كلام ليلو صحيح ..
اغلب عمليات تصغير المعده ماله ااي تاثير على الحمل.. الا اللهم عمليه تحوير الامعاء .. وهي اللي يقصون جزء من الامعاء ويشبكون بالمعده على طول..
وهذي شوي فيها خطورة على النساء ..لان في فتره الحمل ينقص عندها الكالسيوم على ماظن ماني متاكده .. بس مره دكتور قالي .. وبرضو تظل تاخذ ابر فيتامينات طول حياتها..
يعني السالفه حوووووووووووووووووووسه.. مو سهله زي الربط والتدبيس..

سلام معطر بالريحان لكل اخواتي في الرابطة

وعقبال كل وحدة توصل للوزن اللي تبيه


شرايكم يا اخوات في الدكتور اللي من سوى لي العملية يقول انم مو محتاجة للتضويق ومعدتك صغيرة واحسن من تجيك مضاعفات من التضويق ؟؟؟؟؟؟؟


بصراحة انا محتارة ما ادري شسوي احس ان نزولي بطيء ومن سويت العملية15 كيلو نزلت من وزني في مدة اربعة شهور وما ادري هل هذا معدل معقول ولكن هو قالي اذا تبين اضوق ا اضوق بس نصيحتي لك بعد الاشعة لا تضوقين ....

مع العلم اني لا استفرغ نهااائيا فقط اذا كثرت الاكل اشعر بالغصة واوقف .....

وعندي سؤال اخر هل صحيح ان شرب الماء مع الاكل يمكن انه يؤخر نزول الوزن الدكتور نصحني بشرب الماء بعد ساعة من تناول الطعام وبكمية قليلة اقل من الكوب

مع العلم انني باستطاعتي ان اشرب كوبين من الماء في نفس الوقت ؟؟؟؟؟؟؟

اللي عنده تعليق على كلامي ياليت علشان نستفيد


لكم تحياتي واشواااقي

هلا والله اختي رهينه..
بالنسبه لموضوع التضييق والغصه هذا انا اكتشفته يختلف من بنت لبنت ...
عندك انا مثلا بعد ماسويت العمليه ماكنت احس بشي ابد .. ولا بعد التضييق الاول ولا الثاني .. الثالث يالله بديت احس بالغصه ..
وهو برضو كان يقولي يالله السائل ينزل .. وكان بعد يقولي طول مالوزن ينزل ماله داعي تضيقين بس لما يثبت وزنج تعالي نضوق عشان ينزل اكثر..
وبالنسبه لشرب الماء انا عن نفسي ماقدر اشرب ماء مع الاكل وماقدر اشربه الا اذا حسيت اللقمه نزلت على الاخر ولا كان تصير علوووووووووووووم :)
وبالنسبه للاستفراغ الحمدلله انك ما تستفرغين ابد لانه شعور ابد مو حلو :(
ومبروووووووك 15 الكيلو .. على فكره تراهم حلوين مو شينين بالفتره .. وصدقيني كلما نزل ووزنج ببطئ يكون احلى خذيها مني سنتين ونزلت فيها 27 على اقل من مهلي والحمدلله ماترهل جسمي بشكل كبير ولا قاعد يزيد بعد بشكل كبير.. يعني يزيد 2 او 3 واقدر انزلهم .. لكن خوفج من النزول لسريع .. اعرفي انه فيه طلعه سريعه بعدها ..

عادي اشرب مع الاكل يعني ما اكل الاكل كله دفعه وحده يعني اكل لقمه و اشرب فالمويا تنزل اللقمه من الحلقه و كدا ترجع المعده الصغيره الي فوق فاضيه و هكذا .

هلا اختي دايموند.. انا كنت بس مستغربه .. كيف تشربين مع الاكل .. انا عن نفسي ماقدر على طول استفرغ (اعزكم الله )..