معذوره يامتحمسه تصدقي وانا جالسه بكتب دلوقت الدنيا هدوء وفجأه لقيت ودني بتعمل

دوم دوم دوم .. مصر .. دوم .. دوم . . دوم .. مصر

من الصبح عل الحال ده يادوب سكتوا دلوقت شويه بس من وقت لآخر في فلول بتمر من تحت البيت وبتهتف .. دوم دوم دوم ..

حتى الندل راس الفتنه من اول البطوله وهو متابع المباريات قال ايه عشان يشمت فيهم لما يخسروا .. والندل اكلمه يقولي كان ماتش رهيب يعني الخاين كان بيتفرج بمتعه ومزاج .. بس ماشي حسابه معايا لما يرجع ..

قمررررررررررر نجد
يااابنت الاجوواااااااااااااااد
شخباااااااااااااااارك
متحمسه
ام عتريسه
غريبه سهرانين للحين ؟؟؟؟؟؟
وش عندكم

عندي زكام :)

هههههههههههه متحمسه جبتي الؤم منين ياقطه؟؟؟ انا سمعاكي بمزح اوووووووعي تزعلي

ام عتريسه يااااااااااابختك بالدوم دوم دوم انا حسيت بزلزال والبيت اترج ورجه كمان هااطير بس مش لتحت لااااااااا لفوق
اصلي ساكنه بالثامن.......


مبرووووووووك مبروووك يابلدي

تعالوا بقي ارد عليكم سريعااااااااااا

عسوله حبيبتي هلا بيكي وفيكي اسمك بينور الصفحه لما بيظهر ومشكوره حبيبتي علي ردك واهتمامك بالتفاصيل.......ومعاكي حق طبعا قلب النظام والحياه عكس ماخلقنا عليه الله يجعلنا نمرض وننسي ونسمن وكل حاجه وجوزي الله يهديه برضه (انا مسالمه خالص اهه)بيقولي انه النظام ده بيقصر العمر.تلاقيه ولا بيقصر ولا حاجه وهو اللي بيدعي علي في سره هههههه

معقوله يكون النسيان برضه صفه مشتركه بين المتحزمات والمتدبسات معقول؟؟ لو كده فعلا يبقي العمليه بوظتنا صلحت حته وبوظت الباقي في ايه تاني مخبينه علي؟؟؟؟؟؟؟؟؟؟؟؟؟؟

بخصوص الذهب خلاص انا توكلت علي الله وهااستني يوصل نفس السعر اللي اشتريته بيه وابيعه وعلي فكره الفلوس كانت في البنك بس انتي عارفه الفوايد حرااااااام فقلت ادخرها في الدهب احسن يلا الامر لله من قبل ومن بعد والحمد لله ولا ارانا الله مكروها في عزيز لدينا وشده وتزوووووووول ههههههههه بواسي روحي

مشكوره حبيبتي علي ردك وفعلا بتسعديني باهتمامك الله يعينك وتجررررري علي السبعينات واحنا كلنا وراكي

توته البنوته
تشرفي الخاص والعام واي مكان يكون فيه اسمك ياقمر

وله القلوب
الحمد لله علي كل حال يارب انتي تكوني بخير ماتغيبيش عنا كتير كده

امووووووونه
طبعا ذوقتي الفرحه علي اصولها وانتي في مصر علي فكره عمري ماهاغير اسمي ابداااا عارفه ليه....لان الاسم ده هو الصفعه اللي بتفكرني دايما باللي حصل علشان لو نسيت للحظه ممكن جدااا تلاقيني جاريه علي السوبر ماركتوجايبه كيس حلويات وشيبس اكبر من اللي كان معاكي .....شوفتي بقي..........

متحمسه المتحمسه هههه حلوه...........انا مستعده امضي حضور وانصراف كل يوم بس بشرط ........تديني حوافز وعلاوه والعلاوه تكون.........اوعي حد يسمع........واحددبل تشيز برجرررررررر.......اممممممم اوكي؟ ده سر

اخباري........
خرجت من الحمام علشان الماتش لاني كنت مرابطه فيه من يومين كان عندي ولاده.......ايييييييه الحمد لله

امبارح كان عندنا ضيوف وعزمناهم علي الغدا بالصدفه يعني بون ترتيب لاني مانعه العزايم لفتره دي نهائيا انا مش ناقصه.....المهم اقترح جوزي نتغدي اسماك...نقطه ضعفي..
جهزت الغدا والارز والسلطات .....وجوزي اتصل باخوه وقاله يتغدي معانا قلت ماشي مافي مشكل ابداااا....الا واخوه يقولي وهو ينظر لي كاني مريضه لاسمح الله ايه ده انتي خسيتي اوووووي ووشك واكتافك وانا من جوايا فرحاااااااااانه الا وسد نفسي وقالي بس اعرضيتي من تحت اخسسس الله يسد نفسك........وجاااااءت اللحظه الحرجه لحظه الغذاء وكان هو والضيوف منتظرين بترقب يشوفوني هااكل ايه وقريبتي قاعده تقولي كلي مابتاكليش ليه اقولها باكل اصلي لسه فاطره من شويه وانا والله ما ذوقت شئ من قبلها بيوم حتي ماي..
وفضلت تقول كلي وانا اخذت ربع الملعقه ارز وارفع الملعه علي فمي واضعها في الطبق واقلب الرز واخد فيها نفس اللي كان فيها واضعها عند فمي واضعها في الطبق تاني لغايه ماجاتني الفرصه اخذت ابني الصغير علشان ااكله وبقيت ااكله واوهمهم اني باكي والله كل اللي دخل بطني ربع ملعقه رز وكانت روحي بتطلع واقول يارب عديها علي خير وااتفضحش وبرضه ماقدرتش.....سيبت الاكل وقلتلهم ثواني ودخلت الحمام رجعت الرز ومعاه كالعاده بلغم بشع امتي ينتهي البلغم ده مش عارفه الحمد لله........بس اللي حرق دمي اني سمعت اخو جوزي بيساله بيقوله هي لسه مابتاكلش برضه قاله لا قاله خالص قاله عايشه علي اللبن....زعلت جدااااااا انه معرف اهله بالعمليه ومعاناتي بعده وحالتي اللي مايعلم بيها غير ربنا الحمد لله.

