المدام الكلبوظه
•
نسيت اشكر روووزا وله القلوب وجوديث(اسمك غريب اوي)
تخيلوا انا بفتح الايميل حالا لقيت ايميل جايلي عن ربط المعده هاقراه عشان اتنور واعرف اتكلم معاكوا
انا فهمت تقريبا اللي بيحصل بس الايميل مش قايل هو ده اللي بشريحه تحت الجلد عشان التحكم في الحزام ولا لأ.وايه ضرره بأه
يااخت روزا انا حاسه انك هاتفيديني.كلام ام عتريسه خوفني جدا مع اني كنت قاريه كتير عن تحويل المعده وتقريبا كنت عارفه معظم اللي قالته ومع ذلك كنت ناويه عليها.سبحان الله يمكن ربنا دلني علي الرابطه عشان يكون خير ليا.انا عملت سيرش عن الربط لقيته كلام مكرر تقريبا علي كل الروابط.الدكتور اللي كنت ناويه اعمل عنده التحويل اسمه خالد جودت في مصر مش بيرجح عملية الحزام وبيقول انها عملية الدكاتره المبتدئين وكلام كتير كانه بيقول للناس ماتعملوهاش ماعرفش ده لاسباب تجاريه بأه عشان يروج للتحوير ولا ايه...بس انا قريت في مكان تاني ان نهم الواحد للحلويات بيزيد مع عملية الحزام دي قوليلي ده صحيح ولا ايه؟؟انا بموت في الحلويات بانواعها وخايفه موت لاني مش هاجرب في نفسي.
ضحى أحمد
•
المدام الكلبوظه..
هقولك الكلام الوحش الي محدش يحب يسمعه بس لما تسمعيه مني دلوقت احسن ماتكتشفيه بنفسك بعد العمليه ..
بصي ان كنتي فاهمه ان العمليه هتنزل وزنك بدون اي تنازلات من جانبك او تضحيات يبقى من دلوقت احسن لك متعمليش عمليات لا تحوير ولا تدبيس ولا حزام .. ايوه في ناس عملت تدبيس ومستفادتش وناس عملت حزام وزادت بدال ماتنقص وناس عملت تحوير نزل وزنها بس بتلطم ياريت يرجع الزمن ولا كانت عملته ..
بصي هقرب لك الصوره .. تخيلي تلميذ خيبان بيسقط كل شويه واهله مهملينه وبينام مع خمسه اخواته عاملين له ازعاج لا يطاق .. جم اهله فكروا قالوا عشان الواد ينجح خلينا نعمل له اوضه لوحده ومنطلبش منه اي شيء غير بس يتفرغ للمذاكره .. ينادي على الشاي ييجي له ينادي على الاكل يلاقيه جاهز في ميعاده .. تفتكري الولد ده هينجح ولا لاه؟
لو هو بني آدم واستغل الفرصه هيمشي الحال وهيجيب مجموع كبير لكن لو معملش مجهود وقعد يلعب ويتنطط وساب المذاكره والله لو عملوا له ايه مفيش فايده . .
اهو العمليه دي مجرد تهيئة اسباب بس يعني بتبقى الفرصه قدامك اسهل بالظبط كان عملوا لك اوضه وجو هادي للمذاكره لكن كونك تذاكري او متذاكريش تفهمي او متفهميش ده راجع لك انتي وراجع لارادتك ومجهودك الي مستعده تبذليه .. فهمتيني
بصي انا لي موضوع اسمه يوميات متدبسه كاتبه فيه تفاصيل قصتي مع التدبيس وفي آخره عامله ملخص للفرق بين كل نوع من انواع العمليات ياريت تقريه يمكن يساعدك تتخذي القرار ..
وده ياستي رابط الموضوع ..
http://forum.hawaaworld.com/showthread.php?t=884969
هقولك الكلام الوحش الي محدش يحب يسمعه بس لما تسمعيه مني دلوقت احسن ماتكتشفيه بنفسك بعد العمليه ..
بصي ان كنتي فاهمه ان العمليه هتنزل وزنك بدون اي تنازلات من جانبك او تضحيات يبقى من دلوقت احسن لك متعمليش عمليات لا تحوير ولا تدبيس ولا حزام .. ايوه في ناس عملت تدبيس ومستفادتش وناس عملت حزام وزادت بدال ماتنقص وناس عملت تحوير نزل وزنها بس بتلطم ياريت يرجع الزمن ولا كانت عملته ..
بصي هقرب لك الصوره .. تخيلي تلميذ خيبان بيسقط كل شويه واهله مهملينه وبينام مع خمسه اخواته عاملين له ازعاج لا يطاق .. جم اهله فكروا قالوا عشان الواد ينجح خلينا نعمل له اوضه لوحده ومنطلبش منه اي شيء غير بس يتفرغ للمذاكره .. ينادي على الشاي ييجي له ينادي على الاكل يلاقيه جاهز في ميعاده .. تفتكري الولد ده هينجح ولا لاه؟
لو هو بني آدم واستغل الفرصه هيمشي الحال وهيجيب مجموع كبير لكن لو معملش مجهود وقعد يلعب ويتنطط وساب المذاكره والله لو عملوا له ايه مفيش فايده . .
اهو العمليه دي مجرد تهيئة اسباب بس يعني بتبقى الفرصه قدامك اسهل بالظبط كان عملوا لك اوضه وجو هادي للمذاكره لكن كونك تذاكري او متذاكريش تفهمي او متفهميش ده راجع لك انتي وراجع لارادتك ومجهودك الي مستعده تبذليه .. فهمتيني
بصي انا لي موضوع اسمه يوميات متدبسه كاتبه فيه تفاصيل قصتي مع التدبيس وفي آخره عامله ملخص للفرق بين كل نوع من انواع العمليات ياريت تقريه يمكن يساعدك تتخذي القرار ..
وده ياستي رابط الموضوع ..
http://forum.hawaaworld.com/showthread.php?t=884969
الصفحة الأخيرة