسرعه من الصغير للكبير وبالتالي تبقي مستعده لمزيد من الاكل .. االي بيحصل لما تروحي تضيقي عند الدكتور انه بيحقن لك سائل يضغط على الممر بين الجزئين كل ماكمية السائل المحقونه زادت كل مالممر ضاق اكتر يعني كل مالفترة الازمه لانتقال الطعام من الجزء الصغير للجزء الكبير طالت يعني اكلك الاجمالي خلال اليوم هيقل لان الجزء الصغير هيبقى مليان فترة اطول ..

طبعا التدبيس والتحوير والسليف مفيهمش الكلام ده الممر الحاجز بين الجزئين حجمه ثابت مبيتغيرش ..


============ عند هذه المرحلة قاطعتني عتريسه وقمت اشوفها عاوزه ايه وبعد عده ساعات رجعت اكمل الي كنت بقوله لكن للاسف نسيت خالص الي كان في بالي .. =========

بنت السورية ..

الف حمد لله على السلامه ومبارك عليك البطن الجديد عقبال اعمال التشطيبات والمعمار ما توصل الدور الفوقاني كمان ..



زعلانه من الدنيا ..
لاه خذي راحتك وقولي كل الي في بالك مهو انا حاليا باخذ مثبت يعني معاكي لآخر الشهر باذن الله احنا في السليم كل الي نفسك فيه قوليه ومتخافيش من الانقباضات والانبساطات ..
بالنسبة لعملية شد البطن فعلا لما سألت هنا من فترة قالوا لي نفس المبلغ اربع آلاف .. مستشفى الامريكان عرفاها طبعا مفيش حد ميعرفهاش بس على فكره في مستشفيات انظف بكتير الامريكان مشهورة لكن قديمه ومتوقعش ان مستواها هيكون زي مستشفى الدلتا مثلا .. الاهم من المستشفى هتعمليها عند مين من الدكاتره؟ وليه الدكتور ده بالذات ؟ والست الي شفتيها عملاها في الجامعه ونجحت مين الدكتور الي عملهالها ؟ وبما اننا فتحنا في الدكاتره هل ممكن اسألك من خبرتك او خبرة حد تعرفيه مين افضل طبيبة نساء وولاده في طنطا ..

وبالمناسبة الدكتور كان قالي قبل العملية بتاعت التدبيس اني لو عملت شد بطن يبقى بعد عملية التدبيس باربع سنين على اساس يكون الوزن الزائد نزل كله وتطلع العملية مظبوطه اكتر فمش عارفه اعتقد لو تصبري على عمليتك شويه لو حتى تعمليها بعد التدبيس بسنه يكون افضل بدال ماتعمليها دلوقت وترجعي بعد سنتين تلاقي في جلد زائد عاوز قص وخياطه .. طبعا ده يقتضي ان تكون عملية الفتاق هي كمان قابلة للتأجيل لكن لو متتأجلش مش عارفه بقى الخيار لك . .

وصحيح في حاجه اهم قرأت انك لازم تعملي شد البطن بعد ماتكوني خلاص اكتفيتي من الابناء يعني مش ناويه تحملي تاني ابدا لانك لو حملتي هتبوظ العملية وكانك معملتيش حاجه .. دي كل معلوماتي عن شد البطن وياريت بقى حد تاني يكون اسمه بنت السورية مثلا يفيدنا بمعلومات اكتر ..




أم يحيى ..
فاكره اني من حوالي عشر سنين كنت عاوزه اقولك اني نصحتك تاكلي حاجات بس لاني كنت فاكره انك في مرحلة لااكل مش السوائل كنتي بتقولي انك بتاكلي فراخ على مااذكر وبناء عليه نصحتك باكلات تصلح لمن تجاوز مرحله المهروس كمان .. على كل حال بما انك في مرحلة السوائل .. مش عارفه اذا كنتي لسه فيها ولالأه .. تجاهلي الكلام الي قلته لك ولما تدخلي مرحلة الاكل يعني بعد العملية بشهر ابقي نفذيه حرفيا وباذن الله هتستفيدي .. وبالمناسبة نصيحه لازم زوجك يعرف انك عامله العملية لانه هيعرف هيعرف فلما تيجي منك احسن مايعرف بنفسه وساعتها مش هيسامحك ابدا انك خبيتي عليه شيء زي كده وهيفقد فيك الثقة .. استخيري بعدين قولي له واعتقد هيكون لصالحك انك تقولي ..


كان في بالي كلام اكتر انا فاكره بس للاسف مش فاكره كلام ايه ولمين بالظبط .. الله يهديها عتريسه طيرت البرجين الي فاضلين وكان جواهم شنطه فيها الكلام كله .. على كل حال ان شاء الله التقي معاكم في نشره قادمه على ماكون افتكرت حاجه من المية حاقه الي طاروا ..