علي فكره ياام عتريسه في واحده صاحبتي عملت شد بطن من اسبوعين انا لسه عارفه امبارحعملته ببنج نصفي وبتقولي الخياطه تجميليه ومش باينه وهي بقت تمام والحمد لله.هي قالتلي علي الدكتور وهو استاذ في جامعه طنطا بس انا مش فاكره اسمه هي عملتها عنده في مستشفي خاص بالقاهره.......وخرجت في نفس اليوم ماشاء الله
يلا عقبالنا
اسيبكم بقي ويمكن احتمال ارجعلكم تاني
باااااااااي

ملوكة قطر..

الله يكرمك يارب انتي الاغلى .. انتي وكتير بنات في الرابطه مش برد على مشاركاتهم كتير زي قريميزه وهمسات الرياض وغلا العيون ووله القلوب وتوته وو و وو و كتير بيكتبوا بس مش معنى اني مذكرتش اسمائهم في الرد انهم مش كده .. كلكم ابنائي يااولاد مبحبش حد اكتر من حد الهم الا الولد الكبير وهكتب له كل ثروتي باسمه ..

آمنه مطمئنة ..
على حد علمي بتختلف سعه الحزام القصوى من نوع للتاني وبيحدد النوع الي هتركبيه مقدار الزياده في الوزن عندك يعني مثلا الي محتاجه تنزل عشرين كيلو مش زي الي محتاجه تنزل ستين الاولى بتاخذ لها حزام سعته القصوى اكيد اصغر من الثانيه بكتير لان كل مازادت السعه كل مازاد السعر فمفيش مبرر اني اجيب حزام يقبل تضييق كبير اوي وانا كل الي محتاجاه شويه كيلوات ( لاحظي عندنا نحن المتدبسات وحده القياس العشره كيلو يعني عشره عشرين كيلو عندنا زي كيلو ولا اثنين عند غيرنا )

المهم الدكتور هو الي هيحدد لك سعه الحزام هتبقى قد ايه وكمان هو الي هيحدد لك كل مرة تضيقي قد ايه بمعنى تستغلي قد ايه من سعه الحزام ده ..

امينه ..

على فكره متقلقيش انا انخطبت وعمري 27 ومتزوجه 28 وكنت دائما اقول لنفسي لما ابقى اوصل التلاتين هبقى ابدأ اقلق وخلي بالك من كلمه أبدأ دي .. واحلى حاجه كنت عايشه حياتي بالطول والعرض والورب كمان .. عيشي حياتك ومتحطيش في بالك بس ماشاء الله عليك تفكيرك عجبني وباذن الله طالما حاطه لك هدف هتوصلي له ..

وعلى فكره انا حبيت دكتورك اوي ماشاء الله عليه باله طويل وبيفهم والكلام الي قاله مقنع جدا ان شاء الله يفيد بقية البنات في الرابطه ..

زعلانه من الدنيا ..

شفتي ياحلوة انا بقى في الدور العاشر يعني الدوم عندنا دوم على اصولها ..

تعرفي ان رأس الفتنه عندي معرف اهله بالعملية طبعا بعد ماقلت له يقولهم مهو كان هيقول هيقول فقلت خليها تيجي بجميلة ودائما لما يسألوه عني بسمعه بيقولهم مبتاكلش خالص .. سبحان الله بفرح جدا من الكلمه دي معرفش ليه . مع اني باكل الاخضر واليابس لكن بحس لما بيقولها اني غلبانه وصغنونه وبيتحايلوا علي عشان آكل لقمه وانا ياعيني .. مليش نفس ..

بالعكس عادي انهم يبقوا عارفين وعادي جدا انك تبقي عايشه على اللبن ولا حتى على الميه انتي مجرد ماتخسي كل تعصباتهم دي هتتحول اعجاب حتى لو اظهروا لك العكس ..

بعدين انتي اخو جوزك بيقولك اعرضيتي من تحت انا سلفتي قالت لي مرة من شهرين تلاته وكنت نزلت حوالي ثلاثين كيلو وجات سيره العملية قدامها فقالت آه صحيح هي جابت نتيجه ولا لأه ؟ يعني انتي شايفه انها جابت؟ بتسألني كأنها مش واخده بالها مسكينه كانها مش ملاحظه خالص .. قلت لها يعني ..

بعدين تعالي هنا فين اسم الدكتور؟ اتصلي بقريبتك بكرا على طول وهاتي لي اسمه .. هو صحيح انا مش ناويه اعمل العملية دي في الكام سنه الجايين بس مين عارف يمكن انهف في مخي كمان عشر سنين وافكر اعملها .. ولا استبعد ذلك .. على كل انتي بس هاتي لي اسم الدكتور وربما نحتاجه فيما بعد ..

بالمناسبة بنات محدش شاف نعناعه؟