بنت الكبيسي

عااادي جدا ان وزنك يثبت انا صارتلي

وراح تنزلين كيلو في الشهر

كمان عادي جدا

الي زيدتيه في سنين تبين تنزليه في يومين ما يصير

تبين تنزلين بسرعه العبي رياضه

بنت الكبيسي
تتخيلين ترى مجرد تخيل إنك ما استفدتي من العملية , وجاني مثلك هالاحساس بعض الوقت ,لكن لما أقعد مع نفسي وأفكر , أوأتذكر وضعي قبل وإني أطول ريجيم أقدر أتحمله ما يتجاوز 7 ساعات وبعدين أبدا أرتجف وأتجه تلقائيا نحو المطبخ , وأقعد آكل وآكل بشكل جنوني وأخرب الدنيا , كل هذا الحين انتهى , وقل الجوع بشكل فظيع وما بقى إلا الشهية المفتوحة وهذي نتيجة اعطائنا نفسنا هواها لسنين وسنين , يعني مستحيل تتغير بين يوم وليلة , اللي أبغى اوصله لك إننا قبل العملية لا يمكن ننقلل أكلنا , والحين مهما عاتبتي نفسك ان أكلك كثير , ترى هو قليل جدا لو قارنتيه بأكلك قبل العملية ولا لا ؟؟ ! !
غذا اجواب نعم فالعملية لها تأثير , كل هذا وانتي بالبداية وما ضوقتي ولا مرة

صباح الخير
شلونكم بنات جميعا دون استثناء الله يعطيكم العايه وينزل وزنكم وانتم بصحه وعافيه

اختي متحمسه
شريط الوزن عندك في غلط روحي الموقع وغير الخيار المكتوب فيه تشينج ويت الى ويت بس
عشان يطلع شريطك عدل
انا راح ابتدي الرجيم المرضعات يوم السبت باذن الله

بنت الكبيسي

تخيلي أحد يطقك بوكس على عينك نص ساعة كاملة ؟.. تخيلتي ؟

أوكي ممتاز ..

معدتك بعد العملية مثل اللي طاقينها بوكس وهذا سبب الألم بعد العملية مباشرة بس أكيد خف الألم واااايد الحين .. انزين تتخيلين غير الألم شنو ممكن يكون ؟ أكيد راح تكون متورمة وعلى قولة وحدة قالتها هني بالرابطة ما أذكر منو ( المعدة مفروك خشتها بالقاع ) علشان جذي ماكو دكتور صاحي ويخاف الله يضوق للمريض أثناء العملية لأن وجود الحزام بالبداية كافي .. ولهذا السبب يحرص الدكتور إن نوعية الأكل تبتدي من سائل شفاف - سائل ثقيل - مهروس - أكل ناعم - أكل عادي .. وهذا يكون بمدة لا تقل عن شهر لأن أثناءها يكون التورم يخف تدريجياً إلى أن يختفي .. انزين إذا اختفى شنو راح يصير ؟

راح تكون المعدة متحزمة بالحزام اللي محطوط حط وهني يأتي دور التضويق لكي يستلم دفة الحكم لأن بدونه ولا كأن في شي صار ولا يمكن تحسين بالشبع ولا شي .

انزين ليش كل هالكلام ؟

يمكن إنتي ماشاء الله تبارك الرحمن راح الألم وراح التورم بعد .. يعني رجعنا لحجم المعدة الأصلي والحزام موجود لكن الفتحة بين الجزء العلوي والسفلي واااااايد كبيرة لأن مافي أي تضويق .

ليش كل هالكلام ؟

لأن أحسج استعيلتي بالأكل يعني ما تدرجتي مثل ماهو مطلوب ويمكن هالشي من باب الفضول يعني تقعدين تسألين نفسك إذا كليت هالشي ياترى راح يعدي وإلا لا ؟ .. وترى هذي مغامرة أو مجازفة بمعنى أصح لأنها تسبب اللوعة من بعض المأكولات أو الاستفراغ والأخيرة كارثة لأن ممكن يتحرك الحزام مع كثرة الترجيع خلال أول شهرين .

انزين والعمل ؟

ترجعين للصراط المستقيم لغاية ما يحين موعد التضويق الأول مو علشان شي علشان كل هالتعب مايروح عالفاضي واللي راح راح خلاص مانبي نقول أنا كليت ذيك المرة معناته أقدر آكل خلاص .. ومجرد معلومة ترى ساعات حتى لو عقب أشهر ( مثلي أنا صار لي 3 شهور ونص ) مو كل الأكلات تمر مرور الكرام ساعات حتى السمك الخفيف يوقف وما يعدي يعني مختصر مفيد مو كل مرة تسلم الجرة .

تصدقين أحس لما تبتدين تسوين الصح الكآبة راح تروح لأن الشعور بالذنب قاتل .. بنت الكبيسي عزيزتي إنتي سويتي هالعملية علشان تضعفين تبين الذرية الصالحة إن شاء الله بيعطيج بس لازم تتعبين شوية مو لازم اسعى يا عبدي وأنا أسعى معاك ؟ إنتي بذلي الأسباب ورب العالمين يصرف الأمور بحسبته .

آسفة على الطوالة وإن شاء الله ما تزعلين من أختج .. تحياتي للجميع

ليلو الحبوبة
شكرا حبيبتي , بس معليش ممكن توضحين إيش الخطأ اللي في الشريط عشان أعدله مع خالص شكري